" العَذبْ حَمدْ عَايِدْ الشَمريْ / وَ تَرنْيمةُ حَرفْ "

[خَيَاليّه]

تعب
كل الشعور البارحة
اللي يناديني
تعب
/
\\
/
حبيبتي والأسئلة
اللي سكنتني البارحة
في زحمة غيابك
تعب
/
\\
/
حبيبتي والمشكلة :
تعبت أجيب ل/غيبتك
يا سبة أحزاني عذر
وتعبت أقول : إني أحب
/
\\
/
تعبت أقول ل/ساعتي
ول/ شمعتي
ول أقسى شعور ٍ مرني:
ناموا وخلوني أحب

تعبت أسرّح ليلتي
ب رموش جفني والسهر
وتعبت أقول: إن المدى
فجرك ولا حولي فجر

حبيبتي..!!
كان الغياب
اللي قطعتي سكته
أروى بساتينك جفا
أنا الوفا
وأنا الوحيد اللي بقا
في زحمة غيابك

يحب

,

أخاف أسولف وتاخذني شياطيني
......... وأقول شيءٍ يحز فخاطري وأندم
لا صار طعني من الأقراب ياتيني
....... غمضت عيني وقلت لصاحبي تسلم

اعترف لك..!

ليلة البارح ذكرتك
جادت الذكرى .. وشفتك
بين جرحي وبين صمتك
أعترف لك..!
كنت أبغفى وسط صدرك
وأرمي همومي وأضمك
أعترف لك..!
ليلة البارح فـ صدري
أمنيات وحلم سافر..!
نبض شاعر..
كل ما رواد شفاهك
صاحت جروحه وردد :
جادت الذكرى وشفتك
بين جرحي وبين صمتك..!
اعترف لك ..
اعترف لك..

حبيبي والغياب أقسى من اللـي خِلـت
................تساهلتـه إليـن أدمـى نحـر صبـري
عطيت اجمل أحاسيسي وش اللي نلت..؟
...............سوى جـرحٍ يعاتبنـي علـى طهـري
إبي منـك تصدقنـي إذا لـك قلـت:
............بأن الحلم ما أمسـى علـى كبـري..!

ودّعيني
باكر ايدين الرحيل اتضمني
وآتمادى بالغياب
ودعيني
ما ورى هـ الليل صبح
ولا ورى هـ الضيق باب

ودعيني ..
وانثري دمعك علي
حسسيني بـ إحتياجي لوكذب
عاتبيني فـ كل شيء
إلاّ الغياب

واعذريني !!
لو أخونك ..
وأحضن جروحي بدونك

بعثريني
في عيون الأسئلة
واجمعيني من شتاتك لـ الشتات
واسأليني:
منهو فينا ما خسر؟

علميني
بالرحيل وعبرته
وإن الوداع أقسى شعور
وإن القلوب اللي تحب
ممكن تخون
واني في زحمة أمنياتي
ما خسرتك

عاتبيني
وسولفي عني معي
عن جروحي وذكرياتي
وارتحالاتي معك

كذبيني
واصدقي مرة معي
قولي إنّي ما خسرتك
قولي إنّي ما خسرتك

[خَيَاليّه]

فمان الله يا كل المحبـة وأطهـر الأحبـاب
............. فمان الله يا قلبٍ وفا لي كثر مـا خنتـه


ثلاث سنين ما كنّك حضرت وخانوا الغياب
........... ثلاث سنين وانت أقرب حبيبٍ ما تماكنتـه

كتبت الغير وأنت اللي كتبني بالخفا بكتاب
....... نثرني الغير وإنت اللي جمعني بأصدق أمكنتـه

تسهّل وامسح دموعك انا ما لي عليك عتاب
........ تسهّل وأترك الدمعة لقلبٍ خانـت أزمنتـه

,



ليه غايب ؟
وكيف أجاوب !!
انتي يا اجمل من سألني

ما كسر هـ البعد غيرك
ولا فقد هـ الروح غيرك
ولا فقدت الّا عبيرك

صدقيني لو أجاوب
يشرق اليأس بـ سؤالك
وتسقط من الليل نجمة
وينكشف ستر المواجع
والغياب اللي ارتديته
ينكشف وأصير عاري

صدقيني في غيابي
ما فقدت ألّا جروحي
وارتباك الروح
وانتي .

