السلام عليكم ورحمة الله وبركاته
كيفكم ؟
يعني مدري كيف ابدا ولا ادري وش اقول خلاص انسوا الموضوع بطلت اكتب
ليش إذا جاء طاري الرومانسية على طول يجي في بال الواحد " تبويس .. إلخ " ..,
يعني مدري صراحة أحس إن الرومانسية اساسها الإحترام وتبادل الأراء " ويطقونها حنك " ,, هنا نشوف إن الرومانسية زين زين إذا جت في غرفة النوم " لزوم الورعان " .. وكلام الليل يمحية النهار
الصبح وين القهوة عجلوا الفطور وراي دوام ,,
يرجع من الدوام .. وين الغداء عجلوا بقيّل ,,
يقوم العصر يجيب اغراض للبيت ولا يقرا جرايد لين بعد المغرب وبعدها يطلع الإستراحة ويرجع الساعة 9 وينام " ويخلص سريع سريع لزوم ينام بدري للدوام " ويبدا الموال اللي فوق ,,
والسبب مرات يصير من الزوجة تدبل التسبد ,, تبي تسمع كلام رومانسي لأنه زوجها ,, طيب الحين نبي نعرف وش الكلام الرومانسي ,,
هذي حياة رومانسية ,,
حياتي يا بعد عمري وين الغدا ,,
وكليني واكلك ,,
عمري وين الوردة اللي عطيتنيها هدية امبيه لونها حلو
يا حياتي والله ولعي الشمعة ابي اكتب فيك قصيدة ,,
ملابسهم وردية ,, سيارتهم مليانه قلوب ,, السماء زرقاء والجو صافي ,, والحياة حلوة ,, ومعهم ولد ماسك نفيخة على شكل قلب ,,
يتغدون رز على شكل قلوب صغيرة ,, والعشاء سمكة مكتوب عليها يا حياتي ,,
" كل هالكلام جميع إمرأة على وجه الكرة الأرضية تتمناهـ ,, وتنسى إن الرجال يكرف كرف الويل عشان يجيب دراهم ويسدد الكهرب والتلفون والماء والجوالات ويشتري اغراض البيت ولا تهون الصيدليات ! "
ويبون الشعب رومانسي من رومانسية غرف النوم ,,
الرومانسية يا حلوين لكل زمان ومكان طريقة ,,
في المجلس غير والغرفة غير والحوش غير
الرومانسية هي التعامل مع الأشخاص ,, موب شرط يكون مع بنت او من بنت لولد ! ,, مثل خالي زورو لما اشوفة اقوله وينك يا حياتي ما تنشاف ؟! حياتي تعتبر من كلمات الرومانسية ولكن بدون افعال خادشة للحياء مجرد كلام " واحد توهق " ,,
لما الواحد يكون مع زوجته في وقت العصر مثلاً مقابلين التلفزيون ,, وشاهي وبساكيت وحركات نص كم ! هل تتوقعون إنهم ساكتين ؟! .. مدري احس المتزوجين ما يتكلمون دايم كذا عند التلفزيون ,,
طيب ورا ما تشتري بليستيشن وتلعب انت وزوجتك وتكسر راسها ؟!
" طراهـ يوم الزوجة تتصل على الشيخ وتقول : اقدر البس عند زوجي بنطلون جنز ؟ .. قال تستهبلين ؟ إذا كنتِ اصلاً ما تلبسين شي عندهـ في اغلب الأوقات فكيف يكون البطلون عندهـ حرام !! .. "
ياخي ليش تستحي الزوجة ومزعجة ام البشرية في عالم حواء انها تستحي تلبس اللبس الفلاني عند الزوج ! .. اللي ابي اعرفة كيف جابوا عيال ؟! ولا يمكن اللمبة كانت طافية ؟!
