السلام عليكم ورحمة الله وبركاته

كيفكم ؟

قال رسول الله صلى الله عليه وسلم : "كل أمتي معافا إلا المجاهرين" الحديث

الأغاني .. الصور الرمزية او التواقيع .. فالمنتدى اتكلم

الأفلام مثلاً

المكالمات

هذي معاصي وذنوب نسويها كل يوم والله يغفر لنا ,, وإن شاء الله الواحد يتوب ..


عشان كذا قبل لا تموت وتموتين واموت انا ,, نبي نعدل من أخطاءنا صحيح اخطينا وحطينا اغاني وصور بنات في الألبومات ,,

خلونا نعدل الأخطاء من أنفسنا لو متنا محد بيعدل لنا " إذا ما خفت على نفسك محد بيخاف عليك "

تسمع اغاني اسمعها بينك وبين نفسك لين الله يثبتك على تركها وتتوب إن شاء الله ..

تتفرج على افلام ومسلسلات تفرج بينك وبين نفسك موب لازم تعلم الناس كلها وتسوي اعلانات ,,

أنت مبتلى صحيح وكلنا متبلين والله يهدينا ,, مانبي نجاهر ونحاول قدر المستطاع تكون بين الشخص ونفسة هالذنوب ,, لأن المجاهر ما يغفر له ,, وإن شاء الله ربي يتوب علينا ,,


الحين أخي العزيز اختي العزيزة أنت في كامل قواك الجسدية والعقلية ,, ابحث في مواضيعك والمواقع اللي مشارك فيها سواً منتديات او يوتيوب او اياً كان ,, وحاول تعدل خطاك ولا تخلي المعصية فيها مجاهره .. ما راح احد يستفيد


انا ما اقول عوكس بوجهك وصير حزين

بالعكس ياحلوها لو صلحت اخطائك وانت مبتسم :24ar: ,, واي شيء تشوف إن فيه احد يشاركك فيه وهو معصية شيلة ,,

ترونا ما تحملنا حر الرياض موب عاد عذاب القبر ,,

الله يهدي الجميع وإن شاء الله ما نجاهر فيها ,, والدين نصيحة لو احد شاف خطأ مني ولا من غيري في أحد الردود النصيحة زينه

والإدارة ما تقصر للي بيحذف اغنية ولا صورة في احد مواضيعه ..


شكراً لكم