البارحه ليلي هموم وكوابيس = وابعد من الجوزاء علي الوناسه
ماغير انا والليـل والثالـث ابليـس = كلن علـى الثانـي يبيلـه رياسـه
مدري ظروف او حب ولا هواجيس = والا الثلاثـه كلهـن فـوق راسـه
اون عقلي صايـرن فيـه تنكيـس = وللعقل في بعض الامـور انتكاسـه
يا لايمي لاتلومنـي قبـل ماتقيـس = والـلـوم للمـيـس يزوّدبيـاسـه
والشمت طبـع للرجـال الهلابيـس = اهـل الهـدف والنمنمـه والبلاسـه
وانا معي عقل ومشاعر واحاسيـس = وعيون واخـلاق وقلـب وشراسـه
لكن حصلي من زمانـي عواكيـس = وعجزت هذا الوقت لا اعرف لناسه
هـذا يموهـا بـهـرج تمالـيـس = وهـذا يتجاهلهـا عنـاد وخساسـه
وهذا يغـرك مظهـره بالملابيـس = وهذاك يلبس لبـس ماهـو لباسـه
وهذا تذعذع له هبـوب النسانيـس = وهـذا تقـل امغمغملـه بطـاسـه
واليا حصلك من زمانـك كعاميـس = اصبر وللصبـر الجميـل انعكاسـه
تدرسك دنياك مـن غيـر تدريـس = ماهو لزوم انـك تـدرس دراسـه
وللناس بالدنيا حظـوظ وقواميـس = اللي غرف بـدرام واللـي بكاسـه
وناسً تهجس في غثى الوقت تهجيس = ونـاسً تسايسهـا وتاتـي سياسـه
وناس تبي عرشً مثل عرش بلقيس = وناسً تبي لو يـوم فرقـا التعاسـه
وترى الردى لو فيك سوى نواميـس = ينقد على نفسـه ويرجـع لساسـه
قنعت واقنعنـي كتـاب الوساويـس = لكن عقب ما صرف شيك الفلاسـه
تحياتي لكم:25ar:
صلفووق
مواقع النشر (المفضلة)