دكتــور لاراح خللي وش بقى فيني

**][ .. عـتريـس .. ][** · 27-10-2004, 08:20 AM

(( دكــــتــــــــــــــور ))

دكتور حسبي عليك الوقت يطويني × وقّعت لقــرار خــذ مني وتعطيهــا

دكتور لاراح خلي وش بقى فيني × اعيـش عاله على نفــسي وماضيها

ناظر بحالي وقال ارجـوك تعفيني × حـنا سـبب وادع خالقـهـا يشافـيـهـا

انا دخـيـلـك الــه الكــون سامحنـي × انت الــذي عالم(ن) نفــسي وخافيها

الشيخ سـكر كـتابه ثـم صـافحنــي × قـام ايتحسب عـلى من كـان راعيها

ياشيخ تكفـى ولجـل الله صـارحنـي × باكـر سفـرنا عسـى نلـقــى مداويها

قال اتجـه لــلـكريــم ولا تحلـفـنـي × العـين حــق ودواهــا عـنـد باريهــــا

رجعت اجاهد واصارع كل مافيني × جـلست عنده وروحي الهـم طاويها

نادت علي قلت جنبك يانظر عيني × قـالـت حـبيبـي تعـبتك قـلـت قوليهـا

تبسّمت ومسكـت بيدي توصّـينـي × نـاديـت بالـصـوت ياربـي تخـلـيـها

قلت اسكتي سامحك ربي وسامحني × يام العيال وزهر عمري واراضيها

كنت احسبه حلـم والـواقع يصـحيّني × حـطـيـتـهـا في القبر وش لون اخليهــا

تكفون وسط الكفن معهـا تحطونــي × مـن غـيـرهـا دنيتي ياكـيـف اجـاريهـا

راحـت وحــزني عـلـيـها مايفارقني × لــو اجلـس ابكي سنين العمر ما اوفيها

الوعــــــــ2ـــــــــــد

**احلاكم ويسواكم** · 29-10-2004, 02:42 AM

الله يعطيك العافيه علي الكلام الحلووو

ماقصرت

**big hart** · 29-10-2004, 05:20 AM

الأخ العزيز الوعـــــــ2ــــــــد

مشكوووووووووووووووور اخوي على الابيات

الجميله

والله يعطيك العافيه

وننتظر منك المزيد ياغالي

ولك عزيزي فائق تقديري واحترامي