لا تشتكي للبشر وانت مطعون
ضحك وفلّ حجاجك اشفيك محزون
دنياك ماتسوى وخذها نصيحه..
●•
مادام مالك ميت ولا انت مديون
ارم الهموم وخل نفسك مريحه..
●•
لو كانوا اصحابك يضاهون مليون
نق الكفو منهم وخل السطيحه..
●•
ولا تنحني للهم وتعيش مغبون
ترا المريح اهل العقول الصحيحه..
●•
لاصرت صادق قالوا الناس مجنون
مايمدحون الا النفوس القبيحه..
●•
وخلك صمود بوجه الايام دندون
وما حرم الله اثم لا تستبيحه..
●•
والكبر لو به فايده فاد فرعون
ومن ذاع سرّه بشّره بالفضيحه..
●•
والله لو يعطون لك مال قارون
ماشفت نفسك بالغنى مستريحه..
●•
انفض هموم القلب وابليس ملعون
وان ضاق صدرك ارض ربي فسيحه؟!؟
رد مع اقتباس
مواقع النشر (المفضلة)