مثل النـاس (( البرستيج ))
السلام عليكم ورحمة الله وبركاته
مدخل /
وفي كل شيء له آية ... تدل على أنه واحد
من راقب الناس مات هما ... وفاز باللذة الجسور
وكل شديدة نزلت بقوم ... سيأتي بعد شدتها رخاء
إذا غامرت في شرف مروم ... فلا تقنع بما دون النجوم
وما حب الديار شغفن قلبي ... ولكن حب من سكن الديارا
ولو لم يكن في كفه غير روحه ... لجاد بها فليتق الله سائله
والحادثات وإن أصابك بؤسها ... فهو الذي أنباك كيف نعيمها
مثل النـاس (( البرستيج ))
طبعا واضح من العنوان وش يتكلم عنه الموضوع ,, في وقتنا الحآلي نرى تصرفات وتجاوزات تثير الإستفهام .؟ من إسرآف وبطش وكذب وسرقة أيضـا .!
وعندما تسأله ليش .؟ يرد عليك بإجابة يرآها هو مقنعه ,, (( مثل النـاس ..! ))
أو بمعنى آخر ,, كل النـاس يسوون كذا ,, هل الناس اصبحوا قدوتنا .؟
هل النـاس الذين يتصرفون بتصرفات غريبه وخاطئة هم قدوتنا .؟
الى متى نقع بهذه الأخطاء الكبيرة والفادحة ,, ولانلوم أنفسنا ,, ونبرر الخطأ بمثل النـاس .!
فعلاً البعض اهم شي يرآه ,, هو النـاس وينسى ربـه ودينه .!
تجده يدفع الملايين على الشي الفلاني ,, والسبب ,, مدح النـاس له .!
لم اكتب هذا الموضوع عبث , ولكن بذكر لكم موقفين فقط ,, والا المواقف بخصوص هذه النقطه كثيررة جدا ..
الموقف الأول /
طبعاً هالموقف ذكره لي أحد الشباب ,,
في يوم من الأيام جالس عند امي واسولف معها ,, وسالفه تجيب سالفه
قالت امي شفت عرس فلان ,, قلت ايه وش فيه ,, قالت ماشاء الله والله متخسرين عليه مرره
قلت ليه .؟ قالت تصدق ملبسين القاعه حقت الحريم ,, بمبلغ حوالي 40 الف .!
انا حطيت يدي على رآسي وقلت صدق والله .؟
قالت ايه والله ,, قلت هذولا صاحين ولامهبل ,, 40 الف على ليله بس .؟
قالت لابعد فيه نـاس يلبسونها بأكثر من هالمبلغ ,, قلت طيب وش هالتخلف .؟
قالت مثل كل النـاس ,, الأغلبية يسوون كذا ,, قلت اذا هم متخلفين اصير مثلهم متخلف وادفع مبلغ وقدره على شي مايستاهل .!
لأجل ليلة واحد ادفع كل هالمبلغ .!؟
والله اهل العقول برآحة ,, فعلا الناس هذي ذهبت عقولها ,, يدفعون اموالهم على اشياء تافهه وقمة الفسق والبطش .!
والسبب اللي دفعهم لفعل هالشي ,, هو / مثل النـاس .!!
الموقف الثاني /
في مطعم مكاني بالرياض ,, مطعم متخصص للآكلات الهنديه ,, والأغلبية يعرفونه
جالس اتعشى انا وواحد من الشباب ,, انا كنت جوعان مرره ,,
وحنا نتعشى ,, طبعاً انا كنت مفترس بالآكل والسبب شدة جوعي :*
قال صاحبي اللي معي ,, ياولد لاتآكل كل اللي بالصحن ,, لاتفشلنا .!!
طالعت فيه بنظرة استغراب ,, قلت الحين صح بندفع فلوس الآكل
قال ايه ,, قلت اجل انثبر لاتجيك الملعقه على جبهتك ,,
وبعدها قال وش عرفك انت بالبرستيج .!!
قلت الله يخلف عليك بس ,, اجل اخلي الأكل عشان البرستيج ,,
انا اخذتها نذالة وعناد فيه ,, واكلت كل اللي بالصحن
ولابعد يوم خلص الصحن قلت له,, هذا البرستيج ياحبيبي
انك تخلي الصحن فآضي ,, ولايبقى آكل ينحذف ,,
,,
الى متى نمشي على اهواء الناس .؟ وماذا يفعلون نفعل مثلهم .!
يا أيها النـاس ,, يا اصحاب الحرية ,, تحرروا بعقولكم ,, وابعدوا تفكيركم عن الناس ,,
إرضاء الناس غاية لاتدرك .!
دعونا نمشي على اهوائنـا ,, وليس تقيداً بالنـاس ,,
دائمـاً الشخص العآقل الرزين ,, تجده لايهتم لهم ,, وهناك من يخالفونه ,, لاتفعل كذا .!
من يسوي كذا .؟ انت صاحي ولامجنون .؟ انت شكلك بالعصر الحجري ,, وش يقولون عننا النـاس .؟
ولو تبحث بالأمر تجده فعلاً هو معه الحق ,, وهم يبحثون عن إرضاء النـاس
انا ما أقول إنك تحتقرهم ,, لكن لا اكلف نفسي شي أكبر منها لأجلهم ,, اعمل على قدرتي ,,
الى متى نبقى هكذا .؟
برآيك ماهي الحلول .؟
مجال النقاش مفتوح لك ,, غير مقتصر على هالأسئلة ,,
مخرج /
تجنب أحاديث الحسود فواجب
تجنبه فيما يقول ويفعلُ
وكل حسود ماعدته ملامة
وكل لئيم ما عليه مُعـَوَّلُ
متى قال عني السوء عندك إنه
كذاك يقول السوء عنك ويفعلُ
رد: مثل النـاس (( البرستيج ))
مواقع النشر (المفضلة)