قصائد...... خالدة
في تاريخ الجزيرة العربية
طار الكرى عن موق عيني وفّراوفّزيت من نومي طرالي طـواري
وابديت من جاش الحشا ما تـدرّاواسهرت من حولي بكثر الهذاري
خـط ٍ لفانـي زاد قلبـي بحـرّامن شاكي ٍ ضيم النيا والعـزاري
سر يا قلم واكتب على مـا تـوراأزكى سلام ٍ لابن عمي مشـاري
شيخ ٍ على درب الشجاعة مضرّامن لابةٍ يـوم الملاقـا ضـواري
يا ما سهرنا حكمنـا مـا يطـرّاواليوم دنيا ضاع فيهـا افتكـاري
أشكي لمن يبكي له الجـود طـرّاضرّاب هامات العدا مـا يـداري
يا حيف يا خطو الشجاع المضـرّافي مصر مملوك ٍ لحمر العتـاري
من الزاد غاد ٍ له سنـام ٍ وسـرامن الذل شبعان ٍ من العز عـاري
وش عاد لو تلبس حرير ٍ يجـرّاومتّوج ٍ تاج الذهـب بالـزراري
دنياك يابن العـم هـاذي مغـرّاولا خير في دنيا حلاهـا مـراري
تسقيك حلو ٍ ثـم تسقيـك مُـراولذّاتها بيـن البرايـا عـواري
إكفخ بجنحـان السعـد لا تـدرّاالعمر مـا ياقـاه كثـر المـداري
ما في يد المخلوق نفـع ٍ وضـراما قدّر الباري على العبد جـاري
واسلم وسلم لي على مـن تـورّاواذكر لهم حالي وما كان جـاري
إن سايلوا عنـيّ فحالـي تسـرّاقبقب شراع العز لو كنـت داري
يوم ان كل ٍ مـن عشيـره تبـرّاحطيت الاجرب لي عشيرٍ مبـاري
رميت عني برقـع الـذل بـرّا .ولا خير فيمن لا يدوس المحاري
نعم الصديق ليا سطـا ثـم جـرّايودع مناعيـر النشامـا حبـاري
ونزلتها غصـب ٍبخيـرٍ وشـرّاوجمعت شمل ٍ بالقرايـا وقـاري
وحصّنت نجد ٍ عقب ماهي تطـرّامصيونة ٍ عن حر لفح الـذواري
والشرع فيها قد مشى واستقـراويقرا بنا درس الضحى كل قاري
زال الهوى والغي عنهـا وفـرّاويقضي بنا القاضي بليا مصاري
وان سلت عمن قال لي لا تـزرّانجد ٍ غدت باب ٍ بليـا سـواري
ومن أمن الجاني على مـا تحـراوتازا حريمه بالقرايـا وجـاري
واجهدت في طلب العلا لين قـرّاوطاب الكرى مع لابسات الخزاري
ومن غاص غبّات البحر جاب درّاويحمد مصابيح السرى كل ساري
وانا احمد اللي جاب لي ما تحـراواذهب غبار الذل عني وطـاري
والعمـر مـا يـزداد مثقـال ذراعمر الفتى والرزق في كف باري
وصلاة ربي عد مـا خـط بالـراعلى النبي ما طاف بالبيت عاري
الإمام تركي بن عبد الله بن سعود
نصيحة بركات الشريف
يالله ياللـي كـل الأمّـات ترجيـكياواحدٍ مـا خـاب حـي ٍ ترجـاك
يارب عبدٍ ما مشى فـي معاصيـكمايمشي ألا في محبتـك ورضـاك
يامرقب ٍ بالصبـح نطيـت راقيـكما واحـد ٍ قبلـي خبرتـه تعـلاك
وليّت يـا ذالدهـر مكثـر بلاويـكالله يزودنا السلامـة مـن اتـلاك
ياللي على العربان عمت شكاويك .وليت يا دهـر الشقـا ول مقـواك
واليوم هالكانـون غـاد ٍ شبابيـكتلعب به الارياح مـع كـل شبـاك
