قلبي \\ مغرم ومفتــ ون
[align=center]
من سجل الذكرى - كلمات وجدانية متواضعه
بقيت لسنوات ليكون خروجها عفوي لكم
قد يكون الحرف مختلف ولكنه صدى
من ذكرياتي على حائط الزمن0
قلبي \\ مغرم ومفتــ ون
[poem=font="Simplified Arabic,6,skyblue,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
اسهر واعاني والخلايق ينامون=من سبة اللي في غرامه بلاني
يتل قلبي دون رفق ٍ ولاهون= مزع معاليق الخفوق وطواني
لاشفت زوله طحت قمت اطلب العون= وان صابني في سهم حبه رماني
قرم وُفي فيه الوسامه ومزيون = اصله عريب بكل شيِ دهاني
قلبي بحبه صار مغرم ومفتون= وعيني لغيره تبتعد ماتداني
حبيب قلبي له محبه ومكنون= حبي خفى واعلنت حبي بياني
ماطاوع الحساد واللي يعذلون=حبي وحبه سامي ٍ بالمعاني
ياعزتي لي كان هو غاب تكفون= ضاع الامل بين الرجا والأماني
الحال ياهل العرف من دون في دون= الحب صعب ٍ مايجي بالهواني
والله لو جابوا بداله ترليون = واتبدلت احزاننا بالاغاني !
ماريد انا غيره وغيره يولّون = على غرامه قد عطيته ضماني[/poem]
الحـــــــ وراء بنت نجد[/align]
رد مع اقتباس
مواقع النشر (المفضلة)