00والله اننا قويين00

[أم صقر]

إلى كل سعودي وسعوديه ..

اكتشفت انا نحن الشعب السعودي العظيم..شعب.. قوي..مكافح..صبور..
شعب شعاره فلها وربك يحلها..بكل مايعنيه هذا الشعار من معاني وفوائد..
ليه؟..

اولا..على الرغم من الضايقه المالية اللى يعيشها اغلب الشعب..
والتطفير والفقر اللى يشع ويلمع من عيوننا..

الا اننا اكثر بشريه في العالم تتسوق..شغالين مقاضي من سوق لسوق..من محل لمحل..

مايمديك تسمع عن كريم رائع رهيب فله الا خلص..
بلوزة حلوة في المحل الفلاني
تعال افلقني اذا لقيتها في اي فرع من فروع المحل..

روج وردي خاقوقي..جزمه فلات مريحه..تنورة سوداء راكزه..
مافيه بح اختفت
..
وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع..
امه لا اله الا الله عندها..
فتح تشيليز وابل بيز لو تشوف الطوابير حولها تقول هذولاء ماعمرهم شافوا أكل..
(مطفرين و شغالين بلع..)<< اذكر الله

من ناحيه الدراسة..

عندنا من اسوأ الجامعات والمدارس..
اغبى الانظمه والقوانيين..تعقيدات ومصاعب
..
مبانينا خربانه..
قاعاتنا مكسره(اذا جيت بدخل القاعة متاهه..
لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله)..

حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى
ماتشم غير روائح الفل والياسمين)..

مكافئاتنا ماتصرف(تخيلوا كليتنا نزلوا مكافئتنا على البنك بعد معاناه دامت لسنين من التسليم يد بيد..
وبعد فتره وجيزة تطاقوا هم والبنك ورجعوا على النظام الاول)..

قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات
تخيلوا في هالحر بدون مكيف تدرون ليه؟
برضوا الشركة المسئوله عن التكييف عندنا تخاصموا مع كليتنا)..

بس وفي المقابل الشعب شغال تعليم..طلابنا كثييييير..الجامعات والمدارس مليانه..
واجبات وبحوث تعجيزية نقدم..
امتحانات صعبه نحل..
انشطه نشتغل..
تفوف نتفوق..
نظام التراكمي من اولى ثانوي تحسب الدرجات..
القدرات..
التحصيلي..
تخصصات قليلة ترضى الطموحات..
ومازال طلابنا يحصدون الـ99 والـ100..
<< هب عليكم..ماتعوق معهم ماشاء الله..

سقط سوق الاسهم سقطه..
عورت المجتمع وضربته على قفاه ضربه موجعه..
المؤشر احمر احمر احمر..
والشراء اخضر اخضر اخضر..
ومازال شعبي الجميل يشتغل بالاسهم..

بناتنا يقولون..:
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..

عيالنا يقولون..:
بناتنا..شينات..دلوعات..مايتحملون مسئوليه..مهورهم غاليه..
ومع ذلك الزواجات على افى من يشيل..
القاعات فل..
المشاغل زحمه..
وماليزيا تشتكى..

مافيه اماكن نتمشى فيها..
لاطبيعه ولا تطور..
(ياحبايبي انا..طلعت المملكة والفيصلية من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات..
مترنا الاسواق..
استوطنا الثمامه..

شوارعنا محفره..مكسره..معفنه..
وفوق كل ذا نعاني من زحمه مو طبيعيه..

النت عندنا خايس..
وندخل النت ونسولف ونتواصل ونحمل ونسوى اشياء كثيييير ولا يهمنا..

هذا الموضوع الى كل سعودية وسعودي مكافح..
سلخته الشمس واعدمت جلده..
اتعبه الكبت وكتم نفسه..
قتلته الواسطه وحطمت اماله..

صامدون صامدون صامدون..
سنعيش..سنلعب..سنحب ..وسنرقص ونغنى ولو حتى بدون موسيقى..

والله اننا قويين..

لله دركم ما أعظمكم

.......من ايميلي......

[أم صقر]

<<< يجنن هالفيس

[طـحـطـوح]

ههههههههههههههه

اكيد الشعب السعوجي يصبر ولو مافيه شي هههه

الشعب السعودي ياسكت ويمكشي حاله ويعيش

يعني لو يحطونا في كوكب ثاني عشنا بدون تنفس هههه

لاهنتي يام صقر على الموضوع

[Ju$t me]

ههههههههههههههههه

من جد موضووووع رهيييب

يسلموو يالغلا..

[طــيَف هَاجـسـي]

وماليزيا تشتكى..


يختي أحس اللي تقول شهرالعسل بماليزيا تحزني
أحس انه انضحك عليهااا


يختي انقزي لقارة غير آسياا يمدحون باريس@ ولايه كنتاكي < أهم شي الخيوول im22ولا يه تكساس يالبييه بس images11



نرجع لموضوعناااا


نرضىبقردونا لايجينا أقرد منهم :*



نوووووويف لاهنت أفتح النورتكتب بالظلام انت نص الحروف متآآكله im22 ولا تكتب من الضحك وزود الحماس سريع سريع images11



يسلمؤؤيالغلا :24ar: