أيها الشاب السعودي (المؤدب) !! تعال هِنا شوي
ترفق ترفق im3 بشويش وراك مسرع
ترا الدنيا موب طايره
ليه لارحت الدوام نفسيتك سياحيه وتطلع حررتك بالسرعه !!
ماتدري أن فيه أرواح تروح بسبتك !
ليه لاجيت بتروح للإستراحه من زود الطفقه والكشخه ولزوم تضبط شماغك
تضغط ع البانزين ليما يقول ربي الله
البلاك بيري موب طاير ! يمديك عليه يالمرجوج
ياشاطر ماتدري أن السرعه ندامه
خلك صريح شوي
بذمممتك كم يوصل عداد سرعتك مدري وش يسمونه؟!
الإشاره كم مره قطعتها ؟!
أنا مدري المسميات تتغير ع حسب المفاهيم ولا إيش
اللحين لاجت الإشارة لونها أصفر وش تعني .."" إستعد للوقوف لأن اللون الأحمر بيجي
أنتم عندكم دزز بسسرعه ياتلحق يا ماتلحق قبل ماتجي حمرا
ومن زود الهياط يصور الطبلون لاوصل 200
وهات يالبلوتوث
ايييه ع الطاري
قبل كم يوم كنت طالعه انا وخواتي وبنات خالتي وكانت امي معنا لزوم نتقضى للمدرسه
بالاشاره انواع التجمهر والترقيم ومادري ايش
امي كالعاده فسخت شبشبها وحطته ع الشباك im3
ردة فعل المُتلقي ( الشاب السعودي ) صدم السياره من ع جمب ومشى
وكان الله غفور رحيم
هذا غير الزحماات بسبب الرقص والزغاريط
والناس وراه تبووور
لكن
حتى اللي مايسسرع ومتقيد بالأنظمه المروريه // مايسلم منكم
قبل أمس مات واحد من جماعتنا كان ماشي بأمان الله اهو وعياله مساالمييين في حالهم ماسك الخط بإحترام
جا واحد صاك طبلونه 200 وووو طخ
وش جنى على نفسه وعلى الرجال ؟!
اللي من قرايبنا مات !! زوجته ترملت ! وتيتموا أربع أطفال !!!!
والطفل الخامس بغيبوبه تحت رحمة ربي !
وش ذنبهم ؟!
أنت بنفسك وش بيكون موقفك ..! ضميرك وينه !
صديق أخوي الأمريكي يقول يوم زرت السعوديه وشفت كيف السيارات يمشون
شكيت أنكم مسوين سبــــاق
كلنا نعرف أن السعودية أعلى نسبة وفيات بحوادث الطرق على المستويين العربي والعالمي وأن الحوادث القاتلة في المملكة باتت في ازدياد رهيب وفقاً للإحصائيات الأخيرة
وان السعودية تزيد أربعة أضعاف في عدد الحوادث عن المملكة المتحدة،
أنا عارفه أن الكلام هنا ماراح يجيب فايده
اللحين إذا كانت التوعيه المروريه للسلامه ، برنامج 99 ، ماجابت معكم نتيجه !!
وش بينفع معكم أجل ؟!
أنا أشك أنكم تقرون هاللوحه كذا
الله يستربس :(
*= شبيهة المطر
مواقع النشر (المفضلة)