قصيده ..اللي يضرب البنت ماهورجال!!
ضرب المره يا ناس ما هو رجوله
وما ظنتي من يضرب البنت رجال
لا والله انه ما يعرف الفحولـــــــــه
وبالمهزله يضرب به أمثال وأمثال
وبعض البشر يقهرك باللي يقوله
جاهل يدرس له ملايين جهـــــــــال
أكبر طموحه يعمل أصغر بطوله
عنوانها دم المره ما بعد سّـــــــــال
الضرب للزوجه هو افضل عموله
ويا كثر ما جابوا من أقوال وأقوال
كم جاهل ٍ فيهم تردت فعولـــــــــــه
وكم عالم ٍ ما يتقي شر الأعمال
يلعب ويضرب في بنات الحمولـــه
أحلى االتفاهم عنده بسوط وعقال
لا عاش رجل ٍ كل هذا ميولــــــــه
ولا عاش من يتبع حكايات الأنذال
ناس ٍ لهم بالجهل صوله ورجولـــــه
اكبر طموحه عيشة البنت في أذلال
عايش وبالقوه يدبر حلولـــــــــــــه
يسمع نصايح ناس مجموعة حثال
الشرع قال أدب وطبقت قولـــــــه
ما قال عذب واضرب بحقد وخبال
لكن بعض الناس حرف نزولــــــه
والمسأله صارت بطولات وابطال
والعلم ما كل ٍ يطبق أصولــــــــــه
عشنا وشفنا من مصيبات واهوال
ناس ٍ بنو للمجد مليون دولـــــــــه
وناس تموت وما بنت نصف تمثال
ودرب العلا ما كل واحد يطولــــــــه
ما طاله إلا شخص واعي وخيال
ولا هنت يلي كم بيت ٍ تعولــــــــــــه
يلي لكم بالعز رايه ومنـــــــزال
ناس ٍ لفعل الشر ما هي عجولـــــه
تعطف على الحرمه ولا تحقر أطفال
الله يعز اللي يعيش ابسهولـــــــــه
والله يبدل للبشر بعض الأحوال
والله يرزقني ببنت ٍ خجولـــــــــــــه
أطرب لها قيفان وأبدع لها أمثال
واغيض منهو مر حولي وحولـــــه
واشفي غليلي من حقودين عذال
واقهر عديم المرجله والفحولــــــه
واقول يا جعلك من الكون تنشال
وان قال ضرب البنت أكبر رجولــه
قولوا له انه ورع ما هوب رجال
مما راق لي.. بس قولورايكم باللي يضرب البنت؟!!!
ياتــــــرى بيكون رجال؟!
رد مع اقتباس
رد: قصيده ..اللي يضرب البنت ماهورجال!!
مواقع النشر (المفضلة)