بسم الله الرحمن الرحيم
السلام عليكم ورحمة الله وبركاته
اليوم جايب لكم قصيده ان شاء الله تنأل على أستحسانكم :*
بسم الله
[poem=font="Simplified Arabic,6,orange,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black""]
ياإمـرؤ القيـس والله مالهـا داعــي=وشو له توقف على الأطـلال تبكيهـا
لاتقول ذكرى’ الحبيب بحجة إقناعـي=وش تنفعك‘ ذكريـات ٍ راح ماضيهـا
من صد عني’ حرام إن جيت له ساعي=دام المحانـي تقـوم وجرحهـا فيهـا
القلب غبة’ بحر والفضـل لشراعـي=مايلتفـت للحـدود الـلـي يعديـهـا
بالمركب اللي صنعته بـس لأبداعـي=قبطان .. من ويـن مـا ودي أوديهـا
وياإمرؤ القيس كان السـر بأوجاعـي=بعض السوالف تمـوت بفـم راعيهـا
الفكر عزفي ونبض القلـب’ إيقاعـي=والشعر ونسة’ عمر والنـاس ترويهـا
وإن كان صدت كذا عن روض مرباعي=لاتحلم إني أجيـب العـذر وأرضيهـا
والله لو أنا الجفا يلـوي لـي ذراعـي=لأقطع ذراعـي لهـا وألويـه’ بيديهـا
أهل النفوس العزيزة’ عشقهـا واعـي=مـا تنحنـي للغـرام اللـي يوطيهـا
ياأمرؤ القيس .. ماتخفـاك‘ الأفاعـي=تمـوت والسـم باقـي فـي علابيهـا
لابارك‘ الله بعـذر ٍ جـرح أسماعـي=ولابارك‘ الله بمن هو جـاب طاريهـا
[/poem]
تحياتي لكم:25ar:
صلفوق
مواقع النشر (المفضلة)