التــــــــــــــــــــــــــــصنع.......

[*الكــاديــ*]

التصنع


التصنَع .. بكل أشكاله داء يفتك بالإنسان , بشخصيته , بصدقه مع ذاته
و بصدقه مع النّاس ..
لما الواحد يتصنّع تصرفاته , ويتصنَع مظهره .. هو بكل بساطه يقول ..

” انا مورااضي عنك ياشكلي , يا نفسي , و ياشخصيتي ..
والناس ماراح ترضى عنّي لوشافتكم ”

بعد كذا يتخذ لنفسه كاريكتر جديد ..
يبدأ يتكلم بألفاظ جديدة , نبرة الصوت تتنعَم و تتدلع , حركات اليدين والوقفه والمشيه تتغير ,

السواليف والإهتمامات تآخذ لها مجرى سطحي , الإهتمام بالشكل والمظهر يصبح من الأولويّات ..
يختلط بأشخاص لهم سمعتهم , و يحرص على امتلاك أشياء ثمينة تزيد من قيمته عندهم…

ويستمر بالعيش بـ هالعالم الفقاعة .. ! الين ماينفقع عالمه ويتلاشى في يوم من الأيام ..




:
.

المعيشه هذي صعبة !
انتوا متخيلين انكم تمثلوا إنسان ثاني غير نفسكم طول العمر !

و الأصعب من كذا .. شعورك الداخلي .. تحس بفراغ وخواء مهما سويت ..

ما راح أنقد ع الشخص لأن له ظروفه الخاصة اللي خلته يتصنع وهو أدرى فيها ..
بس خلاص يكفَي إلى متى ؟

التصنّع شي ( مفضوح ) .. الناس كلها عارفه انك انت مو كذا ..
انك انت قاعد تمثل وبالمعنى الأدق ( تهايط )
فـ ليش ماتبطَل وتتصرف على طبيعتك ؟



:

.
أهم الأسباب المؤدية للتصنّع :

1- فقدان الثقة بالذات ..

لما تفقد ثقتك بنفسك ولو جزء منها .. ماراح تحسّ بالأمان مع الناس .. وبتحس بنقص ..
وتصرفاتك المصطنعه و ممتلكاتك ومظهرك المتكلّف يتهيألك أنهم يعوضوك عنها ويحسسوك بالأمان ..


2- المجتمع ..
أحياناً المجتمع يفرض عليك تتأقلم مع شكليَاته .. وكل اللي حولك من جامعة ,
و أصدقاء , و أهل ..بنفس التيّار ماشيين .. ( كشخة + مظاهر ) ..
انت كيف بتعارضهم وتمشي عكسهم ؟ ايش بيقولوا عنك ؟





لازم تعرف انك جالس ترتكب جريمة في حق نفسك ..
مهمشها ومخفيها ومو معترف فيها .. عشان ايش ؟

عشان الناس تقول عني … !
عشان كيف بيكون شكلي ..
عشان يقولوا عني قروي ومو عايش في الدنيا ..
عشان ما أكون popular

واذا قالوا .. ؟ طيب وبعدين ؟

هل جربت انك تظهر شخصيتك الحقيقية وتتصرف بكامل طبيعتك ؟ ..

وتلبس ملابسك العادية من غير ماتتكلَف بالماركات اللي ماتقدر تشتريها .. ؟

وتتكلَم بأي سالفة .. مع الشخص فلان الفلآني .. من غير ما تقول أنا رحت و جيت وكنت ؟؟
هل تقدر .. تتكلم بنفس أسلوبك في الكلام مع كل الناس ؟

سواء القروي ولا الهاي كلاس أو اخوانك أو أصدقائك ؟





:



كيف تعرف انك متصنع ؟

- لما تجلس مع أحد وفيه شي جواتك يقولك ( اكشخ عليه ) بآخر سفرة لك , بسيارتك ,
بالدي جي اللي سويته , بحفلة راشد اللي حضرتها ..الخ

- اذا تغيَر اسلوبك في الكلام و سرت تضيف كلمات لقاموسك مو من عادتك تقولها ..

- اذا صار اهتمامك بشكلك مبالغ فيه ومتكلف زيادة عن اللزوم .. وتبغى كل الناس تنتبه لك ..

- لما تحس ان الناس تراقبك في كل مكان ومعجبه فيك ..( بس إحساس مو حقيقة ) ..
- لما تصنَف الناس وتحكم عليهم بمظهرهم ..( هذي كشخه .. هذا قروي .. هذا مسوي نفسه ) - اذا صارت العوايل الكبيرة والناس محور أحاديثك ..( راحوا .. وقالوا .. وعزموني .. وكلمني ..الخ )
- لما تصير مهووس بالماركات .. وماتقدر تطلع من البيت الا بشي ماركة ..


:


أي واحد فينا ممكن يمر بهالحالة .. – يعني لاحد يستحي - ..

بس المهم انك تطلع منها بأقل الخساير .. لأنها تكره الناس فيك ..
و مهما كنت طيب وحبوب .. يبقى القناع المزيف اللي انت لابسه يخّرب عليك مظهرك ..




:



كيف أكون على طبيعتي ؟

شي صعب في البداية خصوصاً اذا ماكنت واثق من نفسك وامكانياتك ..
بس لازم تقتنع ان ثقتك بنفسك ماتستمدها من أنك تتصنع شخصية ثانية أبداً
ولا من ممتلكاتك .. ثقتك و شعورك بالأمان تحس فيه من داخلك ..


- عوّد نفسك انك تتصرف على طبيعتك مع كل الناس وماتتغيّر اذا شفت أحد عليه القيمة ..

- اذا حسّيت بالشعور اللي يقولك ( اكشخ قدامهم ) .. لاتسمعله
.. و تكلم بأي سالفة عادية ..

- لاتحكم على أي إنسان بمظهره .. حتى لو كان شكله يوحي بهالشي ..

- لو كنت مهووس بالماركات .. جرب تطلع بدون ماركات ..

[سعودي وايلي]

جميل الموضوع

والمتصنعين هم اشخاص كل يوم يحلم بأن يكون فلان او فلان او طريقة فلان او حركة فلان ولا يحمل بان يكون هــو..شكرا لك موضوع يستحق القراءة

[هدوء البحر]

مشكوره اختي الكاديا على طرحك القيم وموضوعك فعلا رائع
والحمدلله اللي عافانا مما ابتلاهم وانا فعلا اعتبره مرضر وبلاء
لكن ما اقول الا انه من المفروض ان كل انسان يعيش بشخصيته
لكن مافي مانع اا كانت شخصيته فيها شيء من السلوك السيء
بان يغيره لكن مومعناها التصنع بما ليس فيه
اختي الكاديا استمتعت بما قرات
تقبلي طلتي

[مناير الشـووق]

طررح ممتاز

هذووله النااس بالفعل مريضيين

لماذاا لا يكوون هم ليش يتصنعوون

القناعه تراا كنزز

يسلموااا

[*الكــاديــ*]

مشكككوووووورين ع الردود الرائعه