يا مالك اسمع جابتي يوم أوصيّـكوافطن ترى يابوك بآمرك وانهـاك
وصيّـةٍ مـن والـدٍ طامـعٍ فيـكتسبق على الساقة لسانـه لعليـاك
أوصيك بالتقوى عسى الله يهديـكلهـا وتدركهـا بتوفيـق مــولاك
الله بـرب اجـدادك الغـر يعطيـكرضاه مع مـا تمنّـى مـن منـاك
إحفظ دبشك اللي عن الناس مغنيك.. اللي ليا بان الخلل فيـك يرفـاك
واعرف ترى مكة حكمهـا بناخيـكواحذر تميّل عن درجهـا بمرقـاك
لا تنسدح عنها وتبغانـي اعطيـكجميع ما يكفيـك مـا حاصـلٍ ذاك
أدّب ولدك إن كان تبغيـه يشفيـكواستسعفه من بعـد مربـاه بـالاك
أما سمج واستسمجك عند شانيـكويفرّ من فعله صديقـك وشـرواك
وألاّ بعد جهله تـرى هـو بياذيـكلو زعلـت امـه لا تخليـه يـالاك
واحذر تضيّع كل من هو ذخر فيـكمعروفه لا تنساه واوفـه بعرفـاك
ترى الصنايع بين الاجواد تشريـكليـا طمعـت بغرسهـا لا تعـدّاك
واحذر سرور بغبّة البحـر يرميـكولا عنده افلس من تشكّيك وبكـاك
واوف الرجال حقوقها قبـل تعنيـكلا تعتمـد بالقـول فالحـق يقفـاك
وهرج النميمة والقفا لا يجي فيـكواياك عرض الغافـل ايـاك إيـاك
تبدي حديـثٍ للمـلأ فيـه تشكيـكوتهيم عند الناس بالكذب واشـراك
وليا نويت احـذر تعلـم بطاريـككم واحدٍ تبغي به العرف واغـواك
واحذر شماتة صاحبٍ لك مصافيـكوليا جرالك جـاري ٍ قـال لـولاك
ولا تحسب إن الله قطوع ٍ يخليـكولا تفرح إن الله على الناس بـدّاك
الضيف قدّم له هـلا حيـن يلفيـكومما تطوله يا فتى الجـود يمنـاك
إحذر تلقّي الضيف مقرن علابيـكخله محبٍ لـك صديـقٍ إذا جـاك
واوصيك زلات الصديق إن عثا فيكمازال يغطاها الشعـر فاحتمـل ذاك
راعه ولو ما شفت إنـه يراعيـكعساك تكسر نيتـه عـن معـاداك
واحذر عدوك لو ظهر بيصافيـك .خلك نبيه وراقبه ويـن مـا جـاك
لا تأمنه واطلـب مـن الله ينجيّـكويكفيـك ربـك شـر ذولا وذولاك
شفني أنا يابوك بآمـرك وانهيـكعن التعرض بين الاثنيـن حـذراك
إذا حضرت طلابـةٍ مـع شرابيـكإسع لهم بالصلح والـلاش يفـداك
إبذل لهـم بالطيـب ربـك ينجّيـكولا تجضع الميزان مـع ذا ولا ذاك
أما الشهادة فأدّها إن دعـوا فيـكبيّن عمود الدين لا عميـت اريـاك
بالك تماشـي واحـدٍ لـك يردّيـك. طالع بني جنسك وفكّر بممشـاك
رابع أصيلٍ فـي زمانـك يشاكيـكلا شاف خملاتك عن الناس غطـاك
واحذرك عن طرد المقفي حذاريـكعليك بالمقبل وخـل مـن تعـداك
واوصيك لا تشكي علينـا بلاويـكأنت السبب طرفك عينـك بيمنـاك
واعرف ترى اللي وطا الفعر واطيكولا انته أعز من الجماعة هـذولاك
ألمسك يا راسي عن الذل واخطيك .واحذر تكلـم يـا لسانـي حـذراك
