آخر لقى ..
السلام عليكم و رحمة الله و بركاته ..
قصيدة أعجبتني كثير ,, وحبيت أنقلها لكم
,,
اليوم جيت و مجيّك مختلف وده
جزعت من نظرتك يا سيّد ازماني
بد الكلام الذي في خاطرك بده
في عيونك اقرى الفراق و جيّة احزاني
شفت بغيابك ليالي الحب محتده
من رحت ما فيهم اللي بغيبتك جاني
عزمت ترحل و تتركني بلا رده
من علمك يا رقيق الحس تجفاني
اكتبك حلمٍ دروب مواصلي ضده
و اعيش بعدك و اقول البعد كفاني
الله واكبر على الهملول من قده
شح بهطوله عليّ و ماتت اغصاني
العشق هد الضلوع و باح في سده
يومك نويت الهجر يا خدر الاعياني
عطيتك الحب و عين الشوق منلده
و لبستك من الشعر لولو و مرجاني
اي و الله اني احبك و انت لك مده
كنك على طاري الفرقى تحداني
اخترت درب الفراق و زانت الهده
الطير تل السبوق و جاوب ألحاني
روّح و خل العنا و الجرح و الشده
انا كفيل الجروح و كل ما جاني
و تذكر الحب واذكر من وصل حده
ما هو عشان الغلا لكن على شاني
ما كل من غاب نار الشوق بترده
هذا انت هاوي غلاي و رحت تنساني
هات اول العشق و الا اقول لك وده
العشق للي تمادابي و خلاني
ما عاد للشعر نكهه لو ابا اعده
عزيت في غيبتك طرقي و قيفاني
اليوم آخر لقى وابداية الوحده
ودعتك الله و انا بعيش وحداني
وبقول حاجه ما دامك ناوي الصده
ما يسكن القلب غيرك واحدٍ ثاني
الشـآعر / سلطآن المريخي
رد مع اقتباس
مواقع النشر (المفضلة)