جمرة غيابك .. تحتفل صخب وعناد... وروح البياض تزف فيك الكتابه..~

**أًصِدْقٌ اٍحِسًآسُ∫●•** · 04-12-2009, 06:06 PM

لـ الشعر فيك / بلاد وبلاد وبلاد
ولـ الشعر فيني / دمعتين وسحابه

كلمة " أحبك" مالها عندي أضداد
هذي حقيقة عمر .. مايندرى به

أشيل بعيوني .. مسافات وجياد
وارتب بظهري / سيوف الكآبه

أحمل لك بكفي / مشاعيل وسهاد
وانظم من جنون الغرابه / غرابه

أنسج من امطاري / فرح ماله اولاد
لو غصـتي تفرض علي الحرابه

لجلك / بكارة حرف تنفض بحياد
ولجلك / ربيع الما يزيد اغترابه

لك في عذوق الصبح / منشا وميلاد
ولك من غدير الليل / صمت ومهابه

جمرة غيابك .. تحتفل صخب وعناد
وروح البياض .. تزف فيك الكتابه

قصة جمالك .. مثل دار للأجواد
وانا غريبٍ .. جوعه اطول ثيابه

عينك / مواني نور وافراح واعياد
وعيني / سواحل جرح طوَل عذابه

خطوتك فيها .. تاج وملوك واسياد
وفيها انثيال الما .. وصدري ترابه

بسمتك في ركن السما / تبني الضاد
وآضم قصرك .. واحتفل في خطابه

أوتار صوتك .. نبرتك / طيش وقاد
بيده حنين .. يفتت أضخم رتابه

من وين ببدا ؟ والبدايات تنعاد
وكلك على بعضك / سؤال وإجابه

لاتسأل التاريخ .. عن غصن وانشاد
وانت اختصار الريح / قدر / ورحابه

وصلك .. مدينه مالها باب واصفاد
وهجرك .. فقيرٍ طاح بك عند بابه

شربت وصلك من عروقي ولا فاد
دامك بدمي .. هات معنى غيابه ؟

تعال .. صفف بالسما كل ميعاد
واشعل فتيل الوصل .. في كل غابه

امطر حنين / ولمني شعب وافراد
بين السما والأرض / مالي قرابه

الليل شيخي .. يوم انا جملة احفاد
والصبح بشفاتك .. ذبحني سرابه

تعال خذني معك .. لبلاد وبلاد
واشعل فتيل الوصل تحت السحابه ..!

.
.

.
عبد الله بن زنان

(الســـيل)
:25ar:

**أبعـــاد** · 04-12-2009, 08:38 PM

صح لسان شاعــرها..

ولاهنتِ غلاتي ع النقل..

قصيده روعه..

دمتِ بود..

أختك أبعاد

**[ .: سّيآفَ /! ]** · 05-12-2009, 04:58 AM

..

وصلك .. مدينه مالها باب واصفاد
وهجرك .. فقيرٍ طاح بك عند بابه

عبدالله بن زنآد

أذكر الإسِم هذآ , قرآءة له فيَ شّظآيآ !

شّآعر عذب للأمآنه وله رونق خآص وحفظت له قصآئد من إعجآبيَ بهآ

الله يرضىَ عليك أختيَ .. :25ar:

,

**ج ــريح آلضـ م ـآير** · 05-12-2009, 12:17 PM

روعة تلك الأبيات .. والتي أعيد قراءتها مرارا ً وتكرارا ً

لا أشبع منها أبدا ً .. وذلك لعذوبتها .. المُحمّله بالإبداع

أجد ذلك التميّز في جيمع قصائد الشاعر المُبدع /

عبدالله بن زنان ( السيل ) ... فهو شاعر عذب ...

أصدق احساس .."

جميله ذائقتك ... ورائع إحساسك ...

لـ حرفك ِ سيدتي .. عذوبه أينما حل ..

أعذب التحايا لك ِ .."

**أميره الكل** · 05-12-2009, 11:07 PM

صح لسان قايلها وصح لسان ناقلهااااا

تميز وابداع رائع ماطرحه قلمك المميز

تحياتي لك

الموضوع: جمرة غيابك .. تحتفل صخب وعناد... وروح البياض تزف فيك الكتابه..~

أدوات الموضوع

عرض