أحذري لا تردين

[آخـ أمل ـر]

السلام عليكم
كيفكم؟

أبغى أتناقش معكم اليوم في موضوع
صراحه يستفزني ...وعلشان كذا حابه أعرف رايكم فيه...
وهو ...ليش لما يرن جوال الفتاة ويكون المتصل رقم غريب
نسمع تحذير
لا تردين على الرقم الغريب..
وحتى أني سمعت محاضرة لأحد الدعاة وقال:
أحذر الفتاة من أن ترد على الرقم الغريب..!!

أبي أفهم ليش؟!

ايش المشكلة اذا ردت ..
اذا طلع المتصل غلطان ..انتهى الموضوع
واذا طلع واحد يغازل تسكر بوجهه ولاعاد ترد عليه اذا كرر الإتصال..

ليش دايم المجتمع يعتقد أنه البنت ممكن يغرر بها بسهولة لمجرد سماعها كلام معسول ..يعني لهذي الدرجة البنت في نظرهم ضعيفه وغبية وكلمة توديها وكلمة تجيبها؟!!




وليش يعتقدون أنه الفتاة تفتتن بسهوله وتخق لما تسمع صوت رجل؟!!
لهذه الدرجة ما فيه ثقة في البنات؟!!


يعنى الرجال يرد على الرقم الغريب والبنت لا
ليش؟!!
الرجل ما يغلط وما يفتتن !!

ولا علشان عايشين في مجتمع ذكوري
يحق للرجل فيه مالا يحق للمرأة..وكأنه لا يحاسبه الله على ما يفعل كما تحاسب المرأة تماماً..


طبعاً المسأله مو مسألة رد على اتصال من رقم غريب المسأله أكبر من كذا في مجتمعاتنا الذكورية

ارجو تفاعلكم مع الموضوع
ودمتم بود

[R A W A N]

هلآ آنسة منشن :25ar:

البعض يعتقد ويمكن صحيح .. لمآ يجيك اتصال من رقم غريب يكون رجآل وهو صح غلطآن

هو مآيصدق إن اللي غلط فيه رقم بنت , مآيسيبها ويجلس يضايقها .. حتى لو كآن شآيب

طيب انا بقولك على حكاية لصحبتي .. ردت على رقم غريب وكان رجآل وهو ماصدق إنها بنت من بعد هاليوم

وهو يضايق فيها ليل ونهار يتصل وهي ماترد .. من الرقم جاب اسمها واسم ابوها وكل معلوماتها وصار يهددها

إلين ماهي صحيت ورآحت غيرت رقمها وكل شيء .. طيب ليش من البدآية تردين ...!!!!

انا عن نفسي الأرقام الغريبة ماارد عليهآ وزميلآتي يعرفون هالشيء .. اذا تكرر الرقم الغريب أعطي أخوي يرد

صآروآ زميلآتي قبل لآ يتصلون من أي رقم غريب يرسلون مسج لي ( ردي انا فلآنة ) وإنتهى الموضوع ..

بس فيه بنآت يردون على أرقآم وماعندي مشكلة بس ليه أسبب لنفسي مشكلة حتى لو كنت مااعرف بتجيني ولالا


:25ar:+ :24ar:

[مناير الشـووق]

واناا هم ماارد على الارقام الغريبه مهمااا كااان تراا

لان من جد بس يسمعوون صووت بنت بيبقوون يذايقووها طيب ليش

اسبب لحالى المشاكل انا بغنى عنهاا


عشاان هالشي صاار الزمن يخوووف من كل شي


لاهنتى يغلاااااااااى

[ضرار]

بما أن الموضوع نسائي

نكتفي بالمتابعه

تك تك

[روق الروقي]

هلا أنسه منشن كلامك صحيح وفيه مبدأ بس لما الوحده اهلها يقولون لها لاتردين موشك ولا اضعاف لها مجرد خوف عليها من المشاكل ومعاهم حق

وبصراحه فعلاً بعض الأحيان لما تردين على رقم غريب ويطلع رجال تنشبين وتجبين لنفسك ازعاج وبعضهم لما ما تعطينهم وجه ولا تردين على اتصالاتهم المتكرره يتركونك في حالك مو كلهم مثل بعض بس الوحده درأن للمشاكل ما ترد افضل لها

أشكرك ع الموضوع