اللي عندهم المخ فاصل - اللي ينسوون المفهيين يدخلون

[أسـرآر الـغـلآ]

السلام عليكم ورحمة الله وبركاته

كيفكم ياشباب وشابات المستقبل
>> أبد مو نص اللي بالمنتدى شياب images11
ندخل في الموضوع .....:25ar:
كثير في الحياهـ نعاني وكل له معاناته الخاصه
مثل مايقول المثل كلن على همه سرى
الحياهـ مشاكل وابتلائات
ومن هالمنطلق تتولد عندنا أمور تكون خارجه عن أرادتنا
منها النسيان- فصلة المخيخ -التفهي- الخرف - نطق الجمل بالمقلوب - الغباوهـ
طبعا لكل مثل ماقلت له اسبابه
منها المرض - المشاكل-معاناها خاصه - الحب -الظلم - الطلاق - الترمل
وبكذا نمر بموقف حدث ولاحرج

بذكر لكم مواقف اختكم في الله اللي نزلت الموضوع اللي هي انا

مواقفي ....
مره من المرات دقت علي صديقتي جوال وجلست اكلمها المهم بغيت الجوال وادور وادور
وحست تحت الكنب والمكتبه هذا وانا اكلم صديقتي حمد لله ماقلت وهي معي وين جوالي
يووم قفلت نزلت يدي وطالعت بالجوال وربي وقفت دقيقتيين صمت
مرهـ اول ماطلعت الجوالات بوكاميرا :8ar:
اشتريت واحد دقت علي صديقتي قالت عندج الوسائط شغاله قلت ايه ليش
قالت ابي ترسلين لي اي صوره بجرب اذا تشتغل عندي اولا
قلت لها صبر اشغل البلوتوثim22
قالت ياغبيه اقولج وسائط تقولين بلوتوث
رقعت الموضوع وقلت امزح

ومرهـ ونا صغيره شوي قرروااهلي يروحو مكه يعني بنروح كلنا
قلت لهم زين انا ماعندي جواز سفر im22
كثثير مواقف وربي تضحك هي فهاوه ولا غباوه ولادلاخه

مواقف لامي الحبيبه ...

امي مسكينه حاله ثانيه المخيخ عندها شكلها بالمقلوبim22
مرهـ وربي كنا رايحيين نبارك لناس زواج ولدهم تبي تقوول
ألف مبروك الزواج قالت عظم الله أجركم
حمد لله مامسكونا البابimages11
ومرهـ حمد لله ماكنا معاها رايحه تعزي ناس قالت عيدكم مبارك ههههههههه
مسكينه امي تفهي عندها اوب طبيعي للعلم انها في اواخر الاربعين

موقف لام زوجي...
مره كنا مسافرين المدينه واحنا نازلين للشرقيه
وقفنا في القصيم للصلاه اول مانزلنا قالت ماشاء الله المدينه جوها حار والسعوديه بارد

موقف لأم صديقتي ...
هالحرمه قررت تزوج ولدها وفي اسبوع الزواج توفت امها
وفي اثناء العزا جالسه توزع بطاقات الزواج على الناس
تقول ماراح اغير تاريخ العرس لان امها ماتت السبت وزواج ولدها الجمعه

ناس غريبه تصرفتها والتفهي شي عجيب مواقف مضحكه محرجه محزنه
كل منكم يدخل ويقول موقف له ولا لاي احد يعرفه
خلونا نشووف حل حق هالتفهي اللي مفشلنا

والمعذرهـ منكم على الاطاله :25ar:images11

[حيران في عالم النسيان]

وعليك السلام

من ناحية انك مفهيه مايختلف على كلامك اثنين


ومن ناحية غبيه امممم ماهوب غبا اللي فيك اللي فيك تسطيل مثل ماتقولين

انك محششه من غير حشيش يعني نكته متحركه





موفق لواحد الله يذكره بالخير كنا في مكه رمضان اللي فات
قال يادكتور انا وش قومي إذا شبعت تنسد نفسي عن الاكل

رديت انا بدال الدكتور قلت يالحبيب يعني تبين تنفتح نفسك وانت شبعان خلاص

شبعت شي طبيعي

[طـحـطـوح]

موضوع رائعه وجميل وقمة الوناسه

مثل ماقال لك اخوي حيرانو محششه بدون تحشيش

هذا واحد من العيال حياته دلاخه في دلاخه
مره جاء للخبر مع اعيال عمي ثلاثه ونزلهم وشرب فنجال قهوى
وقال ابروح اجيب افلان <<<قلت له وليه ماجبته معك قال يبي يجي بروحه
المشكلة المشوار مو بسيط يبي يرجع للرياض <<وانا اقوله والله ماتروح
خله يجي بطائرة بالقطار يصرف نفسه ولا تكون انت دلخ تجيبه قال خلاص
وروح انام وقمت الساعه 8 الا هو توه جاي من الرياض وجايبه معه وربي فقعت وجهه




ومره كلنا نايمين في المجلس وصحيت نص الليل الا خوينا نايم على طاولت القهوى والشاهي
نايم على بطنه ويحرك رجوله وصحييه وقوله انت وش تحس فيه مريض انت وجهك
قال العن ........ خربت حلم علي im22im22


اللي رجعه مع المواقف

[Mona's Tochter]

ههههههههههههههه
مواقفك تضحك ..
بس ماعليه الفهاوه يقولون من شدت الذكاء images11

بالنسبه لي ماتوقع احد يوصل لدرجتي في الفهاوه
لدرجت اني رحت سالت دكتور عن حالتي ماصرت احس نفسي طبيعيه هههههههههههه
مشكلتي اني دائما مااشغل مخي دائما موقفته لوول
مواقفي كثيره راح احطها لك في نقاط لانها جد مرا كثيره

