أزعل عليك ألفين مرة من غلاك..
ًً مدخل ًًً
أزعل عليك ألفين مره من غلاك
... مليون مره يوم تنكر غلطتك
قلي اخطيت بدون ما أدور وراك
... مو حلوه ألقاها وتخرب صورتك
كثير منا إذا كان يحب شخص أو يعزه مايقدر يزعل عليه أو يشيل بقلبه إذا زعله أو ضايقه بشي وهذا مو من ضعف أو قلة حيلة لكن من زود الغلا والمحبة..
فمن الممكن هالشخص يقدر حبك وماعاد يزعلك أبد وممكن أنه ما يقدرك ويعتبره ضعف منك ويتمادى في زعلك وجرحك..
وإذا انت زعلته يقوم الدنيا ولا يقعدها ومايرضى عليك إلا برد حق وإعتذار منك وممكن ترتجي رضاه وما يرضى ويعتبر نفسه ملاك مايخطي أصلا لأنك ماتبين زعلك وعلى طول ترضى عليه..
مع التأكيد إنه من زود المحبة والتقدير منك ..
أنت أو أنتِ وش شعورك إذا عاملك من تحبه او تعزه بهالأسلوب؟
وهل من الممكن أنك تقطع علاقتك معه أو تستمر بغض النظر عن أسلوبه؟
وإذا بالإمكان تذكر لنا موقف صار لك ونعرف ردة فعل كل واحد منكم..
النقاش مفتوح وغير محدد بالأسئلة يعني كل واحد يقول اللي بخاطره..
تحياتي وتقديري..:25ar:
ًً مخرج ًًً
أزعل عليك وحيل يهزمني هواك
... يومك تناظرني واحس بعبرتك
تقول اسف واحسب الله هداك
... ترجع وتعملها علي وش قصتك
بقلمي: طموحة..
رد: أزعل عليك ألفين مرة من غلاك..
مواقع النشر (المفضلة)