غــــرفـــــــة شـــــــــآب سعـــــودي !!

[ضيء]

السلام عليكم ورحمة الله وبركـاته
يسعدلي مسآئكم بكل خير
كيفكم يآحلى اعضــآء :24ar:
من زمآآآآآآن عن قسم الصور im3
اليوم موضوعي غيـــر وصلني ع ايميلي
وابيكم تشوفونه معآي
هذا الشباب ولا بلاش images11
تصدقون اول مرهـ اشوف غرفة شآب بهـ الشكل
من ناحيه الترتيب والتنسيق والنظآفه ولا دايم
ماشوف الا الحووسه بالغرف im22
طبعا مو الكل بس الغالب
يلا كلكم من بعد الموضوع سووا مثله ياشبآب الزين
وكل واحد يورينا تنسيقه وترتيبه بغرفته
<< بتسوي لكم حمله للترتيب والنظافه im3
لا من جد ماشاء الله عليه فنان ومبدع
وشغله مرتب اخليكم مع تعليقه والصور
وقولوا لي رأيكم

مـــا شــــــــاء الله

اول مره أتجرأ وافكر اسوي موضوع images11

حتى ان بعض الصور الي بتشوفونها كنت بنزلها من ضمن صور بموضوعي الجديد

يعني ماكنت ناوي اسويه موضوع

وانزله عندكم لاني حاس انه عادي أو لأني ولد

بس جتني بعض الطلبات والشرهات

إني أنزل الموضوع عندكم

الموضوع من بدايته ماكان ع البال اني أغير شي بالغرفه لأن مخططين بعد الصيف ان شاء الله
يكون في ترميم كامل للبيت من الداخل .. ومع العطاله الي مسببه لي وقت فراغ كبير جتني فكره
إني أغير وأعدل غرفتي بشي بسيط وغير مكلف وإذا غيرنا
وماجازت لي راح تتغير بشي احلى بعد الصيف ..
لن كل شي سويته بالغرفه بيدي ومن افكاري

دورت لكم صور للغرفه قبل بالقوه لقيت هذي

نبدأ الحين بحوستي فيها

بدايه الموضوع طلعت كل شي وسحبت الدولاب والسرير بنص الغرفه والتي في معهم

ماقويت اخرجهم

جبت أغراض البويه سطل بويه أخضر فاتح وسطل بويه اسود وسطل بويه بيج خفيف

اخترت الالوان عشوائيه اللون الأخضر احبه والاسود حبيت ادخله بالغرفه لنه يعطي فخامه

وشطرطون ( لزق ) وباقي الشله << ماعرفت إسمها

ملاحظه : البويه يسمونها بوية بلاستك ميزتها مالها ريحه وتنشف خلال 3 ساعات
كل الي تشوفونه بالصوره ماخذها بـ ( 200 ريال )
اللون الاخضر ( 50 ريال ) اللون البيج ( 50 ريال ) اللون الاسود ( 60 ريال )
وباقي الاشياء ( 40 ريال )

محروستكم الست لمار وقفة معي وقفه ما انساها وساعدتني طول اليوم
الصورة دعايه بس ولا وقفتها معي بالسواليف وسعة الصدر

بدايتها جلست العب ويوم حسيت اني توهقت اشتغلت صح

التي في شغال دامنا نشتغل بالجدار البعيد .. طبعا كانت الفكره جدارين باللون الاخضر الفاتح

وجدارين اسوي فيهم خطوط طوليه بالألوان الثلاثه .. اخضر وبيج واسود
كل سطل تضيف عليه علبة مويه ( ابو نص ريال )

بكل جدار بصمه

خلصنا منه وانتهى الدلع والحين بدأ الجد

سويت نفسي مثل المعلمين وشلت الدريشه ونسيت اغطيها


والناموس دخل وبهذلني بعدين سكرنا عليه

يحلفون اني ماخذت جرايد الاسبوع الي راح كله خخخ

بدينا بالجد

بدايتها كانت فله وسعه صدر بعد ماخلصت الجدارين الي باللون الاخضر
بديت بالجدارين الباقيه والي عليها الكلام والتعب
مع الوقت بدأت اللخبطه والبويه لماتخرب وتخش من تحت اللزق
خاصه اللون الاسود لنه ثقيل
وصرت اشتغل بالفرشه الصغيره لما يصر لي مشكله
واللزق مافكه الا لما ينشف العمود بعدين اضرب العمود الي جنبه