وألطف بجارك ثم قـم دون عانيـكوافطن لما يعنيك عن ربعة اخـواك
يا ذيب وان جتك الغنم في مفاليـكفإكمـن إليـن ان الرعايـا تعـدّاك
فيما مضى يا ذيب تفرس بأياديـكواليوم جاء ذيبٍ عن الفرس عدّاك
يا ذيب عاهدني واعاهدك ما ارميكما ارميك أنا ياذيب لو زان مرمـاك
والنفس خالف رايها قبـل ترميـكترى لها الشيطان يرمي بالاهـلاك
ومن بعد ذا لا تصحب النذل يعديـكوعن صحبة الأنذال حاشاك حاشاك
ترى العشير النذل يخلف طواريـكوانا ارجي انك ما تجي دون آبـاك
والهقوة انك ما تجي دون اهاليـكولا اظن عود الورد يثمـر يتنبـاك
والحر مثلك يستحي يصحب الديـكوان صاحبه عاعا معاعات الاديـاك
لا تستمع قول الطرف يـوم يلفيـكبالكذب يقضي حاجته كل مـا جـاك
ومن نم لك نم بك ولا فيه تشكيـكوإليـاه قـد أزرى رفيقـك وأزراك
عندك حكى فينا وعندي حكى فيـكوأصبحت مبغضنا وحنـا كرهنـاك
ما اخطاك ما صابك ولو كان راميكواللي يصيبك لو تتقيت ما اخطـاك
عندي مظنّـةٍ مـا تمثلتهـا فيـكواطلب لك التوفيق من عند مـولاك
بركات الشريف
نومك طرب وأنا بنومـي هواجيـسما ساهـرك بالليـل كثـر الهمومـي
أسهر ليا نامـت عيـون الهداريـسوبالليل أراعـي ساهـرات النجومـي
قالوا جهلت وقلت جهـلٍ بـلا قيـسالجاهل اللـي مـا يعـرف اليمومـي
أشـوف عـدلات الليالـي مقابيـسولحدٍ مـن الدنيـا عظامـه سلومـي
تضحك وتخفي لك خفـى الهناديـستفطـر لهـا يـومٍ ويـومٍ تصومـي
إعمل وتلقى وإفهـم العلـم بالقيـسدنيـاك لـو زانـت تراهـا نقومـي
والعز فـوق معسكـرات السواديـسليا قصدت اللـي بالأشيـاء رحومـي
قـبٍ تنـازى بالنشامـا كـراديـسوالطيـر فـي روجاتهنـه يحـومـي
ليا توافق مشـور السـوء وإبليـستبـر منـه وعـز ربـي يـدومـي
بالليل أصالـي حاميـات المحاميـسوالصبـح ألاوي كـل قبـاً قحومـي
أربع سنين ودمـع عينـي أماريـسوالعين تسهـر كـن فيهـا هزومـي
وليا ركبـت معالجـات المضاريـسيبرد علـى قلبـي لهيـب السمومـي
إن جن بنا مثـل النعـام الأماريـسلا خف عجلٍ مـع رقـاق الحزومـي
أستلحق اللـي يطلبـون النواميـساللي من الأقصين وأدنـى اللحومـي
وإن جن بالميـدان مثـل الدواويـسوطار الغطا عـن قانيـات الرقومـي
عـرجٍ بأهلهـن كنهـن القرانيـسعلى الطريـح مصوبـراتٍ كظومـي
وليا سمك عـج الرمـك بالملابيـسالمسعـد اللـي حـظ ربعـه يقومـي
صوابنـا بالميـل عمـقٍ ليـا قيـسوطريحنـا فـي مثبـره مـا يقومـي
ولا خير في كثر الحكـي والتماليـسهرجٍ بلا فعـل يجـي بـه وهومـي
لومي على اللـي ينقلـون العبابيـسوأهل الفرنج وكـل رامـي لحومـي
من لا يديس الرأ من قبل مـا ديـسعليـه داسـوه العيـال القـرومـي
