السلام عليكم ورحمة الله وبركاته
كيفكم ؟
حقيقة أنا مدري كيف عرفوا الأعضاء إني متزوج,, صحيح جت فترة ما دخلت الزين بسبب شهرين العسل " الجواب راح يجيكم ليش صار شهرين " .. ولكن يبقى إن فيه سر وانكب من من الله أعلم ,,
ولكن يبقى إنكم عرفتوا وكل موضوع تدقون لي فيه نغزة وصايديني ,, لذالك اعترف لكم أني متزوج من تلك الفطفوطة اللي زعلانه علي ومسكرة الغرفة عليها الحين " الساعة 3 الفجر " وانا جالس في الصالة وقدامي التلفزيون حاط على روتانا سينما وداخل النت ,, مالي ونيس غيرك يا روتانا لا تخليني.. ابيها تطلع تكفون افزعوا معي وش اسوي ؟ ,, لو تجيني قسم اطفي التلفزيون واخليها تجلس جنبي واربط حزام الأمان لا انفلت عليها :* ,, عاد ما تستحي هي لابسة البرمودا حقي
,, اوريها بكرة بسرق ملابسها كلها im22 ,,
نبدأ بالسسالفة ..
تزوجنا على بركة الله واليوم الثاني قاصين لنا تذاكر نبي نروح لباريس شهر العسل ,, وعاد تعرفون الطيارة سريعه ما شاء الله تمشي بقوة ,, فوقفت الطيارة في مصر وعلى بالي انها في باريس انا من الطفاقة نزلت منها وطلعت وشفت اخوانا المصريين وقلت ما شاء الله استعمرتوا باريس ! ,, لكن زين انكم عرب ما عندي لغة
قلت : تقولة صادز ؟
قال : اهـ هو انا بعرفك على شان بمزح معاك < ترجمة قوقل im22
قلت : طيب رجعني المطار حرمتي هناك
رجعنا المطار لكن بعد فوات الأوان
قوة حشيش ومتبطحن على الشاطئ
بعد اسبوع شريت جوال ودقيت على ابوي الا وانواع التهزيئ ,, : وينك يالهيس الأربد حرمتك دقت وقالت تركني خاين العشرة وقامت تبسي وتقول ما ادل !
قلت ياخي وش اسوي لها ما وقفت السواق حق الطيارة وراحوا ,,
ابوي قال : الوعد فالسعودية < ما كنت ادري وش يقصد لين انكسرت رجلي
راح وارسلي حوالة وانا اللي اروح لباريس يوم وصلت وادورها ادورها ومن زود التناحة نسيت ادق عليها ,, رحت لبرج ايفيل وصورت هناك وقعدت اسبوع اتفرج على معالم باريس واقزقز البنيت ما عندي وقت :8ar: ,, شوي واحصل كبينه في نص الشارع وادق عليها
أنا : حبيبتي يا لبى تسبدك وينك فيه ؟
هي : الوعد السعودية ! < عرفت بعد ما شرشحني ابوها
أنا : وينك احسبنا نزلنا في باريس يوم وقفنا مصر بالله بلا استهبال وينك ؟
هي : يوم وصلت انتظرتك والحين رجعت ونزلت في مصر !
أنا : يا شيخة يرحم امك تعالي انا في باريس ولا اقولك روحي السعودية ابرك وانا بلحقك ,,
هي " بصوت يكسر الخاطر " : يافرحة ما تمت
أنا : لا تخافين مع زين شهر عليك وشهر علينا
رجعنا السعودية بس انا تأخرت في باريس اعجبني الوضع"يا قاموا يسحبون فيني في المطار وانا متعلق في الشنطة ام كفر وهم يسحبونها
قطني في التوقيف اسبوع كامل im22 ,, بعد ما طلعت ورجعت البيت لقيتها باخة امها ضحك ,, قلت طيب طيب التوقيف هاه ! ,, وانا اللي انقز فوقها " جالسة في الصالة مكاني الحين"
المهم وانا اللي ازلق واطيح ,, وهي اللي تخنقني " وقتها عرفت ليش ما تكلمت هي
قالت لي اسمع انت ووجهك يا انا يا انت في البيت ,, قلت لها اوكي اطلعي
نمت في الصالة يوم قمت الا وابوها وابوي يتصلون ,, رديت على ابوها قال : جب حرمتك للمطار وامشوا لمكة انتم موب وجه باريس ,, خلكم في مكة يمكن تحصلون لكم شيخ يقرا عليكم
يوم فتحت الغرفة عليها لقيت راسها متنفخ من صفقة الجدار
قمت فالمستشفى تتخيلون كيف ؟
انا حرمتي تضربني ؟
بالله وش شعور الشارع السعودي لو عرف ؟
< يسمع بالشارع السعودي
طلعت من المستشفى ورحت لمكة وقعدت شهر العسل ورجعنا ,, بس تدرون وش احسن شي صار هناك ؟ ,, كنت مركبها كرسي ابو كفرات وداااااااعسسسسسس وفكيتها لين صدمت لها تكرونية
تدرون ليش زعلانه الحين ؟
كنت حاط على غنوة شوي الا وهي تجي تقول بالله وش عاجبينك فيه هالبقر ؟
قلت وريني ياقلبي وريني
وهي تقعد ترقص المهم عطتني ظهرها وهي اللي تنعوج لي بشكل المهم اني شفت شعرها طايح وانا اللي اسحب ام الشعر وهي تطيح بغى ينكسر ظهرها " اااههههههههههههههههههههههههه يا بطني عورني من الضحك
راحت سكرت عليها الغرفة وتركتني
رد: ايه ايه متزوج خلاص ادري دريتوا
مواقع النشر (المفضلة)