المصيبــــــه

**كنت الغلا** · 13-01-2010, 01:15 AM

.. ممااا .. رآق لي .. :25ar:

ازرعك في تربة الخفاق ياعمري... حروف
لين أشوفك تنبت وأقراء حروف اسمي.. عليك

وش عليك إن صاب شمسك.. يوم ياعمري كسوف
دام أنا وشوفي وفكري ونبض خفاقي.. بيديك

في شراييني.. تمد جذورك وتحيا وتشوف
كل ركن بداخلي كاتب على جداره.. ( أبيك )

من بعدت الله وكيلك.. في عيوني صرت.. أحوف
صورتك.. واغمض عيوني عليها ... واحتريك

أرتجي شوفتك واحزاني على صدري.. وقوف
كل حزن يصبر الثاني..... ويحلف مايجيك

طافت أيام وبقت ذكراك ... عيت لاتطوف
وصرت فـ بلاد الحزن عابر... وكنت أنت المليك

أتحسس يارياح البعد.. من لاهبك جوف
احتمي به عن سما فرقاك... وارجع واحتميك

والمصيبة ماهي بفرقاك... والفرقا تلوف
خافقي... ولا غيابك لا غدى موتي وشيك

المصيبة لاوفت يدي.. وخانتني الكتوف
وصرت أدورني ولا ألقاني سوى.. في راحتيك

أخنق العبره وأقول إن كل ما راح.. مخلوف
وأثر ماخلف غيابك غير.. صورة ناظريك

صرت ألملم لك ضلوعي.. يوم حرص ويوم خوف
لا تبور التربه اللي .. ساكنتها.. وجنتيك

وازرعك في تربة الخفاق ياعمري طيوف
لين أشوفك تنبت .. وأقراء طيوف اسمي عليك

وسسسسسســلاامتكم .. :25ar:

**أًصِدْقٌ اٍحِسًآسُ∫●•** · 13-01-2010, 02:38 PM

المصيبة لاوفت يدي.. وخانتني الكتوف
وصرت أدورني ولا ألقاني سوى.. في راحتيك

أبيات جمليه..

تسلم يمينك اخوي..

ولاهنت..

**حيران في عالم النسيان** · 13-01-2010, 11:47 PM

صح لسان الشاعر وتسلم يدينك يالغالي على

نقلها في هذا المتصفح

تحيتي

حيران

**هدوء البحر** · 15-01-2010, 04:22 AM

والمصيبة ماهي بفرقاك... والفرقا تلوف
خافقي... ولا غيابك لا غدى موتي وشيك

المصيبة لاوفت يدي.. وخانتني الكتوف
وصرت أدورني ولا ألقاني سوى.. في راحتيك

صح لسان شاعرها
وتسلم يمناك عالنقل الرائع اخوي..