مافيه داعي تخربها واخربها
اعجبتني وحبيت تقرؤها :25ar:
لا ترفع الصوت قصّر صوتك العالي
ما فيه داعـي تخرّبهـا وأخرّبهـا
مدام هذي سواتك ليه يـا الغالـي
أتعب خفوقي وروحي فيك أعذبهـا
رح في كرامة وأنا بـروح بلحالـي
مدام نفسي عـن الزلّـه مجنبهـا
ومدام تدرى عن اللى صار وأحوالي
بـلاش قصّتـك بالأعـذار تكتبهـا
الناس واجد وفيه ألوان وأشكالـي
في مشرق الأرض وإلا حول مغربها
دور وتلقى حبيـبٍ فيـه تحتالـي
المسئلـه هيّنـه بالـك تصعبهـا
سوق الغلا لا دخلت بروس الأموالي
نفسي على الغاليه دايـم مدربهـا
عارف مخارج طريقي قبل مدخالـي
مثل القصايد علـى كيفـي أرتّبهـا
من باعنى وأستمع في هرج عذالي
ينباع برخيص وحروفـه اشطبهـا
عزيز نفس وصميدع نسل رجالـي
مانى سوات الذليل ..النفس متعبها
شعيل لامن برك للحمـل يشتالـي
وناقة عريمـان مافـادت معزبهـا
لا ترفع الصوت يكفى منك غربالـي
فتّح عيونـك عـدل بالـك تكذبهـا
أن كان زينك عطاك الصك بأهمالي
ترى محاكيـك لا كبـرت يخربهـا
رد مع اقتباس
مواقع النشر (المفضلة)