العيب فينا ولا فيهم ولا في مين بـ الضبط !
صبآحكم / مسائكم إختبارات im3
أكره شيء بـ الدنيا تكتب موضوع وأنت معصب im3
الوكآد..,
الله لايوفق قناة المجد
ملاحظين إن كل ماطق عود بـ عصا جابوا لنا موضوع إبتزاز الفتايات ..؟!
ترىآ حامت تسبودنا..,
ترىآ خلاص عرفنا..,
ترىآ وترىآ وترىآ..,
اللي مافهمت للحين بـ لعنتين موهوب وحدة..,
بـ الجامعة محاضرات بـ التلفزيون برآمج بـ الجريدة أخبار..,
طقت تسبودنا لو سمحتوا غيري موضوعكم الخايس شووي..,
عندكم عشرين طعش مليووون مشكلة وقفت علىآ هـ المشكلة !
طبعاً عندي أبيّي الله يحفظه ويخليه وأمي كانت مثله بس الحين عقلت أشوآ وعرفت im3
أي شيء بـ التلفزيون ولا يقرآه بـ الجريدة ولا كتاب يصدقه
المشكلة ثلآث أرباعهم أقص يدي إذا ماكنن مبهارات ومزيود عليهن ألين قلنا آمين
وتطيح بـ رآسي
قبل أمس جايبين برنآمج بـ المجد أنا مدري وش قرد أبيّي يشوفها..,
طول عمره علىآ الساحه ولا العربية ولا الجزيرة وأبو ظبي الوثائقية ..,
الموضوع كان عن إبتزاز الفتايات لـ الشباب وعن تدهور حال الفتايات وعن وعن وعن..,
طبعاً كـ العادة ماعمرهم جابوا نموذج وآحد مشرف لـ الفتاة السعودية الله حسسبي عليهم..,
ما أقولكم إن الأشياء ذي كذب ومو موجودة..,
لا موجودة بس ليش مثل ماينحط لـ أخباركم اللي مثل وجيهكم حلقات خصصوا حلقات لـ اللي بيضن الوجيه وبنآت رفعوا إسم السعودية ..!
طبعاً أبيي حوم تسسبدي من شآف الحلقة يآبنيتي الدنيا ماهيب الدنيا يآبنيتي جارته من الريآض لـ جدة اللي ماتخاف من ربها وسآحبتن منه فوق 20 ألف..,
آخر شي حامت تسسبدي قلت بلآها ماهيب مره ولا كان سحبت مليون
وش عليك منهم بـ حرييييييقة تحرقهم لا تصدق هـ الكلام اللي ينقال..,
طبعاً قبلها مهديه أبو جيرانا حسسبي الله عليه بعد هو الثاني
كتاب فتايات تائهات في عالم الإنترنت مدري وشو ..,
قسسسم بالله يا وسوس هو وأمي وسوسه غير طبيعية..,
يآبنيتي أنتبهي لا أحد يصورك وأنتي ماتدرين ..
يآبنيتي ترىآ الدنيا ماهيب الدنيا لا أحد يخترق جهازك..,
لعنبوو بليس قسسم بالله حسيت إننا في لآس فيغاس علىآ هـ المشاكل ماحناب بـ الريآض
آمنت بـ الله لازم توعية ولازم ولازم..,
بس ترىآ الشيء لازاد عن حده إنقلب ضده..,
ترىآ شيء سيء إنك تجيب بس نماذج سيئة للحين المجتمع فيه خير..
ترىآ المجتمع اللي أنتم حاطين بنآته أفسسد خلق ربي ومن غرفه لـ غرفه بـ البالتوك ومن ولد لـ ولد بـ الجوال ومن مصيبة لـ مصيبة أهلكم..,
ليش النظرة السيئة لـ المجتمع ومانطلع ونتكلم إلا بـ النماذج السيئة..؟!
يعني بـ الله عليكم..
السنة اللي فاتت كم بنت سعودية إكتشفت إكتشاف..؟
كم بنت سعودية أبدعت..؟
ما أتكلم عن البنات بس..
حتىآ العيال جايهم تشوية السمعة اللي جتنا ..,
ليش ما أحد تكلم بـ النماذج هذي ..؟!
ولا صح نموذج حسن مايسبب ضجة مثل لما يكون نموذج سيء !
الوكاد..,
الموضوع لكم..,
عندكم قصص مثل حالتي أنا وأبوي
عندكم تعليق..
عندكم مصيبة ..
كل شيء عندكم قولوه..,
وبسسس im3:25ar:
إنطلقوا يارعاكم الله :25ar::24ar:
مواقع النشر (المفضلة)