الجلطة .. استفسار لو سمحتوا..؟

[شـ ـ ـ ــ ـ ـ ـذى ـآ]

بسم الله الرحمن الرحيم

السلام عليكم ورحمة الله وبركاته

أخباركم ان شاء الله بخير ونعمة..؟

حابه اتفسر عن الجلطة كا اعراض او كيف اعرف انه هالشخص فيه بداية جلطة ..؟


وجعل اللي يرد علي في جنة الفردوس ..:25ar:آمين ..
ولكم دعوة بظهر الغيب :25ar:

لا تبخلو علي الله يحفظكم :25ar:

[غزال ومـا يصيدونـه]

,




وعليكم السلام ورحمة الله وبركاته ..

ياهلا فيك شذى

وحنا بخير ياعساك بخير يارب :24ar:

بالنسبه لـ سؤالك عن الجلطه الله يجيرنا منها آجمعين

اللي اعرفه ودرسته بالكليه ..

ان فيه ثلاث طرق تقدرين تعرفين من خلالها

إذا كان المريض اللي قدامك يعاني من اعراض الجلطه أو لا

يعني لو كان شخص شاك إنه راح يصاب بجلطه أو متوهم

او اللي حوله شاكين إنه احتمال هذي اعراض جلطه وموب متأكدين

لابد من ضرورة عمل هالخطوات الثلاث لـ التأكد

الطريقه الأولى ..

اطلبي من هالمريض إنه ( يبتسـم )

لو ما ابتسم أو إنك لاحظتي عليه إنه يجد صعوبه في الأبتسامه

هذي اول اعراض بوادر الجلطه لإن اللي يعاني من بداية حدوث الجلطه

ماراح يقدر يبتسم أو راح يواجه صعووبه اثناء محاولته إنه يبتسم


الطريقه الثانيه ..

اطلبي منه إنه ( يرفع يدينه الثنتين لـ فوق )

لو ما استطاع يرفعها أو وجد صعوبه في رفعها هذي تعتبر من بوادر الجلطه

لإنه المريض قبل إصابته بالجلطه ماراح يقدر يرفع يدينه الثنتين

او راح يجد صعوبه في رفعهم وهذا يعتبر مؤشر خطر


الطريقه الثالثه ..

إن المريض إذا كان في بداية حدوث الجلطه راح يعاني (صعوبه في النطق )

وعشان تتأكدين اطلبي منه مثلاً يقول ( الحمد لله رب العالمين )

لو كان اللي فيه بوادر جلطه ماراح يقدر ينطقها لك أو راح تلاحظين

صعوبه منه في محاولة نطقها


هذي الإعراض الثلاث متى مااتوفرت في شخص مريض

لابد من سرعة نقله للمستشفى لإنها مؤشر خطر لـ بداية حدوث الجلطه

وللمعلوميه ..

الجلطه ممكن تفاديها بعد مشيئة الله قبل حدوثها

يعني إذا المريض وصل للمستشفى بدري قبل حدوث الجلطه فعلاً

يتم إعطاءه دواء (نتروجليسرين) وهالدواء عباره عن حبوب توضع تحت اللسان

ومفعولها سريع جداً في إذابة الجلطه وفك الإنسداد

أو على الأقل لو حدثت الجلطه ومااستجاب الجسم للعلاج تخفف من ضرر حدوثها

عشان كذا أي شخص مريض تشكون إنه ممكن مصاب بالجلطه

اطلبي منه يسوي هالخطوات الثلاث اللي قلتها لك عشان تتأكدين

هل هو فعلاً يعاني بداية إصابته بالجلطه أو لا

هذا اللي اعرفه انا والله اعلم

/

والله يجيرنا منها ويشافي كل مسلم ومبتلى

ويسلمنا من كل شر يارب :25ar:

[شـ ـ ـ ــ ـ ـ ـذى ـآ]

هلا بك اختي غزال
حياك ربي غلا مشكوووره من قلبي على المعلومات
بارك الله فيك يالغاليه جعلها في ميزان اعمالك

لاخلا ولا عدم منك يالغاليه $222

[مناير الشـووق]

حبيبتى الله يبعد عناا وعنك وعن الجمييع اعراضهاا

ويسلمواا لغزووووله وفت بالرد لاهنتى يالغلااا

[اسير الخواطر]

الاخت غزال ما قصرت وقدمت معلومات وافيه
لكن احب اضيف بعض اعراض الجلطه

ومنها ضيق وصعوبة في التنفس .. إزدياد التعرق بشكل واضح
بالاضافه الى تنميل وخدر في اليد اليسرى

الله يكفينا وإياكم شر الامراض
ويشفى مرضى المسلمين اجمعين