مالفرق بينهم ..
السلام عليكم ورحمة الله وبركاته
مساء الخير..
ابي اكتب قصتين وانتم فرقوا بينهن
القصه الاولى/
سارا: كيفك مها
مها : الحمدلله بخير
سارا :ايش اللي سمعته وايش اللي صار
مها : صار كيت وكيت وكيت
سارا: احس الموقف مو مستاهل علشان تطردك من البيت
مها: مادري هي تدور على الزله علشان تطردني وان والله ماسويت لها شيء
سارا: طيب بكلمها وشوف ايش اللي صار
مها: لا لتكلميها هي هذا اللي تبيه
سارا: مايصير يمكن في شيء خلهاا تسوي كذا خليني اكلمهاا لك
مها: لا لا تكلمها
سارا: اوك
اليوم الثاني/
مها: نفسي ادخل بيتها بس علشان تبي كذا ماراح ادخل
سارا: خلاص خليني اكلمها وافهم الوضوع وارد لك خبر وماراح اقول انك تبين تدخلي بيتها
مها: اوك
....
سارا: سلام خلود
خلود: وعليكم السلام
سارا: ايش اللي صار بينك وبين مها
خلود: روحي اساليهاا
سارا: سالتها
خلود: طيب ايش قالت
سارا: ابي افهم منك علشان يمكن كل منكم فاهم بعض غلط
خلود: صارا كيت وكيت وكيت << طبعا يختلف عن اللي قالته مها برايكم من تصدق
سارا :خلود يمكن انتي فهمتيها غلط حاولي تتكلمي معهاا
خلود: لا انا تكلمت معهاا يوم كامل هذه هي ماتتغير
سارا : مايصير كذا بسهوله كل شيء ينتهي
خلود ليه قالت لك تبي تدخل بيتي
سارا: ايوا
خلود: ايش قالت لك ؟
سارا: نفس كلامك << ماتبي تخرب عليهن
خلود: ايه ماتبين تقولين سر يعني
سارا: لا والله ماهو سر ولا شيء قلت لك هي ماتقصد<< ماتدري ايش تقول
خلود: خلاص خلاص اذا ماتبني ازعل انسي السالفه
سارا: طيب حاولي معهاا
خلود: سارا اقولك خليك بحالك ولا تتدخلي بشيء واذا ماتبيني ازعل قفلي على الموضوع
سارا: اوك
يمكن الزعل اللي بينهن كان قوي وماقالن لها السبب الحقيقي فاهم شيء نيتها كانت تصلح بينهن وسعت لكن دون فائده << في هذه الحاله اذنبت سارا
...............................
القصه الثانيه/
سارا : سلام مها كيفك
مها وعليكم السلام الحمدلله
سارا: ايش اللي صاير بينك وبين خلود
مهاا :كيت وكيت وكيت
سار:ا ياشيخه طنشيه هذه حقت مشاكل وهي تبي تسيطر عليك وهي اصلا ماتحبك تجاملك
مها: انا عارفه انهاا تسوي كذا لانها تكرهني << زرعة الفكره الشينه براسهاا شككتها بها
سارا: يلا خلينا ننبسط معلينا منها رااح تنقهر اذا شفتك زعلانه اقهريهاا وانبسطي << هي تبي تبسط حالها
مها: أي والله مارااح اخليها تتشمت فيني
سارا: كفوا والله ايه هذه مها اللي عرفها قويه ماهمها احد
اليوم الثاني/
سارا: سلام خلود كيفك
خلود: الحمدلله تمام
سارا: قلتلي مها انك طردتيها بدون سبب
خلود: لا هذه مشكله صارت وخلتني اطردهاا
سارا: ياشيخه تكذب عليك ليه تقول كيت وكيت وكيت << غير اللي قالته
خلود: هي قالت كذا
سارا: ايوا ان انصدمت انك تسوي كذا لو ماعرفك صدقتها
خلود: والله ماسويت كذا اللي صار كذا وكذا
سارا: انا عارفه اكيد هذا اللي بيصير انتي ما تاذين احد بس هي مادري وشفيها تكرهك
خلود: بكيفها انا ماسويت لها شيء
سارا: ياشيخه طنشيه اذا هي تقول عنك كذا لو مكانك ماكلمهاا اصلا
خلود: ومن قال بكلمهاا مارااح ارجع لهاا
سارا: كفو والله خليك قويه يلا ننبسط معلينا منهاا<< مازلت تبي تبسط نفسهاا
خلود: اكيد ماراح تهمني ابدا ولا رااح ارجع لها
....
ان شاءالله فهمتوا القصتين وعرفتوا تفرقوا بينهم
فيه قصه الاصلح بين الصديقتين وفيه قيل وقال بين الصديقتين
برايكم غلطت سارا في القصه الاولى والا بالقصه الثانيه؟؟
هل عليها ذنب ما فعلته في كل القصتين ؟؟
ابي اعرف ايش الفرق بينهم وهل هناك شبه بين القصتين ..موضوع طرحته وابي نتناقش عن الفرق بين القيل والقال وبين الاصلاح بين شخصين ..
بقلم / جست مي
مواقع النشر (المفضلة)