مافيه غيرك بالمخاليق محبوب=وحدك إلحالك بالموده بغيتك
أنا الذي من راسه العقل مسلوب=لوشفت غيرك بالهوى مانويتك
جمرالغرام إبخافق الروح مشبوب=أعشق غلاك إبكل حب إشتهيتك
أهواك في عشره وأعاملك بسلوب=رقة كلام وروح لمن لقيتك
اللين ياخلي للاحباب مطلوب=كل ماتدرالي تراني دريتك
لأن الظميرمن الغلا منك معطوب=ومع كل مايجري تراني حميتك
لأطروك لفيته مع الناس بعجوب=لوكان أنا ماأعرف لهم درب بيتك
راع الهوى ياصاحبي دوم مسبوب=لكن حشا ياسيدي ماشنيتك
أكيد أنا بالحب واقع ومنكوب=إن ماسباني منك ود سبيتك
أرسلت مع ذعذاع الأرياح مندوب=ولاهي غريبه كان يازين جيتك
مرات ماينفع رسول ومنجوب=مجبوركني ياحبيبي نصيتك
ليه على طرق الهباهيب مركوب=فكري إيوديني إليامن نويتك
لاتلوم قلب من حشا الروح منهوب=أنته نهبته كان تنكرشكيتك
لوكان تجريلي عواقيب واذنوب=لأجلك ومن شانك إبروحي فديتك
ياشوق لوإنك على السوق مجلوب=كان إبحياتي ياحبيبي شريت
لعيون حبك بالحشاحرلاهوب=ومن شان تطفي حرمابي نخيتك
تكفا تراني ياهوى البال مذهوب=تكفا تراني في غرامي نقيتك
من عشرتك واملاوع الوجد مكلوب=تقدرعليْ يامنوتي ماقويتك
كم رحت أدورتذرع الرجل دالوب=وعن كل ظن إليا حكوبك نحيتك
أبعدك في هرجي لوالجاش مذيوب=لاتحسبني يوم أجنب عزيتك
صابرعلى اللوعه ولا والله آتوب=لأني إبكل الحب جد إحتويتك
والله لوإنك على السوق مجلوب=في كل روحي والحياه إشتريتك
مواقع النشر (المفضلة)