اخر الليلة وخزني قلبي في ذكرى حبيب
منتسيه برف صدري ولابغيت اذكر مكانه
قلبي اللي من طعنته مابغى يسأل طبيب
قطعة ضماد لطعونك تعتبر عندي اهانه
كم طعنت وكم جرحت وكم تسببت بلهيب
وانا ياكفٍ جرحني (اسف حقوقك مصانه)
كل مرة فيك اقرأ كذبة بــ عيونك تصيب
وادري انك تكذبين وكذبتك تمشي معانه
تحسبيني عنك غافل و الهوا نار صعيب
مادريتي أن حبك في الحشا اصبح امانه
والله اني لو عطيتك وجهي واغليتك حبيب
اعرفك جملة غرور اعرابها ضمة لعانه
رحمتك تتلو عذابك ومن عذابك من يطيب
طاحوا بكفك ألوف وقبلهم ماتوا خيانه
اقدر اغدربك واحطك من لهيب في لهيب
والعب بدورك واغني للمسا( ليل الرعانه)
واجرعك من كاس دمي والمدامع تستطيب
وارشفك من مر طعنك مالح الهم وزمانه
كل سهم من سهامك ماانطلق الا يصيب
فاتح صدري وانادي ياسهم اقلط مكانه
صدقيني ماابالغ في الحكي وانتي طبيب
داوي جروح تحدت من يعالجها بأمانه
أتمنــــــــى تكـــــــــون حازت على إعجابكم .......
تحياتي ......
مواقع النشر (المفضلة)