ومن لا يقلط شذرة السيف والكيـسيبـدي عليـه مـن الليالـي ثلومـي
والقصر ما يصلح على غير تأسيـسومـن لا تعلـم مـا تفيـد العلومـي
ومن لا خذا الدنيـا بميـزٍ وتقييـسمثـل الـذي يصبـح بليـلٍ يعومـي
كـلّ القلـم مـن كتبنـا للقراطيـسوإركابنا مـن كثـر الأقـران تومـي
للشيخ من يعطي الفقارى المفاليـسيبـدّل السـاعـه بـعـزٍ يقـومـي
والحـر لا دبـت عليـه النواميـسيشهـر وعـن دار المذلـة يشومـي
وليا إكترب من بعض الأشياء نسانيسإعـزم ولابـد الفـرج بالعـزومـي
باب الفرج يلبّسك نظيـف الملابيـسينجيـك بأيـام الكـرب والزحومـي
أوجس بقلبـي مثـل دق النحاحيـسالله يلـوم اللـي لحـالـي يلـومـي
يجلى صدى قلبي ضبيـح المهاريـسلا قـام شـراب القهـاوي يعـومـي
ودلالٍ فـوق النـار دايـم مجاليـسإكرامهـن حـقٍ عليـنـا لـزومـي
من صنعة الصبة وخمس التخاميـسبريـةٍ يعمـل بهـا كــل يـومـي
وبهارهـن هيـلٍ بليـا حواسـيـسكيـفٍ يعـدى للنشامـا القـرومـي
عـدّه لحمـاي العيـاد المـراويـسوألا الحصان اللـي بقينـه يهومـي
حتى يزيـن لنـا المثـل والتوانيـسوالكيف طاب لمـن يفـك القحومـي
وصلاة ربي عـد رمـل الطعاميـسعلى شفيـع الخلـق يـوم اللمومـي
تركي بن حميد
القلب من كثر الهواجيـس قـزّانما يستريح من الدهر ربع ساعـه
يا غافر الزلات يا والـي الشـانتجعل من التقوى لنفسي بضاعـه
أنا علـى لان وربعـي علـى لانمتخالـفٍ رأيـي ورأي الجماعـه
ماني ولد شاوي يسـرّح الضـانيفرح بتصنيف البهم والرضاعـه
أنا ولـد علـي سلايـل كحيـلانوربـي خلقنـي للسبايـا وداعـه
عيبٍ على اللي يتقي عقب ما بانوعيبٍ طمان النفس عقب ارتفاعه
الناس ما تسقيك ليا صرت ظميانولا يشرب المظمي كود من ذراعه
اضرب على الكايد ليا صرت بحلانوعند الولي وصل الرشا وانقطاعه
إما تجيب عقود حـصٍ ومرجـانوالا فلبليـس ٍ يطيـر بشعـاعـه
عبيد العلي الرشيد
طلبـت ربٍ يعلـم السـر والغيـبيقبل صلاتي لـه ويقبـل صيامـي
ويجعل لنا عرضٍ نزيهٍ عن العيـبويفكنـا مـن شـر سـو الآثامـي
ابن ادم ملفـا الـردى والعذاريـبلو ما فعل رميـت عليـه التهامـي
جليت عن نفسي شبا الشك والريبولا احسب يلقون العرب بي كلامـي
وربعي لقوبي عقب شيبي عذاريـببتسطير كـذب مفسريـن الحلامـي
قلت اخبروني ويش معنى هاك العيبقالوا على ساقـة رفيقـك تحامـي
قلت ان هذا من قديـم ٍ لنـا عيـبمستارثينه مـن خـوال وعمامـي
العيب ترك المعرضـة بالمواجيـبولا الرفيـق بفزعتـه مـا نلامـي
رفيقنـا كنـه بـروس الشخانيـبفي رأس حيدٍ نايـفٍ مـا يضامـي
ورفيقنا مـا نجدعـه للقصاصيـبيجبر بنا لو هـو كسيـر العظامـي
ورفيقنا لوهو مـن الجـد بصليـبمتعلـقٍ معنـا بـرأس السنـامـي
