-
... عضو مميز...
- معدل تقييم المستوى
- 1
التــــــــــــــــــــــــــــصنع.......
التصنع
التصنَع .. بكل أشكاله داء يفتك بالإنسان , بشخصيته , بصدقه مع ذاته
و بصدقه مع النّاس ..
لما الواحد يتصنّع تصرفاته , ويتصنَع مظهره .. هو بكل بساطه يقول ..
” انا مورااضي عنك ياشكلي , يا نفسي , و ياشخصيتي ..
والناس ماراح ترضى عنّي لوشافتكم ”
بعد كذا يتخذ لنفسه كاريكتر جديد ..
يبدأ يتكلم بألفاظ جديدة , نبرة الصوت تتنعَم و تتدلع , حركات اليدين والوقفه والمشيه تتغير ,
السواليف والإهتمامات تآخذ لها مجرى سطحي , الإهتمام بالشكل والمظهر يصبح من الأولويّات ..
يختلط بأشخاص لهم سمعتهم , و يحرص على امتلاك أشياء ثمينة تزيد من قيمته عندهم…
ويستمر بالعيش بـ هالعالم الفقاعة .. ! الين ماينفقع عالمه ويتلاشى في يوم من الأيام ..
:
.
المعيشه هذي صعبة !
انتوا متخيلين انكم تمثلوا إنسان ثاني غير نفسكم طول العمر !
و الأصعب من كذا .. شعورك الداخلي .. تحس بفراغ وخواء مهما سويت ..
ما راح أنقد ع الشخص لأن له ظروفه الخاصة اللي خلته يتصنع وهو أدرى فيها ..
بس خلاص يكفَي إلى متى ؟
التصنّع شي ( مفضوح ) .. الناس كلها عارفه انك انت مو كذا ..
انك انت قاعد تمثل وبالمعنى الأدق ( تهايط )
فـ ليش ماتبطَل وتتصرف على طبيعتك ؟
:
.
أهم الأسباب المؤدية للتصنّع :
1- فقدان الثقة بالذات ..
لما تفقد ثقتك بنفسك ولو جزء منها .. ماراح تحسّ بالأمان مع الناس .. وبتحس بنقص ..
وتصرفاتك المصطنعه و ممتلكاتك ومظهرك المتكلّف يتهيألك أنهم يعوضوك عنها ويحسسوك بالأمان ..
2- المجتمع ..
أحياناً المجتمع يفرض عليك تتأقلم مع شكليَاته .. وكل اللي حولك من جامعة ,
و أصدقاء , و أهل ..بنفس التيّار ماشيين .. ( كشخة + مظاهر ) ..
انت كيف بتعارضهم وتمشي عكسهم ؟ ايش بيقولوا عنك ؟
لازم تعرف انك جالس ترتكب جريمة في حق نفسك ..
مهمشها ومخفيها ومو معترف فيها .. عشان ايش ؟
عشان الناس تقول عني … !
عشان كيف بيكون شكلي ..
عشان يقولوا عني قروي ومو عايش في الدنيا ..
عشان ما أكون popular
واذا قالوا .. ؟ طيب وبعدين ؟
هل جربت انك تظهر شخصيتك الحقيقية وتتصرف بكامل طبيعتك ؟ ..
وتلبس ملابسك العادية من غير ماتتكلَف بالماركات اللي ماتقدر تشتريها .. ؟
وتتكلَم بأي سالفة .. مع الشخص فلان الفلآني .. من غير ما تقول أنا رحت و جيت وكنت ؟؟
هل تقدر .. تتكلم بنفس أسلوبك في الكلام مع كل الناس ؟
سواء القروي ولا الهاي كلاس أو اخوانك أو أصدقائك ؟
:
كيف تعرف انك متصنع ؟
- لما تجلس مع أحد وفيه شي جواتك يقولك ( اكشخ عليه ) بآخر سفرة لك , بسيارتك ,
بالدي جي اللي سويته , بحفلة راشد اللي حضرتها ..الخ
- اذا تغيَر اسلوبك في الكلام و سرت تضيف كلمات لقاموسك مو من عادتك تقولها ..
- اذا صار اهتمامك بشكلك مبالغ فيه ومتكلف زيادة عن اللزوم .. وتبغى كل الناس تنتبه لك ..
- لما تحس ان الناس تراقبك في كل مكان ومعجبه فيك ..( بس إحساس مو حقيقة ) ..
- لما تصنَف الناس وتحكم عليهم بمظهرهم ..( هذي كشخه .. هذا قروي .. هذا مسوي نفسه ) - اذا صارت العوايل الكبيرة والناس محور أحاديثك ..( راحوا .. وقالوا .. وعزموني .. وكلمني ..الخ )
- لما تصير مهووس بالماركات .. وماتقدر تطلع من البيت الا بشي ماركة ..
:
أي واحد فينا ممكن يمر بهالحالة .. – يعني لاحد يستحي - ..
بس المهم انك تطلع منها بأقل الخساير .. لأنها تكره الناس فيك ..
و مهما كنت طيب وحبوب .. يبقى القناع المزيف اللي انت لابسه يخّرب عليك مظهرك ..
:
كيف أكون على طبيعتي ؟
شي صعب في البداية خصوصاً اذا ماكنت واثق من نفسك وامكانياتك ..
بس لازم تقتنع ان ثقتك بنفسك ماتستمدها من أنك تتصنع شخصية ثانية أبداً
ولا من ممتلكاتك .. ثقتك و شعورك بالأمان تحس فيه من داخلك ..
- عوّد نفسك انك تتصرف على طبيعتك مع كل الناس وماتتغيّر اذا شفت أحد عليه القيمة ..
- اذا حسّيت بالشعور اللي يقولك ( اكشخ قدامهم ) .. لاتسمعله
.. و تكلم بأي سالفة عادية ..
- لاتحكم على أي إنسان بمظهره .. حتى لو كان شكله يوحي بهالشي ..
- لو كنت مهووس بالماركات .. جرب تطلع بدون ماركات ..
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)