ما للقبيح إلا...................؟

[طارق الوادعي]

الطيب ينفع مع هل الطيب يانـاس
ولا الردي لاعاش نفسه شحيحـه
ياصاحبي خذها من الراس لـراس
طبـع التجاهـل بيننـا لا تبيحـه
لا رافعن فاسي ولا ترفـع الفـاس
على حبال الود لـو هـي جريحـه
خابرك راعي طيب ياطيب السـاس
وانا مع الطيب هروجـي صريحـه
هذا انت اغلى من غلا الدر والماس
حافظ على كنـز الغـلا لا تبيحـه
وان كان ماتبغى غلانا والاحسـاس
خل النفوس اصحاح هاك الصحيحه
من باعنا قلنـا ولا بـاس لابـاس
مـا للقبيـح إلا علومـن قبيحـه
من بعد ماهو فوق ينداس ينـداس
واذبح غلاته مثـل ذبـح الذبيحـه

[حيران في عالم النسيان]

الله الله


صح لسانك يالقهرمان


وبيض الله وجهك


تحيتي لك


حيران

[مناير الشـووق]

صح لساانك لا هنت

[صافي الروح]

صح لسانك ابيات جميله

[ظميان غدير]

القهرمان
قصيدة جميلة ورائعة
متميزة بألفاظها وتعابيرها التي جاءت كعتاب وكحكمة
صح لسانك
تحيتي لك
ظميان غدير