[align=center]صــــــــــدر الـــــغــــــلا
على صدر الغـلا نجلـس نـدور منهـو الشاعـر
لقيت اشعارها عندي وانا اشعاري تجي يمه
مـن ابياتـه تمثلـبـي عذوبـه نطقـهـا سـاحـر
تحاورني تغازلني وانا قلبي نشـف دمـه
تقول ارجوك تسمعني انـا شعـري معـك حاظـر
دخيلك ياالشمري تكفى جروح الروح ملتمـه
انا عذراء علـى الفطـره بـي الطيبـه ولا أكابـر
اشيل بصدري ألآمي ونفسي يقتلـه همـه
وجيتـك يانظـر عينـي وقلبـي يكسـر الخاطـر
ابي حرف ٍ من جنونك يشيلً عالي القمـه
وتمتـم بالحشـاء حـرف ٍ ينـادي شعـري الثايـر
احسه واقف بحلقي قبل يطلع يبـي ظمـه
وظمـه والتفـت يمـي وعينـه تلـعـن الكـافـر
يقول اشفيك متلعثم قصيدك مامعـه ذمـه؟
تهيـض يا الشمري يالله نبـي شعـر ٍ علـى الطايـر
قصيد ٍ مايجي فيها أب العن جـده وعمـه
وقلـت ابشـر انـا كلـي قصيـد ٍ للغضـي فايـر
أب ارسمها على كيفي وشربها من الجمـه
على وجهه نصف /قمرآ/ ونصف ٍ من ضحى /باكر/
مناحل هالعسل فيها رحيق ٍ يسكـن بفمـه
به /الثلجه/ مع /الجمره/ وعيـن ٍ سحرهـا ظاهـر
تذوب الروح بشفاها مـلاك ٍ لعنبـو أمُّـه
تناسق عرضـه وطولـه جميلـه عرضهـا طاهـر
نعومه كنه الجوري..أشم الموت في خمـه [/align]
مواقع النشر (المفضلة)