مدري عاد بتفهموا شلون كنت اشتغل الخطوط كانت عشوائيه وحاولت اني ما أكثر اللون الاسود وعطيه عمود كبير عشان لايكثر ويصير كئيب

نلعب

بدينا باللون القلق الاسود تعبني مره بصراحه .. راح تشوفونه بالاخير لما اكتمل الجدار

شوفوا كيف كئيب

خلصت الجدار الأول ويوم جيت للجدار الثاني وانا ماعاد فيني حيل

فكرت وجت ببالي فكره اسهل وأحلى وقلت مادام الجدار هذا فيه بيكون التي في + ان فيه جهة الباب
مايحتاج اسويه مثل الي مقابله وفكرته اسوي من اليمين 3 أعمده طالعه من تحت

ومن اليسار 3 أعمده نازله من فوق

كذا بس لسى ماكملت راح تشوفون وش سويت

هذا الجدار الأول بعد ما اكتمل وحطيت السرير ورجعت الدولاب

وهذا الجدار الي فكرته جت بالوقت الضائع بس ماطلع خساره هنا بعد ما اكتمل

كذا تقريباً خلصنا وكل شي بالنسبه للبويه طبعاً في شي مدري إنتبهتوا له ولا لا
الدولاب والسرير كان فيهم لون اخضر غامق ضربته بويه سودا
والي عليه التي في بعد ضربته بويه ( كان رفوف للكتب ) ولونه بيج نفس لون الدولاب
طبعاً شريت فرشه للأرضيه( 250 ريال ) وإضاءات من ايكيا ( 130 ريال )
2 بالسقف ووحده قاعده بالارض ولوحات لزوم الاعمده الي سويتها ( 100 ريال )
والستاره الي للحين مو مقتنع فيها كلفني العازل ( 100 ريال )
والستاره الخيوط ( 60 ريال )

هذي نهاية شغلي بغرفتي والشغل أخذ من وقتي يوم واحد بس

حتى شوفوا اللوحه الي جنب المكيف طبعت إيدي بالبويه الخضرا والاسود على لوحة قماش
وحتى الجره ضربناها بويه لو مامسكوني اهلي ضربت نفسي بويه
وكل الي كلفني بتعديل الغرفه ( 850 ريال فقط ) + شغل إيدي
ما أخفي عليكم يمكن ماتميزت ببعض التفاصيل الي تكون لازم متوفره بغرفه النوم
بس إنتوا عارفين ألزم ماعلى الولد فراشه وراحته والغرفه صغيره !!
والي سويته مجرد تغيير جو وتضييع وقت وبنفس الوقت توفير فلوس
وحبيت يكون كل شي بيدي وبتفكيري << ذليتهم بذا الشي im22

وش رأيكم بترتيبه وشغله im3
لكم :19ar:

[ހވޱ ވހވޱ]

وعليكم السلام ورحمة الله وبركاته

فيه شغله عاجبتها . فكرة الخطوط بس لو انها وردي او موف :24ar:.
تصير خطيرهـ . بس مبدع . وشكله نوى على البيت كلهـ images11
يسلمو قلبو على الصور
وعقبال ماتدهني . غرفتك بنفسك
الف شكر لكِ

[ملكة الذوق]

::

تدرين امس كنت اشوف هذا الموضوع بالمنتدى الفلاني!!
مرررره اعجبني شكل الجدار ..
ماشاء الله عليه عنده ذوق ..
مشكووره عالصور ..

[daloo3h]

روعهـ ماشاء الله عليييه مبدع :24ar:

الغرفه تغيرت تغير جذرري :24ar:

خقق أتعب وانا اقول خقق :24ar:



عوآفيي :24ar:

[R A W A N]

ماشاء الله تبآرك الله ع الترتيب ..

من جد شغل يدوي رآئع :24ar: :24ar:


لآهنتِ ضيونة :25ar: