قصه ونقااااااااااااش هااااااااام
بسم الله الرحمن الرحيم
هذي قصه بس فيها نقاش والله احترت وين انزلها هنا او في قسم القصص واخر شيئ قررت انزلها هنا وانتم شووفوا مكانها المناسب وين وينقلووها
واتمنى من الجميع ان يشارك في النقاااااااش او الاجابه على الاسائله
وهذي القصه بقلمي والله لا يسامح من ينقلها من غير ذكر مصدرها
هذي قصه حقيقيه اللهم اني كتبتها بسلوبي مثل ماشرحت لي من غير تزويد او تنقيص
القصه يدور محور حديثها كالاتي
متعب يتحدث عن مشكلته
اليوم انا وصديقي طلال بنسافر برطانيا لاخذ الدكتوره
قبل لا اسافر قال لي ابوي, يا ولدي. لا تغرك الغربه وزينتها , حافظ عل صلوتك , وغض النضر عن محارم العالم,
قلت, له ابشر يالغالي ما طلبت شيئ, ما يجيك الا الي يسرك.
قال ابوي , اوعدني يا متعب انك ما تتزوج اجنبيه. وتاحذ من بنات بلادك.
قلت اوعدك يالغالي,
قال لي,اجل احجزلك بنت عمك ؟
قلت. لا يبه , لا تحجزها. انا بدرس 7 سنوات ويمكن اكثر,لاتوقف البنت لي خلها تروح في نصيبها,
قال, اذا رجعت وهي ما تزوجت ان شاء الله تكون لك
ما كان عندي رد. مابغى اضيق صدر الوالد. وزعله مني. وانا بسافر.وهذي سبع سنوات واكثر فيها من يعيش وفيها من يموت ,قلت ان شاء الله يا الغالي.
ودعتهم وسافرنا انا خوويي طلال,
وطول محنا في السفر وطلال يسولف عن اهله وكان يقول انه عنده اخت غير عن خواته كلهم ,يفضفض لها ويتكلم معها
من كثر ما يتكلم عنها تمنيت اني اعرفها.وصرت دووم احب اسمع عن سواليفها ,ومقالبها معهم.
وفعلا عرفت عنها كل شيئ , وكانت دووم تتصل على طلال, واتعمد ارد عليها ,حسيت ان هذي البنت الي انا ابيها تشاركني حياتي,حبيتها وتعلق فيها .وقررت اني احجزها.
في يوم من الايام قررت اني افاتح طلال في الموضوع, وفعلا فاتحته. وطلال ما بدر منا أي معارضه. غير انه قال لا تشغل بالك الحين بشئ غير الدراسه,لما نخلص وناخذ الدكتوره ربك يحلها,
قلت ونعم بالله, بس يا ليت تكون عند اختك خبر بالموضوع.
قال ,ابشر بكلمها وبشووف ردها وعطيك خبر.
يوم .يومين. واسبوع. وطلال ما جاب لي خبر.
رحت له وكان جالس في البلكونه يذاكر.
قلت .طلال ما كلمت الاهل ؟؟
قال. كلمتها هي. بس ما ردت علي للحين. وش فيك مسنعجل. الي يشوفك يقول اليوم بنرجع السعوديه, وتملك ضحكت عليه قلت اقولك بس عجل علي,
المهم . بعد كم يوم جاني طلال وقال ان اخته صلت الاستخاره ومرتاحه لك
قلت يعني موافقه ؟
قال , ايه موافقه, بس انت شد حيلك وخلص دراستك والله يوفقكم
جلست افكر كيف اقنع الوالد الحين وهو يبغني اخذ بنت عمي,,
قلت .يا ولد اصبر واذا خلصت يحلها الف حلال, وابوي انسان طيب ولا يغصبنا على شيئ وهذا مستقبالنا
كملت دراستي. وتخرجت واخذت الدكتوراه ورجعنا الى ارض الوطن,
وانا الدنيا مب سايعتني من الفرح, شهاده واخذتها وراح اخذ الانسانه الي اخترتها
الوالده. قالت متعب يمه الحين ماعندك. عذر الشهاده وخذتها ,والوظيفه وضمنتها ,ما باقي غير العروس,
قمت وبست راسها, وقلت بدري يا الغاليه على الزواج.
قال ابوي, وش الي بدري؟
خلاص اليوم اكلم عمامك ونروح نخطب لك
قلت ,وش تقول يالغالي تخطب لي ؟؟؟
قال, ايه نخطب لك بنت عمك, مب انت وعدتني اذا رجعت وهي ما تزوجت تتزوجها,,
قلت , يبه انا قلت اذا في نصيب, وبعدين هالكلام صار له 7 او8 سنوات عمر تغير فيه احوال,
قال ,لا الرجال له كلمه وحده ما يثنيها, وانت قلت كلمتك,
قلت , يبه انا ابغى اتزوج, بس ماهي بنت عمي,
قال, اجل مين؟
قلت, اخت طلال صاحبي .
قال , ونعم في طلال واهل طلال ,,بس ما تتزوج الا بنت عمك .
قلت,يبه انا كلمت طلال واتفقت معه تبغني اطلع صغيرعند صاحبي .
قال, لا انا الي اطلع صغير قدام اخواني وقبيلتي
لاحولولاقوة الا بالله
قلت .زواج من غير اخت طلال ماني متزوجه,
قال رووح سوي الي تبي,, بس انا مب راضي عليك ولا على منك كيفك
حسيت ان ابوي زعلان مني, المهم . رحت لاحد عمامي وقنعته يكلام ابوي’
وفعلا وافق بس من غير اقتناع
المهم تزوجت اخت طلال, وعشت معها احلا ايام حياتي.
في يوم رجعت من الدوام , تعبان. وجلست على الكنبه. واخذت الريموت واخذت اقلب في القنوات’
سمعت الصوت الي احبه وعشقه, حبيبي انت جيت
قلت , هلا وغلا حياتي ايه جيت
ها ما خلص الغداء ؟؟
جات وهي حامله صنيةالغدا وهذا الغدا وصل,
جلسنا نتغداء, قالت’ لي متعب عندي لك خبر, حلووو بس خلص غداء وقولك,
لاحظت انها ا كلت شوي وقامت
سألتها ليش ما تاكلين؟؟
ردت على ببتسامه مدري مب مشتهيه
الصراحه القمه وقفت في حلقي كيف اكل وحياتي ما تاكل
قالت. وش فيك متعب ما تاكل ؟؟
قلت مالي نفس خلاص شيلي الاكل
قالت طيب علشان خاطري اكل
قلت.ما راح اكلالا لما تاكلين
مدت يدها وبدت تاكل شوي شوي
بعد الغداء,دخلت الغرفه وناديتها ابغى اعرف وش الخبر الحلو الي عندها.
جات وجلست جنبي على السرير.
التفت عليها وابتسمت, وكنت انتظر الخبر الي تبغى تقوله
قالت , وهي مستحيه مني متعب انا حامل
وحطت ايدي على بطنها,
نظرتها وانا فرحان, قلت والله حامل ؟
قالت. والله حامل
بشرت اهلي واهلها والكل فرح لنا وبارك
قلت لها من اليوم لا تسوين شيئ في البيت راح اجيب لك خدامه مؤقته لين اقدم لك على خدامه
قالت .ماله داعي الخدامه.. ترى مافيني شيئ,, عادي كل الحريم يحملون ويخدمون ازواجهم’
في يوم من الايام كان دوامي اول لليل ..
رجعت تعبان ..ونمت
ما اخذت الا تهزني.. متعب حبيبي قووم بمووت من الالم
كنت افكرها تمزح. باقي على الوالده شهرين
قلت لها حببتي بدري على الصبح
صارت تشد على البطانيه منالالم.. وتصيح
حبيبي قوم .. احس بالم مو طبيعي
رفعت البطانيه عن وقمت مفزووع,,
قلت , وش فيك حبيبتي
قالت الم ونزيف مره قوي شكلي بولد
الالم مب راضي يرووح مني
وتمسك بطنها وتصيح من الالم :
وقتها اختبصت.. مدري وش اسوي’’ وكيف اتصرف’’ معها اول مره انحط في موقف من هالنوع ...
حركت راسيبسرعه حتى اطرد الافكار منه
وساعدتها
وا خذتها على طول للمستشفى ..
وقتها كنت عايش في حاله ما يعلم فيها الا الله
توتر. وخوف.
صار لي اكثر من ساعه وانا رايح جاي
رايح جاي .. جاني احساس غريب
نغزاتفي قلبي تجي بسرعه وتروح ..
كلما جات يحس ان صدري يضيق
كان شكلي مثل التائه.. مدري وين آروح,, آوكيف اتصرف
مب قادر آفكر الا بحبيبتي
شافت الدكتور رحت له بسرعه
الدكتور, وهو يقرب انت زوجها؟
قلت أي انا زوجها طمني عليها يا دكتور
اخذ الدكتور يضرب علىكتفي بخفيف كائنه يواسني
وهو يقول البقيه بحياتك
وقتها حسيت ان الدنيا بدت تدور فينيومو
قادر آشوف شيء قدامي ..
وصوت الدكتور
يزلزل كياني البقيه بحياتك
اطرافي من الصدمه مب قادره
تشيلني..
جلست على آلارض .. وآنا ما سك راسي بيديني
الثنتين .. وصوت الدكتور يرن براسي..
( البقيه بحياتك ..
البقيه بحياتك ..
حبيبتي راحت خلاص. راحتماراح ترجع ثاني..
حياتي ..عمري,, خلاص راحت,,
مــــــــــاتت .. مــــــاتت ..
وقتها صرت مثل المجنون وفقدت الوعي وظليت اكثر من اسبوع على المهدئات
كنت اتمنى آمووت معها لان الحياه من غيرها مالها طعم
دخلت في حاله من اليأس والدنيا توقفت عندي منذا وفاتها
كل يوم كان يجدد ذكرياتها .. اتذكر كلامها لي, وسوليفها معي. صوتها لا يزال يرن في اذني..
اما, طلال ماهو احسن حال مني,, كان طول فترة العزاء عايش على المهدئات..
كنت رافض أي نصيحه من احد,, وكنت رافض آتجاوب معهم..
دفنت نفسي مع الذكريات الالميه
بعد ما كملت سنه.. ابوي فاتحني في الزواج ..
ليه يبه تجدد على الالم...؟؟؟ ليه تفتح جروحي...؟؟؟
يبه انا ما نسيتها ..ولا نسيت ايامي معها..
وحتى ولو فات على وفاتها سنه..
ما كانت تغيب عن بالي..وحبها للحين
ساكن بقلبي .. برغم من موتها لكنها..
ما زالت حياه بداخلي.. وينبض القلب
لجلها .. بس صارت عندي
القدره على التعايش ..,وتقبل عدم وجودها ,,آحس بآلم يعتصر قلبي.., ونزلت دموعه بحرقه على خدي..
انا بعدها مابغى اتزوج احد.., انسوا سالفت الزواج..
حاول معي ابوي.. واخواني..وعماني.. لكن مافي فائده..,,
في يوم.من آلآيام رجعت من المستشفى الساعه 12 ونص بالليل.
حاولت انام .جلست اتقلب يمين يسار ما فيني نووم.
اخذت الاوبتو ب.,’’ وجلست اتصفح فيه ..’’مدري وش خلني اكتب دردشات في GOOgIe؟؟
واول دردشه فتحت.. دخلت فيها .. وجلست اتابع هالعالم وهالنكات الي تخلي الواحد يضحك عليهم غصب.
رحت عند قائمه للآسماء..’لفت انتباهي نك , عجوز متضايقه.
جاني فضوول ااني اكلمها وشووف وش فيها.. اهو اتسلى شوي لين يجني النوم..
دخلت الرووم الي هي فيه,, وجلست نص ساعه آتابع.. وهي ساكته.,!!! قلت وش قصتها هالعجوز؟؟ليه ماآروح اكلامها طيب.؟
في النهايه قررت اني اكلمها,,
دخلت عليها خاص.. سلمت عليها ماردت ,كيف الحال ماردت.
قلت يارب وش اسوي...؟؟؟ انا لابد اعرف قصتها,,
مافي غير اني ارفع ضغطها يمكن ترد,,
قلت انتي يا العجوز. ما تستحين داخله الشات تتكلمين مع شباب كبر عيالك’,!!
واخيراً ردت علي .قالت انثبر,, ولا بشغلك.. استحي ما استحي شيئ راجع لي .
وبعدها طنشت,,,
لازم اعرف سالفتها...رجعت وعتذرت منها ,,قلت لها يا خاله انا متضايق وابغى اسوالف معك.. سوليف محترمه..
قالت, عندك العام. ادخل عليهم عرض.. واثبت وجودك بينهم .وسالف معهم,,
قلت, ليه انتي ما تسولفين في العام؟؟
قالت , انا دخله آتفرج بس. مابغى اسولف مع احد.. الا في حاله وحده...!!!
سألتها, وش هالحاله طيب حتى اسوي مثلك..؟؟؟؟
قالت’شيئ ما يخصك.. اسكت تراك ازعجتني,
قلت ,ياخاله بالله تعالي شوي,, والله اذا شفتي كلامي ماعجبك لا تردي علي..
ردت علي من غير نفس ...قالت اللهم طولك ياروح قول وش عندك بلابل واطربنا,,
حسيت من كلامها انها بتكلمني مب من خاطرها
قلت,لها انا’’ اسف على الازعاج’’
قالت, عادي حياك الله,,
(قلت والله هالعجوز تدورها من الله تبغى الفكه مني..بس لا والله ماني طالع الا لماآعرف قصتك)
حاولت معها مره ثانيه. وردت علي قلت’ امر قول وش بغيت...؟؟؟
قلت, والله طفشان حاولت انام ما جاني نووم
قالت, وانا وش اسوي لك طيب..؟؟
سكت مارديت عليها
حطت لي استفهام؟؟؟ يعني قول وش فيكّ...!!
قلت لها وش فيك؟
قالت, انا, او انت, الي وش فيك ..,مزعجني,وصدعتني, واخر شيئ تقول مافيك نوم,,وش تبغاني اسوي لك يعني..؟؟
قلت , وش فيك معصبه طيب؟
قالت, منك اكيد,
قلت, انا وش سويت لك..؟؟؟
قالت , كان في هوشه في الروم, من اول مادخلت وانا اتابعهم ,وحضرتك جيت وخربت علي. ولا خليتني اركز معهم,
ضحكت عليها ..اقول في خاطري عجوز وتحب المشاكل بعد,,
سألتها اذا متزوجه او لا؟؟
قالت انها ارمله من 5 سنوات زوجها متوفي,,
وعيالها تعبينها,,
قلت , عيالك اصغار ؟؟
قلت ,لا .عيالي اكبرهم عمره 30 سنه
الصراحه انصدمت,ّ!!