ليش ما يطقونها سوالف ويذبون على بعض ويلعبون بلياردو كل واحد معه لاب توب ولا بليستيشن .. بالعكس لها فايدة كبيرة جداً الحركات ذي خصوصاً لما يكون فيها تحدي images11 يعني يحطون قوانين في البداية واللي يخسر يسكت والفايز يسوي اللي يسوي :* ,,
طبعاً موب الدعوة وش يسوون.. بس الجلسة مع بعض والأوقات ذي والإستهبالات وسو مقلب وشي من هنا وشي من هناك هذي بحد ذاتها تطيح الميانه بقوة ,, لدرجة إن الزوجة تكون جريئة بثقة عند زوجها وتسوي اشياء له بدون لا يطلبها " ياااااااوك لما الواحد يطلب شي ما يحس بقيمته ,, يعني مثلاً تقولة بالله غمض برقص لك ,, لو ما يمونون على بعض ولا قالبينها رسمية موب متهني الزوج ابداً وبترقص لغيرة ,,
الرومانسية ,, ضحك وسوالف احساسي ومشاعر احترام وتبادل اراء .. إلخ
سبحان الله دورت في قوقل الحين معنى للرومانسية ولقيت واحد فاهم الفكرة بس صايغها اطلق مني
السلاام عليكم ورحمه الله وبركاته.
ساتحدث يا احبابى عن معنى الكل يعرفه
والكل يرى انه معنى جميل بين اثنين
اي شاب وشابه الا وهو مفهوم الرومانسيه
الرومانسيه كما هو معروف كلمه مشتقه من
من اللغه الانجليزيه ( رومانس ) ولا اريد ان
اتحدث عن معناها فى التفصيل ولكن من المتعارف
بين الناس ان الرومانسيه هي
افعال واقول واحساس بين المتحابين
لو قال لك انسان هناك صور رومانسيه
فسوف تتوقع ان تشاهد صور بها عناق
او شى من هذا القبيل
وانا ارى ان مفهوم الرومانسيه بهذا الشكل هو
مفهوم قاصر
انا ارى ان الرومانسيه هى الاحساس الجميل مع اي
احد حتى مع الجماد مثلا شاب وصديقه هناك امور
يكون التعامل بشكل رومانسى او بين الفتاه
وصديقتها هناك تعامل به شى من العذوبه والرومانسيه
حصل معى موقف قبل ايام قليله تصرفت به بشكل
اري انه لا يقل احساس ورومانسيه عن اي موقف
كنت اريد ان ازود سيارتى فى الوقوه اي براويه اخرى ( اعبى بنزين )
كان الوقت متاخر تقريبا الساعه 2 ليلا
وكان العامل نائم على الكرسى لانه لم يكن يوجد
سيارا ت وقتها
انا اول ما فكرت هو ان استخدم المنبه ( بوري السياره )
حتى اوقضه عشان يعبى ليه بنزين
لكن لا ادري شعرت ان هذا التصرف به ازعاج له
نزلت من السياره ووضعت يدي على كتفه وايقضته
من غير ازعاج وقلت له ممكن تعبى بنزين ليه
طبعا هو اجنبى مما دعانى اقول له ( صديق ممكن فيه عبى انا سياره )
شعرت انه قام من نومه وهو سعيد
قد يقول قائل هذا عامل هندي لا راح ولا جاء
انا اقول ان التعامل مع ضعاف الناس هو المحك
الفعلى للااخلاق لان طبيعى جدا ان يكون الانسان مثلا اخلاق
عاليه مع مديره فى العمل او دكتوره فى الجامعه
فى الختام احب ان اوضح ان الرمانسيه هى تعامل
جميل مع كل الناس وليس بين المتحابين
وان كان معنى الرومانسيه فى اللغه الانجليزيه هو
لفظ مخصص للمتحابين
لكن انا ارى ان تتسع نظرتنا لهذا المعنى حتى
يكون مع كل الناس وهذا يا احبائى من حسن الخلق
انا سعيد جدا فى ارئكم اشعر انها تتفق معى
وان لم تتفق معى فانا لا اقل سعاده ايضا .
تهقون يحب الهندي ؟! :*
انتهى :25ar:
رد: وش هالناس اللي تسمع بالرومانسية
المشاركة الأصلية كتبت بواسطة جيفنشـــي
مواقع النشر (المفضلة)