على مين الخطأ

[الامبراطور العسيري]

السلام عليكم ورحمة الله وبركاته
هذه اول مشاركه لي بالمنتدى واتمنى ان ينال اعجابكم موضوعي
حاب اناقش معكم وجة نظر الاغلبيه وبنظري انها وجهة نظر خاطئه000
بصراحه اللي ملاحظه ان لم اي احد منا يخطي سواء البنت او الولد تلقى اللوم دايم على الاب والام
طيب هل من المعقول ان الاب والام يدلوا اولادهم على الخطا000؟
ياجماعه الكثير يقول لو انه متربي مايسوي كذا00بس انا اشوف ان الاب والام مالهم علاقه
يمكن الدلع الزايد والحريه الزايده تكون احد الاسباب
بس لاتننسى ان الصحبه السيئه لها دور
مثلا00التفحيط00التدخين000وغيره الكثييييييييييير
مثلا التفحيط00طلعة شباب هجوله تفحيييييييط
اما التدخين يااما تلقى ابوه يدخن ومتاثر منه او تلقاه متاثر بااخوياه وكلنا عارفين انه احتمال كبير يتاثر باخوياه من باب التجربه
الي ابي اوضحه ان كثير من شبابنا
واعي وفاهم وفيهم الخير
واللي ابي اقوله ليه دايم اللوم على الاهل رغم كل تضحياتهم
اتمنى تعجبكم مشاركتي واعتذر على الاطاله

[ضرار]

أول شي أرحب بتواجدك وحياك بمنتدى الزين

وبالنسبة لموضوعك دائما نجد اللوم على الأب والأم

يمكن هالولد الله خلقه كذا يمكن الله حط فيه هالصفة تكون عضه وعبره للخلق

كم شاب داشر تجد أمه وأبوه من أهل الخير ومن أهل الدين لكن ولدهم تعبان أخلاقيا

لكن نقول اللهم صلح نيتنا وذريتنا

وألف شكر العسيري

تك تك

[!¦[ssسعــــــودss]¦!]

آولآآ

آرٍحب يآالعسيري فديت آهل الجنوب كلهم .. ولله من الزين والجمال عندهم :*
شوف يالعسيري خلنا نكون صريحين
الام والاب .. ربو عيالهم تربيه حسنه .. صدقني
يبيون يطلعون على ماتربو عليه .. الا اذا ماصادفو جليس سوء ..

ثآنيآ

اذا تكلم عن مجتمعنآ ترا مجتمعنآ السعودي وصصصل الى مرحله الخطر ..!! im8
حنا منول قبل نعرف الدشوش .كنا بخير. الان اللهم يآكافي im1
يالربع ,, خوذها بصريح العبآآره يلي يشوف ردي يآخذه بعتباره..
وضعنا مآيمطن وربي مايطمن .. !! من شاف مقآطع هالبلتوث . والقصص من جلدتنا
صار الواحد يخاف على محارمه واهله .. انا اكتب .. واجزم ورب البيت والحرآم
ان نصنا مو مقتنع راح يسوي .. لكن اتق الله في انفسك
الله يعافيك ع الموضوع ..

..

[¶ بــآريــس ¶™]

التربية موب فلوس !! ,,

حتى لو كان دلع زايد " هذا يعتبر انهم ما ربوهـ "

التربية هي لو انت غني وش تسوي ولو انت فقير وش تسوي ,,

يربون الولد يتبرع او لو فقير يرد يدهـ عن جيوب الناس ,,

التربية إني اختار لولدي الصحبة الصالحة ,, اختار له المدرسة اللي ما فيه دشير

اختار له القنوات اللي تنفعه ,,

اختار له الكتب اللي تفيد والشكل اللي لازم يكون عليه ملابس وغيرهـ

هذي اسمها تربية ,,

هذولي اللي جونا وحرية شخصية ونبي نتطور وحطوا لنا دشوش نبي نعيش مع العالم !!

اللي ما يبي لا يتشري وهم نفسهم يسوون اعلانات تحرض الشعب يشتري ,,

الحين دخلت علينا اشكال جديدة والسبب الفكر الإعلامي اللي وصل

طلعوا لنا بويات وطلعوا خكارية وانتشر الشراب والجنس وكل شي بسبب التلفزيون بس لأنه هو اللي مربي المجتمع والأب والأم كلن في وادي ,,

والحين يبون سينما ويقولون حرية شخصية ,, خلها تجي ويقولون وش ذا انا ابي ادخل مع زوجتي وشو اللي الشباب لحال والبنات لحال !! .. وين العوائل ؟! ..

شوي وكل واحد راز خويته جنبة وداخلين السينما ,,

وبتشوف انواع جديدة تدخل على مجتمعنا وثقافات جديدة ويبدا الجيل الجاي يتربى بشكل غير ,,

صح ولا تهون الشغالة !

[مناير الشـووق]

اهلا وسهلا فييك بالمنتدى اولااا

وثانيا موضووع جد حلوو اهنيك علييه

وبصرااحه ...

احيانا يصير الاب والام هم المسؤؤليين

من دلعهم الزايد مايحاسبون عيالهم على الخطاا

المفروض من الاب يكون صديق لعياله والام كذلك

لان بفترة المراهقه البنت والولد بخطر دايم

من الرفجه او التقرب لكبار السن وكذا وكذا

بس احيانا يكون الابن معاق اخلاقياا هاذي يبيله موضووع خااص

لان ساعتها شيسويله اهله يحتارون فييه


بس انا ارجع واقول يجب التعامل مع العيال بطريقه حسنه بالتفاهم عشان مايعاند الابناء ابواتهم ويتجهون للخطا


موضوعك يبيله جلسه وانا طولت بالشررح ههههه

لاهنت خيووو

يستاهل التقييييم