تعالي..! لعن أبو ظرفٍ وقف من دون لا تاتيـن
تعالي..! كم أنا مشتااااق,,! أضمك يابعد عيني!!
صحيح إن الزمن دوار.. وصحيح الوقت هذا دين
عقب ذاك اللقا .! هالحين وين إنتي وأنا وينـي؟
ألا يا سيدة جرحي.. عسى مابه حـزن تشكيـن
وعسى! ماللفراق جروح .. تهزك يوم تطرينـي
وألا يا أعز من مر الخفـوق وشافتـه هالعيـن
على عهد الهوى باقي..! ولو خانت بي سنينـي
لأجل عينك همل دمعي!! مثل ماأنتي علي تبكيـن
وأبد ما وسوست نفسي ..وقلت إنـك نسيتينـي
أعرفك زين يا عمري.. مثل عطر المسا.. توفين
بخيلة حيل ب(حضـورك)...! ولكنـك تحبينـي
صحيح الوقت قفّى بك..! وعلمي في لقاك سنين
ولكن طيفك بدمـي جـرى بأقصـى شرايينـي
أشم" عطرك" ف(منديلٍ), أخذتـه دون لا تدريـن
أحسك" فيـه" وأنـا أدري إذا أحسـك تحسينـي
أضم سلسالك ف(يدّي) وأقول أنتي يا عمري وين
وأنا أدري في كنف غيري سكنتي لو عشقتنـي
أناظر " صورتك" وأدري..عليها منكتب حرفيـن
وأنا أذكر كم قلتي لي ("أمانـة") يـوم تعطينـي
أناظرها ف(كل ) ليلة..! من فراقك إلى هاللحيـن
وأقول الله يجمعنا..! وأنا أدري وينـك ووينـي!
أمانة.!! وإن مرق طيفي على بالك فـلا تبكيـن
وأبد لا يأخذك هـمٍٍٍٍ سكـن مـن غيبتـك فينـي
قدر مكتوب .. والدنيا مثل ما قلت لك هي ديـن
وحان الحيـن ياعمـري نوفـي دينـك ودينـي

مساء الحزن وش باقي
منّك إنتي عندي باقي
سوى أوراق وصوّرك
وقصيد لـ عاشقٍ مجنون
وذكرى تنزع أعماقي
مساء الحزن والمينا
وموجٍ كسّر المينا
مساء الهم والأحزان
وزوج ما تحبينه
حرام إنه يمس منّك ولو شعرة
حرام إنّه يشم عطرك ولو مرّة
حرام إنك ولو مرّة تحضنينه
يا حزينه يا حزينه
شوفي هـ الدنيا حزينة
أمست لحزنك حزينة
اكتسى الليل ثوب الهموم
وتعّب إحساسي حنينه
مساء الطرحة السوداء
مساء الهم والأحزان
وزوجٍ ما تحبينه

,/




" مـدي يدينْك "

لمي حطامي في يديك وعطيني
........ عذرٍ ينام فعتمته (ذنب الأحباب)
البارحة .. عانق غيابك حنيني
........ وأشعلت للذكرى / تفاصيل غياب
البارحة طاحت من أهداب عيني
........ حبايب وذكرى / قريبين وأغراب
من صدمتي !! مرت عيونك تبيني
........ أكفّن طعون المحبين بأسباب
كيف أنصفك ؟ واللي تركتيه فيني
........ ظلم ٍيشرّع للنهايات الأبواب
كم قلت لك : بين ارتيابك وبيني
........ حلم ٍ توارى في متاهاتك وغاب
مدي غيابك وارحلي واقنعيني
........ إن الوفاء كذبة محبين وأصحاب
وإني فزحمة ما مضى من سنيني
........ عجزت لا القى لأصدق احساسي أحباب

[خَيَاليّه]

,




حمَدْ عَايدْ الشمْري ..
شَاعِرٌ عَذبٌ .. يَهمسْ بِ تَرفٍ
فَ تَقفُ كُل الجَوارِحْ مُنصِتهْ لِ بَوحِهِ الشَفافْ
أغرقوا مَعهٌ حَيث ُ شئتُمْ ..

جَنائِنُ البَيّلسَانْ تَنتَثِرٌ بِ سخاءٍ
عَلىَ مَدائِنِ أَروووووواحِكُمْ النَديّة :24ar::25ar:

[[ .: سّيآفَ /! ]]

..

[ هَستيرَية مُمتِعة ] /! :25ar:

,

[شموخ أنثى]

مترفه خياليه :24ar:
لـك ِ الأوركيد :25ar: