السلام عليكم ورحمة الله وبركاته..
في احد ايام الصيف الحاره بعز الظهر..
اتت والدتي لكي تقول لي ترى جاج فلان الفلاني بس احنا رفضنا..
قلت ليه يما.قالت مب من مواخيذنا.قلت بعدكم ع هالشي الغبي.
قالت غبي بعيونجانتي شفهمج.قلت يما الولد مايعيبه شي اهم شي الاخلاق انتي شفتي شي عليه؟؟
قالت انتي تبينه؟ قلت يماااااا..قالت خلاص تبين تتزوجين مالج غير عيال عايلتج..قلت يما جذيه بعنس انا مابيهم.قالت احسن احنا ماناخذ من اي حد..
قلت لها وانا ابي انهي ها الجدال الفاشل الرجعي بكيفكم هو هذي حياتي بروح انام
قالت تعالي وين رايحه ابيج تروحين معاي اليوم العزاء..قلت يصير خير..
المهم اساعه اربع اسمع دق ع بابي
واقوم صاروووووووخ بسرعه لبست اي كلام وشلت جوالي ونزلت..
رحنا عند الناس وبديت اسلم واقول عظم الله اجركم ..اسغفر الله مليت وانا ا قوله قلت بغير.
وصلت عند الحرمه اللي توفى رجلها..الله يرحمه..وقلت لهاااااااااا
عقبالــــــــــــج..احرااااج بقوه بس الحمدلله محد سمعني..
وجلسنا وعاد انا مزكمه وحالتي حاله اللي يشوفني يقول من اهل المرحوم..
مساكين الحريم لازم يسلمون علي ويهدوني ما يدرون ان البلا من الزكام..
شوي وصوت راشد الماجد يعلا يـ مساء الاحساس كله والزهر روزه وفله يـ مساء العز اللي يسمو في زمان وفي محله..
وناس بدت تناظرني يااااااااي ويهي اليوم اللوان..وسكه سايلنت..
وينج يا يمه رحتي وخليتني..
المهم قالو صلاة المغرب قمت اصلي ويوم خلصت مسكتني وحده وانا جالسه ادق حق اخوي يجي ياخذنا..
شسم جوالج كم سعره>>سكرت الجوال خافت من اخوها..
شو مواصفاته.. شلون تفتحينه شلون تفتح الكيمره..نشبت لي نشبه
صرفتها قلت لازم استاذن الاهل برا..
وانا طالعه قلت ان شاء الله ما نجيكم لا بالاحزان>>والله قصدي مانجيكم بالاحزان..
وطلعت من البيت وحمدت ربي اني مب راجعه مره ثانيه..
طررررررررررررررررررررررررررررررررررررررخ
هذي صوت رقعه في الباب الله يسلمكم كان هذا كله حلم الله لا يعوده ان شاء الله..
اخذت درس من امي شو يقولون وشلون يتصرفون..والجوال من البيتنا سايلنت..
والحمدلله ان اليوم عدا ع خير وما تحقق الحلم..
بس تحقق اني مزكمه وسالفة المره اللي نشبت..
ان شاء الله انبسطتو وانتو تقرون الموضوع..
والسموحه اذا ازعجكم..
مواقع النشر (المفضلة)