ماشاء الله , تقربين لهآ ..؟!

[R A W A N]

سلآم

كيفكم ؟ أحوآلكم و أخبآركم ..؟!!

المهم هذآ موقف صآر لي بالجآمعة أول أعرف وش يعني وآسطة

صآرت حتى بالجوآلآت , لآحول ولآقوة إلآ بالله ..

كنت في القآعة وإللي يدرسني دكتور ووآقفين علينآمشرفآت يآخذون حضور البنآت

المهم بعد ماخلصت المشرفة من آخذ الحضور خرجت وبدأت كل وحده تهرج مع اللي جنبها

وتضحك وتتريق بس أنآ .... طلعت جوآلي وجلست ألعب فيه وأشوف رسآيلي من الفضآوة

فجأة مدري من وين طلعت وجآت المشرفة لقطتني من برى القآعة , أول مافتحت البآب طالعت فيني وانا وجهي صار

اول ماشفتها رميت الجوال وسويت نفسي اكتب مع الدكتور وانا من جنبها ..

جات إلين عندي تقول / يعني يعني انك تكتبين واول ماشفتيني خبيتي الجوآل قلت لآ من اول اكتب معاه

قالت طيب هاتي جوآلك عندي لما تخلصين تعاليلي لآنه ممنوع تطلعين الجوال في المحاضرة ومايرجعلك

قلت لآ قآلت إلآ وأخذت الجوآل مني ( إلآ جوآلي ) يآعآلم الدكتور يهرج وانا بآلي مع جوآلي

ماصدقت خلصت المحاضرة ورحت لغرفتهآ قآلت لي روحي عند العميدة العميدة بكبرهآ

وانا رآيحة لقيت وحدة تقرب لي شافتني وسلمت عليهآ وإستغربت وش جآيبك هنآ

حكيتها الحكاية قالت تعآلي ورآحت للعميدة قآلتلهآ عندك جوآل بنت ..! قالت ايوة واعطتني نظرة

قريبتي تقولي وش سويتي إنتي قلتلها بس طلعته شوي وماسويت شيء ..

قآمت قريبتي قآلت للعميدة ترى فلآنة خآلتهآ :24ar: طآلعت لي وقآلت ماشاء الله تقربين لهآ ..؟!

قلت: ايوة خآلتي .. قآلت أجل خذي جوآلك وتعآلي إرتآحي , ونآدت يآ سوناتا تعالي سوي شآهي :8ar: قلت لآ والله مستعجلة

العميدة : مري علي كل يوم im3 قلت : ان شاء الله ..


/


هذآ موقف صآر لي بالجآمعة ولولآ الله ثم وآسطة قريبتي كآن الجوآل مآرجع إلآ بتعهد

لو وحده غيري مآسكينهآ ومآلهآ أحد بالجآمعة كآن مارجع لهآ الجوآل إلآ بطلعة الروح ..

طيب ليه كذآ مو كلنآ سوى .. أتمنيت إني أخذت تعهد أو مخآلفة ولآ إن هالوآسطة تفكني

ليه العآلم مآتمشي إلآ بالوآسطة .. حتى بالجآمعة و التسجيل كله كآن وآسطة طيب لييييه ..!

أعرف بنت جآيبة نسبة 61 ودآخلة أحلى قسم بالجامعة وإللي نسبتهآ 80 مآلهآ مكآن يقولون لهآ

والله ودي اتكلم وأقول بس حسبي الله ونعم الوكيل ..

لكم الحرية في الرد :25ar:

[مناير الشـووق]

لو ماخذينه احسن ههههههه ليش مطلعته طيب

حبيبتى الدنياا كلهاا صاارت واسطه مو بس بالجامعااات

بس شنسووى امررنا لله

وسلمى يالغلاا على خاالتك هههههااا

[آحوال]

والله يروان هذي مشكله متواجده ولا راح تزول وتعريف الواسطه

هي القوة والحماية التي يهبها شخص لآخر .. بدافع حصولة على شيء .. في اغلب الأحيان لا يستحقه

فماهو مصدر القوة والحماية الا من المناصب المتنفذة بالبلد ..والتي لها علاقة بالنفوذ الأقوى
و للاسف الناس تجري وراء المسئول مو حب له لا من اجل مصلحه دنيويه واول مايتقاعد ينسى ولا يرفع عليه حتى السماعه ويسلم علية او يتم زيارتة خلاص يوم له تفوذ وكرسي كا ن جواله ماينام وبيته نفس الشئ وبعد التقاعد ينسى مثل غيره للاسف هذا المجتمع عايش على كذا مصالح

كل من هب ودب يقدم معروض يتوسل فيه ويضع فلان بن فلان واسطة لشيء لا يستحقة

ولو كان يستحقة لحصل عليه من دون اتعاب ...!!


موضوع يستحق النقاش وصدقيني القضية والنقاش يطول مدام فيه تشجيع للواسطة بالزمن هذا .
الان لو بغيت اروح لمطعم طلبت واسطة للاسف صاارت من اهم يومياتنا

بكل شئ وين ماتروح يافلان تعرف احد بالمكان الفلاني ...!!

[أسـرآر الـغـلآ]

هلآ وغلآ رنو ..
شغل الواسطه معروف عنه من زمان وبكل مكان
بس أنتِ بعد غلطانه تطلعين الجوال بالقاعه
ألا أذا كان بدون كاميرآ ،، بكرهـ لاقدر الله تنتشر صور بنات
حد لقطهم غيرج ويقولون فلآنه ويحطونها برآسج
ويمكن أي وحدهـ بدون ذمه ولاضمير تصور خلسه من غير محد يلاحظ
هذا شي ...
والشي الثاني ..
مع أحترامي لج ولقريبتج
أقول أنو هالعميدهـ ذي عميدهـ على الطل
لأن واضح أنو شغلها بلاذمه ولاضمير
يعني أنتِ طلعت لج قريبه ورحمتج لأجل قريبتج
يعني لو وحدهـ ثانيه مالها قريبه وش كان سوت وياها
هذا مو بس يسمونه واسطه يسمونه التخلي عن المبادئ والضمير
والا اللي بيشتغل بالمنصب هذا حتى لو منصب صغير يطبق العقوبه على الكل
رنوو حمد لله نفذتي بجلدج هالمرهـ وأنتبهي مرهـ ثانيه
دمتِ بكل خير عسووله..

[ضرار]

بصراحة مانبي نظلم أنفسنا ونقول أحنا ضد الواسطه

مهما تكلمتوا وأبديتوا غضبكم من الواسطه أو محاربتها

كلنا هنا نمشى بواسطه لاحد يدعي أنه أنسان حياته تمشي بالنظام وأنه أسير للروتين

ويدعي بالنظام .

هناك مقولة للملك فيصل طيب الله ثراه ( كل شي قضيت عليه ألا الواسطة ) .

يعني شعب لانمشي الأ بالواسطه . حتى لو كانت فيها ظلم للأخرين .

ونشكر مشرفتنا عالموضوع وأملي بالله ثم برحابه صدرها وتقبلها للرأي الأخر .

تك تك