على ما يقولون المعنى في بطن الشاعر
ارجو ان تنال إعجابكم...
كثر الخلاف اللي به القلب منصاب
وأصغر جدال يصير فيه المسبّه
حسبي على منه تسبّب بالاسباب
وقت الظروف اللي هبوبه تهبّه
أنا اشهد إنك للمجاريح شبّاب
نار الضلوع اللي كلامك يشبّه
تقول لي كذاب وآقول كذاب
وجات النهايه دون صلح ومحبّه
وتبغى الحياة تكون في دور الاحباب
وتبغى الكلام العذب وتحب دربه
خل الدلع والصد لا تقفل الباب
خفف عليّ بالهون والصوت لبّه
خابر عيوني كيف كانت والاهداب
صار الهدب مكحول والدمع سبّه
يالله يا مروي ثرى عرق الاعشاب
تروي الضّمى بعروق حبّي وحبّه
أخوكم / علي
مواقع النشر (المفضلة)