وش اسم امك .؟ اقول هناك بس .!
السلام عليكم ورحمة الله وبركاته
اسعد الله مسائكم بكل خير وحب ,,
بتكلم اليوم عن ظاهره ,, نرآها بكثرة ,, البعض مننا يرآها عيب ويستحي منها
الا وهي اسم امك او زوجتك .؟
التعداد السكآني كشف الغطاء عن بعض العقول المتحجرة ,, أو بمعنى آخر ازال الرهبة ,,
كثيرر من الموظفين بالتعداد السكآني ,, عانوا من بعض المتعصبين فكريا واسم المره عيب .!
وخصوصا اللي بالمحافظات والهجر ,, اما المدن ,, كانت التعامل معهم أسهل ومتفهمين شوي ,,
البعض وليس الكل ,,
فيه يوم من الأيام جالسين بالإستراحة وجبنا طآري أسماء الأمهات ,,
واللي قال اسم امي فلانه واللي قال فلانه وانا من ضمن اللي قالوا وعآدي جدا ,,
2 من الشباب ( محمد وخالد ) رفضوا يقولون ,, قالوا لا ما نقول
قلت لهم قولوا بالطيب احسن ,, قالوا ماراح نقول واتحداك تعرف اسم امي ,,
اعلنها تحدي الأخ ,,
قلت طيب ان جبت اسم امك ,, العشى عليك ,, اوكي .؟
قال تم ,, خلاص ان جبته العشى علي ولابعد احلق شنبي ان جبته ,,
الولد واثق اني ماراح اجيبه
قلت طيب خلك قد التحدي ,, والتفت للثاني قلت وانت بعد العشى عليك ,,
ضحك وقال فلان ماهوب اطيب مني ,, العشى علي لو جبت اسم امي
قلت اشهدوا ياشباب ,, > بدأ يخطط شلون يجيب اسماء امهاتهم
هالشخصين اللي هم محمد وخالد ,, محمد من ضمن اللي بالتعداد السكآني ,, جيته وقلت له محمد عطني الشنطه حقت التعداد والبطاقة حقتك ,, قال ليه .؟
قلت انا متحدي مع خالد اني اجيب اسم امه ,, وفكرت فيها مافيه طريقه غير كذا ,,
ضحك وقال طيب ,, عطاني البطاقة والشنطة ,, وقال لاتفكر تمر من عندي بيتي لأني موصيهم لايعطون احد معلومات ابد ,, اخاف انك تسويها فيني وتروح لبيتي
قلت لالا انت صعب >> اعطيه على جوه
بكره من بعد صلاة العصر ,, واتصل على خالد قلت وينك ,, قال والله بالمكان الفلاني ,, قلت متى تخلص قال بعد ساعة او ساعتين ,, قلت طيب ,, قال تبي شي ,.؟ قلت نتواجه الليله بالإستراحه واقول لك ,, قال اوكي
وانطلق على طول لبيت خالد ,, واضرب الباب ويطلع لي اخوه ,, قلت السلام عليكم مساك الله بالخير اخوي ,, معاك التعداد السكاني ,, وابغاك تعطيني معلومات
قال اخوه ,, انتم جيتوا قبل هالمرة ,, قلت ايه جينا والحين جالسين نتأكد من المعلومات
ويعطيني كل التفاصيل اخوه
الأول خلصت منه الحين
واقعد افكر شلون اجيب اسم ام محمد الحين ,, قلت بس لقيتها ,,
وانطلق لبيتهم ,, قلت تعداد وماراح تمشي ,,
صليت المغرب بمسجدهم ,, واعرف ابوه ,, شايب كبير ,, ومايركز زين
واسلم عليه قلت هذاك بيتكم قال ايه ,, قلت طال عمرك انا من الموظفين بالمستوصف الجديد اللي بالحي ,, >> فيه مستوصف جالسين يبنونه بالحي
وابيك تتعاون معي ,, وتعطيني معلومات عنكم عشان افتح لكم ملف تلقائي ,, بدون لاتجي انت وتتعب نفسك ,,
قال جزاك الله خير ياولدي ,, وكثر الله من امثالك ,,
قلت هذي شغلتنا يابو فلان ,, وفي الخدمه
قال تعرفني .؟
قلت لابس جاركم قال ان اسمك ابو فلان
قلت وش اسمك ,, ويعطيني اسمه ,, واسم زوجته اللي هي ام محمد
واسم عياله كلهم ,, ويوم خلصت ,, واحب لك رآسه وقلت بيض الله وجهك ومشكور
قال ياولد تقهوا عندنا ,, قلت ابد ابد مستعجل > بروح للإستراحه بعلم محمد وخالد شلون يتحدون
المهم يوم جت الساعه 11 واروح للإستراحة ,, والا الشباب موجودين ,,
وعلى طول اول مادخلت ,, وقلت خالد ماجاكم التعداد اليوم .؟
قال الا اخوي يقول لي ,, يخرب بيتك لايكون انت
انا ههههههههههه حبيبتي لاتتحداني ,, اسم امك فلانه الفلاني ,,
جاء محمد قال لوالله ثم مساعدتي له كان ماجاب اسم امك ,,
قلت محمد اسكت اسكت لا اجيب اسم امك ,, قال اتحداك
قلت بإتصال الحين اجيبه
قال يلا ,, وانا اخذ الجوال واسوي نفسي اتصل ,
واقول هلا ,, محمد وش اسم امه .؟
واضحك هههههههه هو طالع فيني وشك بالوضع
واسكر السماعه ,, قلت فلانه فلان الفلاني ,,
وهو يحط يده على راسه ,, قال يخرب بيتك شلون عرفت
قلت اتصل على ابوك واسأله هههههههههه
المهم كسبت التحدي ,, والحين ما اناادي لهم الا ابو فلانه وابو فلانه
وتوني جاي الحين من الغدا ,, معزوم عند محمد وابوه ,, >> الغدا عشاني كسبت الرهان خخخخ
ابوه مات من الضحك ,, وقال لي ,, المستوصف متى راح يفتح > يمزح
وبإنتظار عشى خالد هاليومين
,,
المستفاد من هالمواقف ,,
ليه البعض مايقول اسم امه أو زوجته أو اخته ,,
فيه ناس يموت ولايقول اسم امه ,, يحس انها عيب ,,
فيه احد منكم صار له موقف عشان اسم الأم .؟ وراح سوى مثلي عشان يعرف الإسم
ليه بعض الشخصيات ,, ترفض الإفصاح عن إسم الإم أو الزوجه أو الأخت .؟ عادات وتقاليد يعني .؟
المجال للنقاش مفتوح ,, ليس محدد على هالسؤالين ,, خذ راحتك بالنقاش :)
رد: وش اسم امك .؟ اقول هناك بس .!
جاء اخوي تحداه انه رااح يجيب اسم اخته 
سالته ايش تبي فيها قال تحدي بيننا قلت ابشر بجيبه لك :8ar:
مواقع النشر (المفضلة)