للبشر فتنه وتغري كيف لو شلـت اللثـام
الحسن محتار فسمك ياحـلا كـل الاسامـي
قايـدٍ للزيـن كلـه قايـده وانـت الامـام
كل زينٍ يتبعك سبحان مـن حطـك أمامـي
نار جوفي من عرفتك صايره برد وسـلام
اكتسب حبك ياروحي اكتسب كل إحترامـي
كيف ماحبك وانا اللي من عرفتك في هيـام
خذت عقلي خذت قلبي تابعك مثل الغلامـي
حبك بقلبي طفل مايطلـب الطفـل الفطـام
صاحـيٍ مـده طويلـه ماتـوارا بالمنامـي
نفسي المفطر بحبك عايش حالـة صيـام
عن هوا غيرك ولاحدٍ يملك بنفسي زمامـي
نادرٍه مالـك شبيـه ولاذكـر مثلـك بشـام
يشبهك واحد ماغيره بالسما نـور ظلامـي
راسمك ربي ورسمك يعجز حروف الكـلام
وصف زينك مايوفا بالحكي لو حكي عامـي
مستجد الحب في قلبي ومنك انـت العـلام
قلبي الدفتر وعرقي يكتـب بدمـي كلامـي
المحبه صدر والفرقا نبـل ترمـي سهـام
ضربها فج النحور وصعب تردعها العظامي
لاتفكـري تبتعـدي فرقـاك سـبـه للـعـدام
لاتحمـلي اثـم قلبـي لاتوديـه العـدامـي
خليني في قربك احيـا ودي ابحظنـك انـام
كفك إيداعب شعر راسي وانا اهديك الغرامي
مستحيل احيا بدونك يوم من دونـك حـرام
كيف يحيى دون سقيا كائنٍ به جوف ضامي
طالبـك يالله ياللـي محيـيٍ رُم العـظـام
تبعد الفرقا عن اللي طاهـرٍ حبـه وسامـي
مواقع النشر (المفضلة)