هاذي قدايمنـا ليـا عـدوّا الطيـبونـذرا ليـا هبّـت لنـا بالولامـي
ويوم الوغى ما نستشيـر الزاريـبليا طار عن سود العيـون اللثامـي
ومركاضنا يشبع به الطير والذيـبونروي معاطيش السيوف الظوامـي
نلحق على سـردٍ يجنـك جناديـببمطارقٍ مع مثـل صـف النعامـي
عبيد العلي الرشيد
يا فاطري ذبـي خرايـم طميّـةليا اشمخرت مثل خشم الحصاني
ذبي طميـة والفيـاض العذيـةتنحّري بـرزان زيـن المبانـي
سلام اخو نـورة لـزومٍ عليّـهقبل القريب وقبل قاصي ودانـي
وليا قضيت اللازم اللـي عليّـهاللازم اللي ما قضـاه الهدانـي
الجدي حطيتـه بـورك المطيّـةوافرق نحرها عن سهيل اليماني
نبغي ندوّر فوقها طفلةٍ عسوجيةريحة نسمها كالزبـاد العمانـي
تباشروبي عقب سابـع ضحيـةوانا عليّ ابرك ليالـي زمانـي
خبّي خبيب الذيـب بالجرهديـةليا طالع الشيهان واللـي دانـي
لومي على الطيّب ولومه عليّـههو ليه ياخذ عشقتي ما تنانـي
ليته صبر عاميـن والا ضحيـهلين يميّز في غربتي ويش جاني
أمـا غـدا راكـان بالمهمهيـةوالا يجي يصهل صهيل الحصاني
روحي وانا راكان زبن الونيّـهما يشرب الفضلات كود الهداني
حريبنا اليا اهدى علينـا هديـةعندي مجازاته مثل ما جزانـي
نسهج محله لين يخلـف نويّـهيصبر كما يصبر جديع الاذانـي
من القطيف الى النفود محميّـهالا ان يمشيها خـوي ٍ وعانـي
افعالنـا هـاذي علينـا وصيـةفرضٍ علينا مثل فرض رمضاني
الصدق يظهر من حبالـه رديّـهوالكذب يقطع من حباله متانـي
راكان بن حثلين
أيامنـا والليـالـي كــم نعاتبـهـاشبنا وشابت وعفنا بعض الاحوالـي
تاعـد مواعيـد والجاهـل مكذبـهـاواللي عرف حدّها من همهـا سالـي
إن اقبلت يوم مـا تصفـي مشاربهـاتقفي وتقبل وما دامـت علـى حالـي
فـي كـل يـوم ٍ تورينـا عجايبهـاواليوم الاول تراه أحسن مـن التالـي
أيـام فـي غلبهـا وايـام نغلبـهـاوايـام فيهـا سـوا والدهـر ميّالـي
جربت الايـام ومثلـي مـن يجربهـاتجريب عاقـل وذاق المـر والحالـي
نضحك مع النـاس والدنيـا نلاعبهـانمشي مع الفي طوع ٍ حيث ما مالـي
كم من علـوم ٍ وكـم آداب نكسبهـاوالشعـر مـازون مثقـال ٍ بمثقالـي
أعرف حروف الهجا بالرمز واكتبهـاعاقل ومجنون حاوي كـل الاشكالـي
لكـنّ حظـي ردي والـروح متعبهـاما فادني حسن تأديبـي مـع امثالـي
إن جيت أبي حاجة ٍ عـزّت مطالبهـاالعفو ما واحد ٍ في الناس يـا والـي
قوم ٍ ليـا جيتهـم رفّـت شواربهـابالضحك وقلوبها فيهـا الـردا كالـي
وقوم ٍ ليا جيتهـا صكّـت حواجبهـاوابدت لي البغض في مقفاي واقبالـي
ما كنّي إلا مسـوي حـال مغضبهـاوالكل فـي عشرتـه ماكـر ودجّالـي
يا حيف تخفي أمـورٍ كنـت حاسبهـاواللي على بالهـم كلـه علـى بالـي
الجـار جافـي وكـم قـومٍ محاربهـاوالأهل واصحابنـا والـدون والعالـي
والروح وش عذرها في ترك واجبهـاراح الحسب والنسب في جمع الاموالي
نفسي تبي العز والحاجـات تغصبهـاترمي بهـا بيـن أجاويـد وانذالِـي
المال يحيـي عظـام ٍ لا حيـاة ابهـاكالسيل يحيي الهشيم الدمـدم البالـي
عفت المنازل وروحي يـوم اجنّبهـامنها غنيمـة وعنهـا البعـد أولالـي
لا خير في ديرة ٍ يشقى العزيز ابهـايمشي مـع النـاس فـي هـمٍ وإذلالِ
دارٍ بهـا الخـوف دومٍ مـا يغايبهـاوالجوع فيها ومعها بعض الاحوالـي
جوعـى سراحينهـا شبعـى ثعاليهـاالكلـب والهـر يقـدم كـل ريبالـي
عز الفتى راس ماله مـن مكاسبهـايا مرتضي الهون لا عـزٍ ولا مالـي
ذللت بالروح لين ارخصـت جانبهـاوانا عتيبي عريـب الجـد والخالـي
قومٍ تدوس الأفاعـي مـع عقاربهـاوإلها عزايـم تهـدّ الشامـخ العالـي
خـل المنـازل وقـل للبيـن يندبهـايبكي عليهـا بدمـع العيـن هطالـي
لا تعمـر الـدار والقـالات تخربهـابيع الردا بالخسـارة واشتـر الغالـي
ما ضاقت الأرض وانسـدت مذاهبهـافيهـا السعـة والمراجـل والتفّتالـي
دارٍ بــدار وجـيـرانٍ نقـاربـهـاوأرضٍ بـأرض وأطـلال ٍ بأطلالـي
والناس اجانيب لين انـك تصاحبهـاوتكون منهـم كمـا قالـوا بالامثالـي
الأرض لله نمشـي فــي مناكبـهـاوالله قـدّر لـنـا أرزاق وآجـالـي
حـث المطايـا وشرّقهـا وغرّبـهـاواقطع بها كـل فـج ٍ دارس ٍ خالـي
واطعن نحور الفيافـي فـي ترايبهـاوابعد عن الهم تمسي خالـي البالـي
فـي كـل عمليّـةٍ تقطـع براكبـهـافدافـد البيـد درهــام ٍ وزرفـالـي
تبعدك عـن دار قـومٍ ودارٍ تقرّبهـاواختـر لنفسـك للمنـزال منـزالـي
لومت فـي ديـرةٍ يجفـاك صاحبهـاكـم ذا الجفـا والتجافـي والتّعلالـي
دوس المخاطر ولا تخشـى عواقبهـاالموت واحـد وبعـد العـز يجلالـي
إن المنـايـا إذا مــدّت مخالبـهـاتدركّ لو كنت في جو السماء العالـي
ما قرّت الأسود فـي عالـي مراقبهـاتسعى على الرزق ما حنّت للاشبالـي
والشمس في برجها والغيـم يحجبهـاتقفي وتقبل لها فـي الفلـك مجدالـي
بديوي الوقداني
أشهر قصائد الرثاء
شالح بن هدلان يرثي ابنه ذيب وهو حي
ما ذكر حي ٍ بكى حـي يـا ذيـبواليوم انا ببكيك لـو كنـت حيـا
ويا ذيب يبكونك هل الفطرّ الشيـبإن لايعتهـم مثـل خيـل المحيـا
وتبكيك قطعـان ٍعليهـا الكواليـبوشيّال حمل اللـي يبـون الكفيّـا
وتبكيك وضـح ٍعلقوهـا دباديـبإن رددت من يمّـة الخـوف عيّـا
ويبكيك من صكّت عليه المغاليـبإن صاح بأعلى الصوت ياهل الحميّا
ننزل بك الحزم المطـرّف لياهيـبإن رددوهـن ناقلـيـن العصـيـا
