[align=center]
الــسلام عليــكم ورحــمه الــله وبركــاته
لــقد قــرأت هذه الــقصيــده الـجميــله
من شــاعر غيــر معروف ولــكنــه مــبدع في قصائــده الجميــله
وبــإذن الله تنــال عــلى إعجابــكم
الــشاعر :: محمــد العــرجــانــي ::
ياربعنا ياهل العقول الحكيمه
ياللي من الايام تاخذ اعبرها
يامن لهم عز ٍ ومجدٍ وقيمه
يالابة ٍ بالطيب كلن ذكرها
ياعزوةٍ فوق الشواهق مقيمه
يامزنةٍ في القاع بيّن ثمرها
ياوقفه بسود الليال العتيمه
ياذخر منهو للصعايب ذخرها
يارحمة المسكين وعون اليتيمه
يامدة اللي حاجته ماقدرها
ياغامرين الضيف قدر وحشيمه
يامحتمين الجار لا أونس خطرها
ياعزوتي ياهل العلوم الكريمه
للطيب والمعروف ربي سخرها
يافزعة المضهود ونكسة غريمه
ماتقصر ايديكم ولا احدٍ قصرها
خطلان الايدي والمواقف عظيمه
((شجعان تحذف في الشدايد أغترها))
يالاستقامه والخطى المستقيمه
يامعدلة عوج الليال وشهرها
((ياعٌصابة راسي)) من زماني وضيمه
ياعز نفسي ياسندها وفخرها
منهو نخاكم ماله الاّ نعيمه
له السعد واعداه تجني قهرها
ياويل من ينوي لربعي خصيمه
انا اشهد ان نفسه بيدينه قبرها
غير الهزيمه ماله الاّ الهزيمه
بيض السيوف بترتوي من حمرها
افعالنا على المعادي وخيمه
وعلى الصديق ابرد من الثلج وارهى
ذا طبعنا عاد الليالي قديمه
ناسٍ نقدّرها وناس نحقرها
ياهيه ياجاهل وش تكون ديمه
هذي تراها قطرةٍ من مطرها
جاني سؤالك قلت اعلمك جيمه
وترى الاجابه نبذةٍ مختصرها
عندي رساله للوجيه الغشيمه
اللي ماتدري وين ربي حشرها
رسالتي جمله مفيده حكيمه
المبتدى واضح وواضح خبرها
(((من لايميّز في المواقف ..بهيمه))
يخسر وفا ربعه ونفسه خسرها
حتيش لو كان النوايا سليمه
يجني ثمار العز منهو بذرها
وانا وقفت ولي مواقف وشيمه
واهل الوفا يحمي نباها ظهرها
احدٍ كسب بين الغنايم غنيمه
واحد سهوم اللوم راسه حكرها
ولاّّ انت ياللي تبغي (شداد ريمه)
ريمه ماتقدر ياولد في مهرها
اليا رِكبنا معالقات الشكيمه
مني نصيحه لاتجي في نحرها
وان هازتك نفسك ونفسك سقيمه
ترى حياتك بييدنا نختصرها
هذا انت ياللي تحسبنك صتيمه
ولاّ القبايل وافيه ونخبرها
مال القبايل غير قدر وحشيمه
واللي نصرنا بالمعزّه نصرها
اقولها ونفسي لربعي حميمه
وانت اعتبرها زي ماتعتبرها
لا فيني باس ولا عليّه ظليمه
راسي تهيّض والمشاعر نثرها
وصميم قلبي قام ينثر صميمه
كلمات في صدري وحرفي جهرها
بيّنت لك وشلون للعز قيمه
وضربت لك اروع معاني صورها
فان طعتني ابعد عن (شداد ريمه)
تراك والله عاجزٍ في مهرها
وســلامـتـــكم
أخـتـــكم :: الـزين كلهــ ::
[/align]
مواقع النشر (المفضلة)