تغيير اسمك ومدى تاثيره على الشخصيه ؟؟

[المشتاقة]

السلام عليكم ورحمه الله وبركاته
كيف الحال للكل ؟؟

انا شخصيا مريت بتجربه وحبيت اكلمكم عنها

انا قبل 4 شهور تقريبا انتهيت من معاملة تغيير اسمي الشخصي رسميا و الحمد لله

ما اكذب عليكم الكل عارضني الكثير ولين اليوم معارضيني
لكن هالشي ماخلاني اغير رايي
لاني بصراحه ماقدرت اتعايش مع اسمي
مشكلة اسمي انه قديم مره
لان الوالد سماني على اسم جدتي وهو بزمنها كان قديم فما بالكم بزمني
حاولت اتعايش معاه
حاولت احب الاسم
لكن صرراحه تعليقات اللي حولي مارحمتني
صحيح اللي يعرفوني حبوا الاسم من حبهم لي
لكن لو اقول اسمي لشخص لاول مره لازم الاقي بعض الاستغراب


ما اكذب عليكم
تغيرت شخصيتي كثير لما غيرت اسمي
وصرت اكثر ثقة بنفسي
خصوصا لما اكون بمجتمع مايعرف اسمي القديم

لكن لما اكون بمنطقتنا او مع اهلي او مع اشخاص ينادوني باسمي القديم
احس بطفش وقهر

حاولت مع اهلي الين اليوم انهم ينادوني بالاسم الجديد
بس مو مقتنعين
خصوصا انهم ماكانوا مقتنعين باختياري للاسم
بس انا اصريت عليه لانه مميز بالنسبه لي
وخصوصا انه كان لهم الخيار بالاول واختاروا لي اسم ماعجبني
وجا الوقت اللي اختار فيه انا


ما اكذب عليكم الكل معارضني لليوم
بس انا كثير مرتاحه مع اسمي واتمنى ما اعرف اي احد يعرف اسمي القديم


في النهايه
اي اسئله عندكم لي ,,, تفضلوا ...

و انا حابه اعرف رايكم في ...
تغيير الاسم و مدى تاثيره عالشخصيه من وجهة نظركم ؟؟

[مناير الشـووق]

يقــــــيـــــم

موضووع رااااائع اهنيك علييييه حبيبتى
والمشكله انهم كثيروون يعانووون من هالشئ
وخطوووه حلووه منك كثير وجريئه ايضاا

انا لى اخت نفسك تماماا بس الفرق انها ماغيرته ابد

وانا قريت عن هالشي وعندى كتب فيه كثييير

والاسم اسااسي في تغيير النفس
والحال تقريبااا

بس اهنيييك من كل اعماقي على هالخطوووه
وبالتوفيق يالغاليه ...

[هذه حياتي]

صدقتي والله ............الشخصية تاخذ نصيبها من الاسم

وبدليل ذلك أن الرسول صلى اله عليه وسلم غير أسماء بعض الصحابه

متفائلا بها

الله يهنيك بالاسم الجديد ويجعلك من سعداء الدنيا والاخرة

[آحوال]

هلا اختي والله وجهت نظري بموضوعك الاسم مايهم ولا هو عيب لانك انت يالشخص اللي بتشيل اسمك مو اسمك اللي بيشيلك لو فرضنا اسمك احسن الاسامي بس لااخلاق ولا دين هل يشفع الاسم لك ويرفع من مقامك والعكس اسمك ماعجبك او مثل ماتفضلتي اختار الاسم ابوك وسماكي على امه ولا ابوه ولا اعجبك الاسم ولا نفترض انه اختاره ابوك ولا امك بس قديم ومو حلو بس علمك طيب واخلاق ودين تحصلين الناس يمدحون فيك وبعلمك وبالنهايه انتي اللي شلتي اسمك مو اسمك اللي شالك وماعبو اسمك لان علمك سيطر على كل عيوبك اذا فيك عيوب مع انك ترين بداخلك اسمك مو حلو او متضايقه منه بس كلن يثني عليك بعلمك وماعبو اسمك الا توافقيني وجهت النظر وايهم احسن الان بوجهت نظرك انتي ..!!



اتمنى اني وفقت





تقبلي حظوري

[المشتاقة]

اختي حزينة الدهر

الف شكر لك عالمرور
واتمنى من اختك تتشجع وتغيره اذا مو عاجبها
لانه كل ماغيرته ابكر كل ماتعودت عليه وتعود عليها الناس بالاسم الجديد

تحياتي لك ولاختك


هذه حياتي

نورتي الصفحه
الله يهينيكي بحياتك


أحوال
بوجهة نظري
مافيها شي اذا مدحوا باخلاقي وباسمي بعد
طيب اذا بتكلم من وجهة نظرك
لو مثلا اختي تتكلم عني بسالفه صارت بيني وبينها لامها مثلا
وكانت هالسالفه اني بقمة الاخلاص واي طيبه وكل حاجه حلوه
تجي بالنهايه تسالها امها وش اسمها صديقتك ؟؟
وتقول لها اسمي
ما تتوقع ان الموضوع بيتحول من موضوع كان بقمه الشهامه اللى الاستغراب من اسمي
وبيدور مية نقاش حول اسمي وبينسوا الموضوع الاصلي ؟؟؟

شرفني حضورك
واحترم وجهة نظرك