أنا اشهد انك بيننا منقـع الطيـبوالطيب عسـرٍ مطلبـه مـا تهّيـا
سعدون العواجي يرثي أبنائه عقاب وحجاب
يـا ونـةٍ ونيتهـا تسـع ونـاتمع تسع مع تسعين مع عشر ألوفي
مع كثرهن بأقصى الحشا مستكناتعداد خلـق الله كثيـر الوصوفـي
ونة طريحٍ طاح والخيـل عجـلاتكسره حدا الساقين غـادٍ سعوفـي
على سيـوفٍ بالملاقـى مهمـاتسيفين أغلى ما غدا من سيوفـي
وعلى محوصٍ بالمـوارد قويـاتأسقي بهن لـو القبايـل صفوفـي
أحشم بحشمتهن لوهـن بعيـداتوأنام لـو ان الضـواري تحوفـي
خليتني يا عقـاب مابـه مـرواتعيالك صغارٍ والدهر بـه جنوفـي
من عقبكم ما نبكي الحي لو مـاتولاني على الدنيا كثير الحسوفـي
يا طول ما جريت بالصـدر ونـاتعلى فـراق معطريـن السيوفـي
يا عقاب عقبك شفت بالوقت ميلاتوأوجست انا من ضيم بقعا حفوفي
مرحوم يا نطّاح وجيـه المغيـراتلاجن كراديس السبايـا صفوفـي
مرحوم يا مشبع سبـاعٍ مجيعـاتوعز الله أنه عقبكـم زاد خوفـي
الخيل تدري بك نهـار المثـاراتياللي على كل المـلأ فيـك نوفـي
والخيل تقفي من فعولـك معيفـاتتاطا شخانيب الرضم مـا تشوفـي
ضيف الله بن حميد يرثي أخاه عبيد
يا ونتـي ونـة كسيـر الجبـارهليا وقف ماحتـال وليـا قعـد ون
عليك يـا شبـاب ضـو المنـارهعليـك ترفـات الصبايـا ينوحـن
من مات عقب عبيـد قلنـا ودارهلا باكـيٍ عقبـه ولا قايـلٍ مــن
تبكيـك صفـر ٍ لبسوهـا غيـارهتبكيـك يـوم ان السبايـا يعنـن
وتبكيك وضـحٍ ربعـن بالزبـارهليا قزن مـع خايـع ٍ مـا يـردن
الخيل عقب عبيـد مابـه نمـارهوش عاد لو راحن وش عاد لو جن
يا شيخ ما تامـر عليهـم بغـارهكود الجروح اللي على القلب يبرن
يقطع صبـيٍ مـا ينـادي بثـارهليا اقبلـن ذولـي وذوليـك قفـن
ياهل الرمك كـل يعسّـف مهـارهوالمنع ما نطريـه لاهـم ولا حـن
خزنة الملحم ترثي زوجها سطام الطيار وابنها محمد
البارحة جريـت بالصـدر ونـاتوالنـوم عيّـا لا يهملـج قليلـه
يا عين لا تبكين كثـرة وقـلاتإبكي على اللي كاسبيـن النفيلـه
إبكي على سطام زبـن الونيّـاتيـا لولـب الحكّـام كـلٍ يجيلـه
إبكي العديم اللي مع الناس ما ماتمرباع وايـل بالسنيـن المحيلـه
إبكي ذعار الخيل وان صار شداتزيزوم جيشه بالسنيـن الجليلـه
وابكي على محمد حصان المهماتهو بيرق الفرسان وشهاب ليلـه
يا الله يا ناهض سبع السمـاواتيا رافع ٍ شـدّات مـن يلتجيلـه
تخلي لنا واحـد ٍ فيـه هقـواتسلطان نور العين تالـي السليلـه
يبني بيوت العز من عقب ما فاتالله كـريـم وكلـنـا نشتكيـلـه
عقب الرجال اهل الفعول القديماتشيخان وايل من سنيـنٍ طويلـه
يجبر عزانا في عظيم المصيبـاتيوم المقدّر مـا لنـا فيـه حيلـه
