الدمعه الي تكابر
السلام عليكم ورحمة الله وبركاته :25ar:
الدمعه الي تكابـر .. فـي طـرف عينـي .!
يردها ( الموق ) بس ( الجفن ) ,, حدرها .!!
سمعت صوتـك مـع العالـم .. ينادينـي .!
وازريت لا ردهـا .. بالعيـن واسترهـا .!!
وصديـت مـاودي ان النـاس .. توحينـي .!
مثلي يموت ودموعـه .. صعـب ينثرهـا .!!
ويخنقني البوح .. بـس القلـب يعصينـي .!
ويبقا بوسط الصدور .. وفـي خواطرهـا .!!
والحزن لونـي خفيتـه .. واضـح ٍ فينـي .!
ورد على القلـب .. والفرحـات صدرهـا .!!
والبسمـه الـي تبينـي .. بـس تخطينـي .!
متى على الله .. يجيهـا يـوم واظهرهـا .!!
ألآحي الـورق .. مـدري هـي تلاحينـي .!
اوَن وتسجـع .. و ونـاتـي تكـررهـا .!!
لبيـه يـا ذكرياتـي ..واجمـل سينـي.!
ويا قصة ٍ عايشه لـو مـات..آخرهـا .!!
وين انت يـ/ اول غرامـي .. يـا معنينـي.!
وين انت يـ/ اغلا ذنوب القلب .. واطهرها .!!
اصحا وطيفـك .. معـا زولـي يبارينـي .!
وارقد واشوفك .. مع احلامـي تباشرهـا .!!
مدري تناسا غصَـب او انـت .. ناسينـي .!
ومدري عهودك وش الي صدق .. غيرها .!!
واليوم .. وينك بـ/ هالدنيا .. وانا وينـي .!
طالت ليال الفراق ..بـعين ساهرهـا .!!
كم قلت ( توبه ) .. ترا مـا عـاد تعنينـي .!
ان جات لـ/ النفس .. نفسي يمكن اقدرها .!!
واليا اظلـم الوقـت ..هوجاسـي يسرينـي.!
ويضيق صدري .. و كل ايامـك اذكرهـا .!!
وتبيني .. انسا .. وانا مـا عـاد يمدينـي .!
لو شفـت حالـي .. قسـم بالله تعذرهـا .!!
اصبَـر الحـال .. فـي قولـة بـ/ ياتيـنـي
وانا ادري اني ..اببطي..لـو صبرهـا .!!
وقصايـدي فـي غيابـك .. مـا تسلينـي .!
لو تطرب الناس .. تشكي جرح شاعرهـا .!!
والنفس تشكي زمان ٍ .. صـدق مشقينـي .!
حتى انت يـ/ اغلا البشر .. تبعد وتحقرها .!!
والدمعه الـي مـن الوحـده .. تواسينـي .!
إلـي مـن آخـر لقـا .. بالله خابرهـا .!!
شفها تكابر وترجف..في طـرف عينـي.!
ولاني عقب شوفتك يالزيـن .. ذاخرهـا .!!
.. ارجوا لكم اجمل الاوقات .. im3
رد مع اقتباس
مواقع النشر (المفضلة)