قلت انتي كم عمرك ..؟؟
قالت, لي ضيف على 30 +27+سنه حمل كم يساوي
’’قلت يساوي 58’’
قالت, ايه هذا عمري,,
قلت, خاله انا متضايق..,وابغى آسولف. مع احدعاقل. وفاهم . ممكن اسولف معك...؟؟؟
قالت , الهوشه وخلصت. تفضل قول وش فيك,,
حسيت ا ني ابغى اتكلم مع احد...يمكن ارتاح ونام. وهذا شات محد يعرفني فيه,,
قلت لها قصتي كلها,, وان ابوي الحين يبغى يزوجني ,,وانا مابغى اتزوج غيرها’,,
قالت, وآنت ليه ما تبغى تتزوج..؟؟ ؟
قلت, ماتصور حياتي مع وحده غيرها,
المهم انها حاولت تنصحني ,,وان الموت حق علينا كلنا.. وان حنا ما ندري وش الفرق الي بينا وبينها.. وان الانسان لابدان يعيش حياته
الصراحه. ارتحت بعد ما تكلمت معها .. قالت انها تبغى تطلع
قالت. عيش حياتك, ولا تزعل ابوك وامك, حاول تفرحهم فيك,
ويلا في امان الله,
ناديتها بسرعه قبل تطلع لحظه لو سمحتي ,
قالت امر بغيت شيئ..؟؟
قلت , ممكن اشوفك هنا ثاني؟
قالت ليه ,؟؟
قلت ,مدري بس ياليت اشوفك هنا ثاني..
قالت ,اذا الله راد لنا ان نشووف بعض ثاني راح تشوفني
قلت ونعم بالله .,يا خاله بس انا عندي اشغال, ومدخل الشات, هذا اول مره ادخل فيها
قالت, انا فاضيه. بس مدخل الشات .الا اذا طفشت, او متضايقه
قلت بكره اشوفك هنا..؟؟؟
قالت. مقدر اوعدك بشئ مقدر انفذه لك,
قلت ,ليه ما تقدرين..؟؟؟؟
ماردت علي,,
قلت, خاله تكفين قولي لي متى تدخلين..؟؟؟
قالت. انت ادخل بعد بكره. الساعه 1 بالليل .يمكن ادخل
قلت ليه الساعه 1 طيبّ...!! ما يصيرالساعه 12
قالت. انا قلت وحده. يعني وحده. يناسبك, او على راحتك..
قلت الا يناسبني وزود بعد
قبل تطلع قالت لي, صلي ركعتين واقراء اية الكرسي, والمعوذات, وانوي انك بتقووم تصلي الفجر. اذا نويتها سبحان الله تقوم على الاذان من غير محد يصحيك,
قلت , ان شاء الله, جزاك الله خير..
سكرت الشات,,وقمت توضيت. وصليت.وقراءة القرآن ونويت الصلاه ونمت..
ودومت مثل كل يوم,, وانا في خاطري ادعي ان العجوز تدخل اليوم,,
رجعت البيت, اخذت لي شور, ولبست بجامتي , ونزلت تعشيت ,وجلست مع الاهل شوي, وانا فكري مو معي .
استآذنت من الاهل. ورحت غرفتي, فتحت النت,, وعلى طول دخلت الشات,, وحطيت على قائمة الاسماء,,وجلست انتظرها’’ لين الساعه 2..ومدخلت.. طلعت من الشات .. وسويت مثل ما قالت لي صلي واقراءاالقران.. وايه الكرسي.. ودعاء قبل النوم ..وانوي صلاة الفجر’’
يوم ثالث نفس الروتين,, بس كان في شيئ . وهو انها قلت بتدخل اليوم.
حتى العشاء. طلبت من اهلي يجبون لي العشاء في الغرفه,, وهذا اول مره اسويها..
اخذت لي شاور,, وغيرت .وحطيت العاشاء قدامي.. وفتحت النت..