كنة الشمرية ترثي زوجها
بعض العرب موتهم تخفيفمير البلا مـوت عبـدالله
مرحوم يا مهليٍ بالضيـفيا مكثّـر الهيـل بالدلـه
إذا مسكت زينة التوصيفالدم مـن مضربـه شلـه
ياما صفقهن ووردن عيفوياما حمـى كـل منتلـه
هذي القصيده الاساسيه اللي حفظته وانا وغد قبل تطلع الزيادات وهي اللي فعلا يقبله العقل اورده الراويه ((فواز الغسلان ))
قصيدة الشريف محمد
يـامـن لعيـنـن للشـريـف محـمـدتهلهل دمعه مـن مخـة الـراس حـادر
جريت السرايـا مـن الطايـف والحـرموصلنـا وجلـنـا يــم واد الـدواسـر
وصلنا على ابن حميـد بالنيـر وانتحـىاقفـى وقفـى عــن لقـانـا مخـايـر
وصفقناهن باليسرى على الصقور وانتحوااقفـوا وعرفـوا بـه حمـران النواظـر
وجينا الديرة اللي اسمهـا باسـم اهلهـاكـرام اللحـى بايـام حــر المسـاعـر
رجـنـا وروجـنـا بـديـار شـمــربديـار مرويـن الـعـدى بالشـواطـر
مناخـنـا لعـبـده تسعـيـن لـيـلـهبساقـي بزاخـه لاسقتـهـا المـواطـر
وفاضـوا مـع بيضـاء وفضنـا وراهـملجـوا والتجـوا فـي طمـان المغـاتـر
بالتلعـة اللـي جعلهـا لساقـي الحـيـىالتلعـة اللـي كـل حـصـوه جـفـادر
وجتنا السرايـا بيـن متالـع والحضـنتسمـع زغاريـت البـنـات الجـواهـر
جتنـا جحافلهـم علـى ظهـور ظـمـرقـب(ن) يشـادي صرعهـن كـل نـادر
اذا اقبلـن مثـل الشياهـيـن للعـلـفوان ادبـرن مثـل اللـقـاح الـصـوادر
وتطـاردن باللغـف فـي حـد مـوقـقوصـارت علينـا مـن كبـار الكسايـر
صحنـا وقلنـا الخيـل يابيـص فكـنـايابيـص يابيـص الوغـى يابـن شاكـر
رده عليهـم بيـص واحمـر السـمـاءوصارت فـروق الخيـل مثـل البواخـر
تسمع حسيـس سيوفهـم فـي ظهورنـامثـل نشيـش المـزن مـن نـو ماطـر
وتشوف جثي الخيل مـن حـر ضربهـممثل خشب سـدرن مـع السيـل حـادر
عبـده وزوبــع لاتصـافـوا بينـهـمحريبهـم ضـاقـت علـيـه المعـابـر
يامكرميـن الـجـار يـاغـش ضـدهـموسـاع الطعـون ومدركيـن التفـاخـر
يامدلهيـن الخـور بــارض المخـافـهلاجـاء نهـارن فـيـه وارد وصــادر
وردنـا الحليفـه تاركيـنـن شيوخـنـافياض وحوشان ومقتفـي الخيـل ناصـر
وتركنـا سـالـم والزنـاتـي عـبـداللهوالله عليـمـن بالخـفـى والظـواهـر
ملنـا عليهـم ميلـتـن مــن خطـانـاوانــا عـلـى مـاقـدر الله صـابـر
حلفـت ماتـي ديارهـم عقـب مامضـىلـمـا نتـواجـه عـنـد رب المـقـادر
هــذا كـلامـن للشـريـف مـحـمـديذكـر فعولـن ماضـي(ن) لـه بـوادر
وختامهـا صلـو علـى سـيـد الـمـلاعــداد مــن أذن بــراس المنـابـر
قصائد...... خالدة في الجزيرة العربية
رد مع اقتباس
رد: قصائد...... خالدة في الجزيرة العربية
مواقع النشر (المفضلة)