العمر فدوه لكن القلب هاته
شفتك بعـد غيبـه وحاولـت أحاكيـك
ماهو بـ/ من قلبي ، ولا من جراتـه !
بغيت اقول : فلان ؟ وازريت اناديك !
وكنّي سمعـــــت اسمــــــي مـع الالتفاتــــه !
فزّيت من نومي وانـا اقـول : لبّيـك
واثرك رويا فـي منامـي وجاتـه .. !
صفقت كف وقلت : يا حلـم يشويـك
جدّدت لي جــــــرحٍ هنـى فـي مباتـه !
يا اللي شريت البعد ما غاب طاريـك !
حتـى لـو ان البعــــــد سـوّى سواتــــــه
ماهو بـ/ محزني على حاجـةٍ فيـك !
الا ان قلبـي شايـفٍ بـك [ غناتـه ]
كن الطيوف تقول : وش حال غاليك ؟
واقول : راح ، وما بقـا الا غلاتــــــه !
لو ان ماجاني مـن الهـم ياتيـك .. ؟
كان المصلي مـا حفـظ وش صلاتــــــه
مرّيـت شارعكـم وصادفنـي اخيـك
واللي قطـع كبـدي حلاتـك حلاتـه !
بغيت ألخبـط مـن دعايـاه وادعيـك
واسمك وقـف بيـن اللسـان ولهاتـه
وبغيت اجيب العيد واقول : يرضيـك ؟
فـ/ اللي وصاتي له ، وضيّع وصاتـــــــــه ؟
البعــــــد شيّـب خافـقٍ مـيّـتٍ فـيـك
والى مشا خطوه ؟ عثر في عصاتـه !
مشكلتـي : ان قلبـي يحبـك ويغليـك
ومشكلتك : انك شخص عايش حياتـه !
كثـر الجفـا نــــار ، وحطبهـا تغلّيـك
خف الحطـب لا تزيـد نـار الشماتـه
ان ما احزنك جرحٍ بـ/ رجواه يدعيك ؟
ما عاد تفـرق عيشتـهمـن مماتـــــه !
قلبـــي:24ar: وعمـــــري كلّهـا بيـن اياديـك
العمر [ فدوه ] لكـن القلـب / هاتـه !
وان ما بغيت ترد قلــــــبي مـا اوصيـك ؟
احسن عزاه الى دريـت بـ/ وفاتــــــــه !
للرائع : حمد البريدي ..
رد مع اقتباس
مواقع النشر (المفضلة)