دخلت الشات.. وحطيت على قائمه الاسماء ,, وجلست انتظرها ,,مالي نفس للعشاء.. بس على شان الوالده. ما تسوي استجواب ليه ماتبغى تتعشى وليه وليه,,
وعلى الساعه 1 وخمس دقائق.. الا وشوف نكها عجوز متضايقه
وقتها كنت احست بالفرحه
ونفز لها خاص. وسلم عليها. وسولفت معها, وسألتني عن حالي , وخبرتها اني مبسوط,
حبيت اعرف عنها اشياء, بس حسيتها غامضه..!!! وكلامها عن حياتها مثل الغز الشاطر الي يحله,
سآلتهااذا عندها مسنجر ؟؟
قالت , عمرك شفت عجوز عندها اميل
قلت انا اسوي لك مسن واضيف نفسي عندك ان شفتي مني غلط القي المسنجر كله من جهازك
, يوم حست اني صادق, ولا لعاب .وافقت تضيفني ,عندها بس بشرط علاقتنا ما تتعدى الاخوه, والاحترام بين الطرفين,
سآلتني انت دكتور ؟
قلت لها ايه
دعت لي بالتوفيق,, قالت. تبغى تطلع’’بس ما كان ودي تطلع
قلت ,قبل تطلعين. عندي سؤال, بس ابغاك توعدني انك تكوني صريحه وصادقه معي..
قالت , على حسب السؤال.
قلت, بالعكس السؤال عادي مافيه شيئا اهم شيئ يا خاله توعدني انك تجاوبي عليه
قالت. قول انت قبل,, وانا الي اقرر,,
قلت في خاطري قوول يا رجال يعني وش راح تخسر.,,
قلت امانه انتي عمرك58
سكتت اشوي, وبعدين قالت مب ضروري تعرف عمري,,
ادري انه مب ضروري,, بس فضول عندي يا ليت ترضي فضول,,
قالت في الوقت المناسب اقولك,, بس الحين لابد اني اطلع من النت
قلت لها خير فيه شيئ؟
قالت ,ابد بنام فيها شيئ...؟؟؟
قلت ’لا مافيها شيئ,, نوم العوافي يارب,بس متى اشوفك
قالت, انت الحين ضمنت وجودي, متى ما دخلت انت بتشووفني هنا,
وطلعت حتى قبل تقول لي مع السلامه, ولامتى تدخل, وحسيت ان فيها شيئ ,جلست انتظرها, يمكن من الاتصال فصل معها, لكن الظاهر هي الي سكرت النت,
صرت ادخل النت وجلس انتظرها ,يوم, يومين,ثلاثه, مدخلت , جلست انتظرها مافي فائده ’ارسالت لها مسج على الاميل ولا ردت علي,
الصراحه جالست احاتيها,,والافكار تودي فيني وتجيب,,
بعد 5ايام وانا جالس اغلب في صفحات النت ,,الا وهي فاتحه المسنجر.. من جد فرحتي فيها ماتوصف يوم شفتها..
مانتظرتها تسلم, ولكمت لها, وسلمت عليها, سآلتها عن احوالها, وهي نفس الشيئ سآلتني, بعد ما طمنت عليها, حاولت اعرف سبب طلوعها المفاجئ ذاك اليوم,
سكتت وبعدين ردت بكل ثقه انا قلت لك بطلع ومع السلامه
قلت ايه قلتي بطلعين بس ما قالتي مع السلامه
كان عندي فضول اعرف عمرها المهم اني ارتحت لها ولسوليف معها مب مهم عندي العمر بس وش اسوي الفضول ذابحني
رجعت وسآلتها نفس السؤال عن العمر قالت ضروري العمر ؟؟
قلت , لا بس ودي اعرف ولواشياء بسيطه, عن الانسان الي وثق فيه وفتحت له قلبي وكلمته عن حياتي,,
قالت, اول شيئ عندي لك نصيحه اخويه اذا ودك تسمعها مني,,
قلت تفضلي ,
قالت الثقه لا تعطيها لمن هب ودب الثقه لا تعطيها الا واحد تعرفه واثق منه ثقه تامه ماهو أي انسان نشوفه ونرتاح معه نكب له العشاء كله (نكب العشاء نطلع كل اسرارنا له)
وبعدين انا ماني عجوز!!!
<< كنت حاسس من اسلوبها انها ماهي عجوز وهذا الي خلني اصر اني اعرف كم عمرها,
سآلتها اجل كم عمرك؟
قالت عمري..23!!
