الحساسيـة .. دمرتني صحياً ونفسياً وعقلياً .. وش الحل ؟

[غـير الناس]

مساء الخير

.
.

اولاً ياليت احد يجاوبني وين قسم الصحـة .. جالس ادوره ما حصلته !

.
.

ثانياً .. انا انسان قدر الله علي بآخوي فيه حساسية من زمان .. المهم راح لـ كل مكان وجرب كل شيء ومالقى لها عـلأاج .. !

المهم انا صارت فيني حساسية لي سنـة تقريباً او اقل شوي .. اتوقع جت منه او من العج اللي جاء الرياض العام لاني وقتها كنت رايح للدوام وراح فيها خشمي !

.
.

المهم انا كل ما اقوم من النوم اجلس ساعه وانا امسح في خشمي لـ درجة صرت اخذ معي كراتين مناديل للدوام وصارت تأثر على عيوني وصارت عيوني مرات تصير حمر من قوة الحساسية وصار يجيني صداع ومرات ينزل دم مع خشمي من قوة الحساسية ..

ابي عـلاج تكفون للي يعرف علاج للـشيء كذا .. انا انسـان تعبت منها حيل ..

:25ar:

..

[مناير الشـووق]

اهلا وسهلاا خييييووو :25ar:

بصراااحة بالمنتدى مافي قسم صحى للاسف

بس انت حطيته بالمكاان المناسب خييييوووو :24ar:

يصراحه الحسااسيه صاارت مشكلة العااالم لان انتشاارهاا صاار صعب

اناا اخووى فيه بس عالجهاا حساسيته كانت مزمنه عررفت

بس زوجة اخوووي مثلك بالتمااام وللحين تعالج بالابر بس

يااريت تلقى لهاا حل وتلقى اللى يفيييدك يااارب

:25ar::25ar:

[غزال ومـا يصيدونـه]

.



يسعد صباحك ومساك

والف سلامه عليك ماتشوف شر

الحساسيه تختلف ولها اكثر من مسبب واكثر من نوع

السبب الأول : أن جسمك مناعته ضعيفه وعنده قابليه للأصابه بالحساسيه

بمجرد استنشاق أي شيء مسبب لها ( مثل العج اللي ذكرته )

وإحتمال الجو بالبيت أو في غرفتك يكون فيه عوامل مسببه للحساسيه غير ظاهره

وهذي ممكن إنها تضاعف في زيادة الحساسيه عندك

أو تناول اشياء تكون مسببه للحساسيه ( مثل البيض , السمك , الشيكولاته ,الفراوله ,الموز )

وفيه ناس عندهم حساسيه من اشياء معينه الجسم مايتقبلها المفروض يبتعدون عنه

مثل ( البخور , العطور , الهواء الصادر من المكنسه الكهربائيه )

ومن ضمن العلاج الإبتعاد عن كل هالمسببات

السبب الثاني : إحتمال إن الحساسيه تكون عامل وراثي في العائله ( وهذا الإرجح )

والأعراض اللي إنت ذكرتها هذي اعراض طبيعيه وتكون مصاحبه لحساسية الأنف

بالنسبه للدم ممكن يكون بسبب قوة الحساسيه وممكن يكون له مسببات ثانيه مثل ( الرعاف )

والصداع اللي ذكرته هذا إحتمال إنه صداع تحسسي تشعر فيه من قوة الحساسيه

وعلاج الحساسيه ..

بكل الأحوال لابد من إستشارة الطبيب عشان يشخص الحاله بالضبط

والعلاج عموماً ينحصر تقريباً في ثلاث خطوات ..

اوما حبوب ومضادات حيويه أو عن طريق النقط الأنفيه باختلاف انواعها

او فيه علاج يسمونه ( علاج مناعي ) وهذا عن طريق الأبـر

وهالنوع من العلاج يساعد في دعم وتقوية جهاز المناعه

لكنه مايستخدم ألا في حالة عدم الإستجابه للأدويه

وإذا كنت تقصد بسؤالك العلاج عن طريق اعشاب أو أي شيء مجرب

اللي اسمع عنه إنه مفيد ( الثوم )

لإنه يحتوي على مضادات حيويه فعاله في علاج التهابات الأنف

يعني كل يوم الصبح خوذ لك فصين ثوم على الريق لمدة شهر im3

وإذا مافادك ماراح يضرك :)

/

والله يشافيك ويعافيك يارب :25ar:

[[ .: سّيآفَ /! ]]

^^

كفيتّ و وفيت ..

عسّى الله يشّفيكَ يالغآليَ :/ :25ar:

,

[s3odi]

اول شي عسي ربي يشافيك ويشافي اخوك


ثاني شي الانسان هو طبيب نفسه

انا قدامك لي فوق خمس سنوات معاي ربو

وكنت اخذ فانتولين الازرق لين زاد وزني بسببه

والحمد لله تركته من ثلاث سنوات وبدا جسمي يرجع لوضعه الطبيعي

ابعد عن الاكل قبل النوم صدقني له تأثير كبيييير انا انسان مجربها

عليك برياضة المشي لو نص ساعة يومياً

تعرف القرنفل ؟

خذ لك سبع او بالكثير عشر اعواد

ارمي الاعواد وخذ القمع (راس العود) اطبخه وخله يقلب مره او مرتين

واشربه على الريق الصبح وقبل تنام

ماتعافيت الا من الله ثم هالطريقة اللي اتبعتها

كانت حالتي الويل ماخليت طبيب لاداخل السعودية ولا برا السعودية

والحمد لله الحين احسن بكثير

جربها واذا كنت مدخن ( انسي كلامي كله ) لانه ماراح يفيدك