البارحه من فارس الشعروأشعاره=هاجت مكانين الحشا بذت الخافي
أنصت أناوأسمع والأعماق بيْ ناره=بين الضلوع الهدف شبت بالأطرافي
بأطراف روحي ثورالقاف وأسراره=خالد خبيرالشعربالقاف عرافي
خالد ولد فيصل على الراس مقداره=عقيد خيل القاف برماح وإشلافي
خيل المعاني ضدهاخالد إذعاره=دلوه مليه من جبا الجم غرافي
ضد المعاني باللقافي نحرغاره=إن كان جن الخيل زاف ورازافي
خالد ربيب المجد والمجد في داره=دارالسعود أم الوطا خيرها ظافي
جده وأبوه يجدد الوقت بأذكاره=ذكرالشيوخ أهل النقا سيْل زحافي
إليازحف بالشعب سيله بمعباره=لضاق شعبه للصلافيح حذافي
أولاد مقرن من نقا الصلب وإخياره=نجوم في ليل الدجا نورها يشافي
في عتمة الديجوروضاحه أنواره=يسري بها الساري ويهديه كشافي
إنشد سما نجد عن الليل وأقماره=منهم يقلك صح تاريخهم كافي
مالي وطول الهرج تكفيني إقصاره=حكامنا المقرن كريمين وأشرافي
من زعل يرضا والزمن فيه تعباره=صرف الذهب مايصرفه غيرصرافي
من سالني جاوبت وأرمي بها إجماره=شيطان عين شوفها كيف ماشافي
أقمارنجد اللي عنه زايل غباره=صافي سما نجد عن العج والسافي
من حقي أفخربأهل الطيب وأسواره=اللي لنا نهرالعطا عمق وأطرافي
واللي دعاني للمثل شالع إستاره=خالد بليله جاب من عمقه الصافي
شفته على التلفازمن شعره إخياره=جاب المعاني جود جزلات وإجزافي
هيج خفايا خاطري طلع أخباره=زينه تراتيبه بحرجده الدافي
ذكرعليه هيض القلب بأشعاره=هيج مكانين الحشا وأطلع الخافي
مواقع النشر (المفضلة)