قلتليه دخله بنك عجوز؟؟؟
قالت دخلت بها النك.. لان الشباب ما يشووفو اسم بنت. او أي شيئ يدل على انه بنت . الاغثوها خاص وعام,بس عجوز محد يكلمها على شان كذا استغربت منك يوم جيتني خاص
الصراحه اعجبتني السواليف معها ودي اجلس معها اطول
سآلتها وش المواقع الي تدخلها في النت
قالت مافي شيئ محدد.. وغلب شيئ المنتديات,,و ادخل الاللعاب
اخذ دوره في الفاتوشوب والفلاش اهم شيئ انها تستفيد من النت حتى ولو شيئ بسيط
استآذنت ,وطلعت, جلست اسبوع, انتظرها ولا دخلت
انشغل بالي عليها.؟؟؟
اليوم عندي عمليه جراحيه ,, ولا انا قادر اركز جاني طلال قال وش فيك كذاانت خايف؟؟
او شيئ ؟
قلت له لا وش خايف انا اول مره اسوي عمليات على شان اخاف...!!!
قالي متعب هذا حياة ابن ادم اذا ماتقدر ادخل انا عنك
قلت لالا انا بدخل بس انت ادخل معي
قال وش فيك قلت بعدين اقولك
دخلنا غرفة العمليات,, وحاولت اني مافكر في شيئ,, غير حالت المريض الي عندي
الحمد لله العمليه انجحت,,, وطلال اصر انه يعرف وش فيني,,
قلت له السالفه كلها,, ونفس الكلام الي قالته لي هو قاله لي لا تثق في أي احد
واخذت منا كم نصيحه, في عقلي الخارجي اتقبلها,. وعقلي الباطني رافضها’’
بعد اسبوع دخلت المسنجر وفرحت يووم شفتها.؟ مدرياعاتبها,, او ارحب فيها,, مدري وش اسوي,,
سآلتها ليه ما دخلتي النت اسبووع..؟؟؟
المهم مثل العاده ماخذت منها جواب...!!!
قالت ادخل بس ماشوفك,,
قلت كان ارسالتي لي مسج انك دخلتي,, اقل شيئ اطمن عليك,,
قالت. متعب. اذا دخلت النت. ولا شفتني مب معنى فيني شيئ ..وبعدين لا تشغل بالك فيني..!!!
قلت انتي اختى في اخوي ما ينشغل على اخته..؟؟
قالت اشكر لك هالشعور,, بس مابغاك تشغل نفسك وانا الحمد لله مافيني شيئ,, بس يمكن ادخل في اوقات غير اوقاتك’’
مدري وش الي خلني اطلب منها تضيف اختي عندها ..
قالت اختك...؟؟
قلت .ايه اختي,
قالت , وش عرفها فيني اختك...؟؟
قلت , انا كلمتها عنك,, الصراحه انا
كذبت لان اختي ماتعرف شيئ عن السالفه
قالت , هي طلبت منك؟؟
قلت ايه,, هي قالت لي.. اقولك تضفينها
قالت اوك. عطني اميلها ,وعطيتها الاميل.. وانا هالمره الي آستاذنت منها,
اخاف اختي تجيها اضافه وترفضها ,,وطلعت ورحت عند اختي في غرفتها وعلمتها بالسالفه,,
قالت لي غريبه وانت الي تقول لا تضفون احد ماتعرفونه خاصه من النت ّ!!!
قلت لها هذي غير انا واثق منها,
المهم اختى اقبلت الاضافه ,وتعرفت عليها, وارتاحت لها هي بعد. مع الايام اختى اعطتها جوالها,, مع اني ضد هالشيئ,, بس مدري وش خلني اسكت, ولا اعترض
صارت تتكلم مع اختي,, واذا بغيتها اطلب من اختي تقول لها تدخل المسنجر
كنت اقول لها عن كل شيئ ’’ حتى لو تضايقت ,اتكلم معها وقول لها وش الي مضايقني واي شيئ يصير لي اقوله لها ماصرت اخبي عليها شيئ
في يووم اختي حبت ا نهم يشفون بعض ويتعرفون عن بعض اكثر اتفقووا انهم يتقابلون,, بس هي امنتها امانه اني ماكون معهم
اختي قالت لها والله هو مايعرف شيئ عن مقابلتنا
اختى كلمت ابوي وقالت انهم طفشانين والجوو حلو. خلنا نطلع نتمشى,, ابوي قال لها شووفي احد من اخوانك فاضي يطلعكم ,,لكنها ارفضت قالت نبغى نروح معك انت
المهم ان ابوي اخذهم للواجه, وتصلت عليها, ووعدتها في مكان ما ,واتفقوا على العلامه بينهم,, المهم شافو بعض .وجلسو شوي وكل وحده رجعت عند اهلها, وقت العشاء نفس الشيئ اجلسوا مع بعض, واخذت اختي وعرفتها على اهلها ,,على انها شافتها في دورة المياه, وجلست معهم شوي وبعدها كلا رجع بيته
جاتني اختي وقالت لي كل السالفه حاولت اني اعرف اي شيئ عنها بس قسم بالله العظيم مارضت تولي شيئ,,
قالت انت ترضى وحده من صديقاتي توصفني لاخوانها؟؟
قلت اكيد لا والف لا
المهم اني تعلق في البنت بشكل غير طبيعي ,وقررت اني اخطبها ,بس المفاجئه انها ارفضت, بقووه هذا القرار وقررت انها تبتعد عني وفعلا ما صرت اشوفها في المسنجر
قبل كم يوم قلت لاختي قولي لها تدخل, خلاص انا سحبت قراري ..وابغاها ضروري
وبعد اكثر من 10 ايام, دخلت والله ما كانت الدنيا سيعتني من الفرحه, يوم شفتها. وعدتها اني ماآفتح معها موضوع الزواج,, بس ابغى اعرف سر رفضها لي,, هل في حياتها احد..؟؟ او متزوجه او شيئ
قالت. بقولك بس بليز لا تقاطعني
اولآً- قرارك هذا ما جاء عن اقتناع وانا متاكده منا,,
ثانياً – انت طالع من تجربه, وصدمه قويه, وانت ومثل الغرقان الي يبغى أي شيئ يتمسك فيه. حتى ينجوو من الغرق ويوصل الى بر الامان,
وهذا الشيئ ماراح يطول, مجرد ما تحس, بالامان وان نجاه راح تبتعد شوي شوي
وبعدين الثقه شبه معدومه.. والحياه الي ما تبنى على الثقه اعتبرها حياه فاشله من الاساس
مخرج
اخواني اخواتي
ياليت تعبترونه موضوع نقاش
وتقدرون تجاوبوا على أسألته
بكل صرحه
س1-وش تفسرون حالة متعب؟؟
س2-هل الي يعيشه متعب الان هذا حب ؟؟
2- واذا حب وش نسمي حبه لزوجته مع اني ماانساها بس ماهو مثل قبل؟؟
س3- هل متعب صادق في مشاعره او مثل ما قالت له مثل الغرقان؟؟
س4- هل الانسان بمقدوره ان يحب اكثر من شخص؟؟
س5- يمكن يكون اعجاب , وانجذاب ؟ واذا كان اعجاب ليه يتضايق ويتعب اذا ماشفها في المسنجر؟؟
س6-هل يعقل ا نه يحب انسان ماشفه ولا سمع صوته مجرد دردشه؟؟؟
س7-واذا هي ما تبغى الزواج منا هو كيف يتصرف معها ؟؟
من فيكم يأيدها على الزواج من متعب ومن فيكم الي ما يأيدها؟؟
واذا وافقت على الزواج هل سيكون زواج ناجح ؟؟؟ او فاشله ؟؟
مواقع النشر (المفضلة)