أنا واحد من العالم أنا جمله تحتها خط

[أميره الكل]

انا في خاطري حاجه ولا ادري ويش ابي بالضبط
ولاني قادر اكتمها ولاني قادر ابديها

متهاه داخل اعماقي بحر حيره بليا شط
خذاني موجها العاتي عذابي عن موانيها

أبا اهرب من غموضي مير ماباليد حل وربط
ضياعي كل يشوفه حقيقه ما اقدر انفيها

أنا ما ادري مكاني فوق ولا تحت ولا وسط
أسوق الرجل واتبعها واقول الله يسويها

أنا عايش بها لدنيا بلا قيد وبليا شرط
مجرد ظل لايامي تباريني واباريها

أنا ايامي سوا .. مافيه يوم اصعب ويوم ابسط
ولا ادري كيف اميز بين حاضرها وماضيها

أنا مااشكي من احزاني ولاذقت السعاده قط
ومع هذا أحس الناس واضحكها وابكيها

أنا واحد من العالم أنا جمله تحتها خط
أحاسيسي غريبه من بدايتها لتاليها

أنا في صفحة الدنيا حروف ماعليها نقط
حياتي مالقيت اللي يترجم لي معانيها

[خَيَاليّه]

نَصُ جِداً مُعبِرْ وَ رَائِعْ
صَحْ لِسانْ الشاعِرْ وَ سلمتِ أَميّرةْ
وِديّ العَميّقْ :25ar:

[مصطفى الدلوع]

الف شكر
اختيار بطل جدا

[أميره الكل]

مشكورين ع طلتكم في صفحتي

[أنفاس ورده]

يعطيك الف عافيه على الطرح المميز 000

ننتظر جديدك بكل الشوق والود ,,,
لك مني اجمل واعذب التحيه