مابيك
[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="outset,4,gray" type=0 line=0 align=center use=ex num="0,black"]
ماابيك قلي من هو يقول ما ابيك *** مجنـون انـا اقـول هـذا واعيـده
لازم تعرف اني على الروح مغليـك *** ولازم تعرف انك على القلب سيـده
كل الجوارح لـك عبيـد ومماليـك *** طوعتهـا لـاللـي بقلبـي وحيـده
شفني مريضٍ ينتظر لمسـة يديـك *** واسير حـبٍ مـا يبـي فـكّ قيـده
بايع جميع الناس لاجل اني اشريـك *** وبنك العمر لاجلـك ابدفـع رصيـده
ا
سهرت عيني لاجل اسامـر لياليـك *** وبرمجت تفكيـري علـى ماتريـده
ازعلْك متعمّد على شـان اراضيـك *** ومن شان اترجم لك مشاعر اكيـده
اكتبك شعرْ بليل. والصبـح اغنيـك ***احلى مواويل العشـق فـي قصيـده
حتى بمنامي صرت بالحلم اناجيـك *** عايش معي لو هي ديـارك بعيـده
وذاك التراب اللي وطيتـه برجليـك *** لا شفت اثرك اقول فرصـه سعيـده
وتجي تقول اني تركتـك ولا ابيـك *** هذا الكـلااام ارجـووك لا لا تعيـده [/poem]
رد مع اقتباس
مواقع النشر (المفضلة)