المشاركة الأصلية كتبت بواسطة شُمـٍ انثًى ــٍـٍـٍـوخْ .ღ . }
طيب انت الحين تقارن التدريس والجوال بالسواقه !!
ليه الشاب بيطب عليها بالمدرسه من ورى السور ؟!!
الجوال بيطلع عليها مع السماعه !!
او بيصير قدامه شاشه تكشف له هاللي بالجوال ؟!
هي شبه احلام وقبل عمليات التجميل im22 او هي شبه لميس im3
فيه فرق خيو لمن تكون قدام عينك ولمن تكون من وراء حجاب !
هو الشاب بس لو بيشوف عيونها وتكون حلوه بيطيح عندها
لو انها استنساخ من نعومي كامبل خخخخخخخخخ
الحين بس لو يمر بالسوق ويشوف فيه بنت
قام يسعى بالخط ! < لو ياخذ عمره اصرف im22
بس رايح جاي هذا وهو لامحها من بعيد
فـ كيف لمن تكون تمشي معه توازيه بالخط
سيارتها جنب سيارته
ياهوه ياناس خلونا واقعيين
حنا شعب مكبوت نعرفون شلون مكبوت ؟
شعب انحرم من شي وفجأه لقاه قدامه وش راح تكون ردة الفعل ؟!
عطشان لك سنين ودهور حطوا قدامك كاسة مويه راح تركلها برجلك ؟!!
ولا راح تقرض الكاس بكبره هو ومويته ؟!
الحين الشاب وهو الشاب ماسلم من الشباب انفسهم
يعني ياكم سمعنا عن شباب يحدون لهم سيارة سايقها ولد
كيف اذا كانت بنت ؟؟!!!
تخيل بس بنت تسوق في شارع شبه خالي او حاره نائيه
وفيه من الشباب اللي مايخاف ربه والله وبكل سهوله راح يتم له مراده
ولا من شاف ولا من دري !
او بتقول يطلع قانون يمنع البنت من السواقه في شوارع شبه نائيه
بل يجب ويتحتم عليها ماتسوق الا في شارع عام يزخر بالمواطنين !!
فكروا بالبعيد
الجوالات الحين منو قال انها مافسدت ولادخلت النار ؟!!
البنت ارتكبت من المعاصي الشي اللي بيقودها النار < هذا مايسمى دخول نار الا برحمه من الله
هذا وهو يعتبر اخف وطأه من السواقه
اجل كيف بالسواقه والتميلح !!
اذا هي لمن تطلع السوق تكب عليها علب المكياج اللي في بيتها وبيت جيرانها
وهذا وهو مايطلع غير عيونها !!
عدسات ومسكره وكحل وقريح
شلون اجل وهي تسوق وتضاهي بهالشي الشباب !
وكل شوي تطالع بالمرايه تشوف كم شاب وراها وراح يعجب فيها
الجوال فساد وكل شي صار فساد
ليه حنا نزيد الطين بله ونسعى لمناصرة المرأه بالسواقه !
المشايخ اللي صح واللي كانوا عتبه في طريق كل علماني
وغصه في حلقه راحوا ..
كان مافي اييي قرار يصرحون فيه الا بموافقتهم
ماكان يهمهم لا امير ولا وزير وماتاخذهم بالحق لومة لائم
الله يرحمهم راحوا ومن راحوا والفساد عم علينا
لو كانوا الحين عايشين ماكان اصلا ً تجرأوا مجرد جُرأه للبحث بهالخصوص !
ارجع واقول لاتقارنا بالدول الأوروبيه
الشمس تشرق من الشرق وتغرب من الغرب < شي جبلنا عليه
هل بيكون شروقها من الغرب وغروبها من الشرق شي عادي !!!
وحياك دكتر جورج
:25ar:
كيف راح تتصرف يالشاب السعودي اذا قادت المراه السياره !
مواقع النشر (المفضلة)