1- قبل لما كنت اروح السوق مع ماما الله يرحمها ..لما تقول لي غاده ايش رايك في هذا السلسال يناسب مع لبسك اللي كذا وتوصف لي لبسي
وتجلس تذكرني فيه ماتذكره .. احيانا اتذكره بس ماتذكر اللون هههههههههههه
شفتي احد مايعرف شكل ملابسه ؟

2- لما كنت في صف ثالث ابتدائي كنت بجد ماافهم شي في الدنيا ههههههههه
وفوق هذا كننا لسسا جايين من امريكا وماتعودت على نظام مدرستي الجديده خخخ
دخلت الفصل وتعرفت على البنات وبدينا ندرس وفي نصف الحصه جلست اتامل في الكتاب
قريت مكتوب للصف الرابع الابتدائي ..توقعت انو كتابي غلط فـ جلست اتلفت على البنات لقيت كتبهم رابع
لوول داخله كلاس مو لي .. اتذكر المعلمه كانت تقول لي لو انك جلدتي الكتاب كان كملتي معنا لأخر السنه im22
<< هذا اللي مايحظر طابور الصباح مايعرف فصله


3- بدأت معاناتي تكبر مع الجامعه مره فتحت دفتر محاظراتي بذاكر للاختبار
واكتشفت اني كاتبه صفحات عادي وصفحات بالمقلوب


4- يتكرر علي كثير نفس موقفك هههههه اكلم صاحبتي وادور الجوال بنفس الوقت im3


5- في الجامعه لما وصلنا لنصف السمستر اكتشفت اني في شعبه غير شعبتي
وصارت معاي مرتين لوول <


6- في الجامعه برضو6 كنت احمل محاظرات واذاكرهم
واكتشف ان الاختبار يجي غير اللي اذاكر والدكتوره تعرض اشياء غير اللي احملهم
لما قلت لها دكتوره ليش تنزلين لنا محاظرات غير اللي تعرضين كيف ندرس ؟
كانت تقول لي لا نفسهم انا اكتبها وانزلها على طول
قلت لها طيب انا لما ادخل على صفحة الدكتوره وفاء واحمل ماالاقي نفس الـslides
قالت انا اسمي سناء مو وفاء خلصنا السمستر وماتعرفين اسمي <لوول images11


7- في قسم الانجلش بدل لااسوي اقتباس لرد عضو سويت تعديل وحذف
<< اول مرا تاخذ اشراف images11


8- لما كنت ادرس في برتش كونسل كان مطلوب منني اكتب لها مقال عن الاعلانات التجاريه
كتبت مقال واعطيتها ..جاتني مرتاعه
قالت غاده انا طلبت مقال عن الاعلانات التجاريه مو عن التلوث البيئي
<<مشكله اللي يحل الواجب في نصف الليل


9- قبل كنت بشتري اشياء من السوبر ماركت اخذت الشغاله وطلعت
لما كنت في السياره كنت ابي اقرا فواتير موجوده في المحفظه دورت المحفظه مالقيتها
مشى الموضوع ولاكأن صار شي im3
وصلنا السوبر ماركت وقفت قبال الثلاجات واخذت بايسن وجلست اقرا المحتويات
بعدها قالت الشغاله انتا في محفظه فلوس
قلت نسيتها
<< يعني كاني رايحه اقرا محتويات بايسن واجي البيت <<ماي قاد



--

10- مرا دق علي رقم غريب ورديت
كان صوت واحد نفس صوت ولد خالتي
خخخخ بصراحه مادري وين كان عقلي في هذيك المكامله ههههههههههه
اول مارد على طول جلست اسولف معاه واساله عن خالتي وسولفت له عن الدراسه شوي
وجلس اهو يعلق علي
جلسنا فتره مو قصيره ههههههههههه
بعدين سمعت جنبه ازعاج قلت عبدالله انت وينك؟
قال انا موب عبدالله
انا احمد
قلت مين احمد؟
قال واحد اسمه احمد
جلسنا نتهاوش شوي انا اقول عبدالله واهو يقول احمد هههههه
بعدين قال ترا والله اسمي احمد
عاد بعدها سكتت جلست استوعب الصوت خخخخخ
قلت يعني مو عبدالله ولد خالتي نوره ؟
قال لا ماعرف وحده اسمها نوره خخخخ
قلت ليه طيب كنت تسولف معاي
قال شكلي غلطان وانتي قعدتي تسولفين معي سولفت معاك
اعتذرت منه وسكرنا خخخخ
ههههههههههههه بس كان شي يضحك
<<لو ماكان عند الولد ازعاج كان يمكن صرنا بيست فريندز images11
لان كل شي بيصير عرفه عنني لوول


ههههههه
يمكن لو اجلس دقيقتين على موضوعك راح يطلع معاي 10 مواقف زياده هههههههههههه
مواقفي ماتنتهي مع المخ الموقف حققي images11 لوول
اتمنى اخلص من هذي المشكله باسرع وقت :24ar:

سوري طولت عليك بس من جد اقدر اقول جبتيها على الوتر الحساس
تقبلي مروري:24ar:
وشكرا لك اسرار على الموضوع الحلو :19ar:

[طـحـطـوح]

سويت مواقف رهيبه وتعبر انس مفهيه بقوى im22

ااااه يابطني وربي ضحكت ضحك اقوى شيim22