آنٍآ يًگــَفٍيًنٍيً لآمٍَنٍيً رٍحِلتِ آتِرٍگ صِدُىٍ آسِمٍَـيً
مساكم / صباحكم
شعر .. و آحساس
مدخل ... /
مسـآء الحزن .. ياهاك الخفوق الذابل الحيران !
مسـآء المزن .. وعيون السحاب ! ... وثرثرهـ غيمه !
مسـآء الجرح .. لاردّت جروحك .. أربعــه جدران !
مسـآء الفرح .. لانسنس هواك .. وضمـّـته .. ديمه !
مساحات الفرح تصغر ولا يبقى سوى همي
وضياع احلام وفراق(ن) ترك في داخلي بركان
تعبت استوهم الفرحه ..تعبت ابكي على حلمي
تعبت اوقف على اطلاله وادور له على عنوان
اشوفك يالحزن وافي كأن اللي رضعك امي!!
او انك جيت من غربه ولقيت فداخلي اوطان!!
جرى طبع البدو بدمك..فزعت بحربي وسلمي
تسل السيف في وجه الفرح وتعزز الحرمان
اداويك وتداويني .. وتخلط دمك ابدمي
قطفت القلب وعروقه وتبدل داخلي شريان
واذا اقبلت بجروحي تناديني " هلا عمي"
وانا أجاوب "هلا باللي وفا اكثر من الخلان"
وأشكيلك من جروحي وأشكي من تعب ظلمي
وتغرقني بأفضالك الا من جيت لك تعبان
ومنك بس عرفت اطباع ناسي يابطل فلمي
عرفت ان الوفا نادر..وغدر(ن) هو جزا الاحسان
عرفت الدنيا ماتسوى وانا ماكان ذا علمي
حسبت انها عزيزة شان وأثرها مالها اي شان
انا ماكنت غير اني صريح والصدق جرمي
وأثر مايعيش بالفرحه سوى الكاذب مع الخوان
انا يكفيني لا مني رحلت اترك صدى اسمي
تزين بالوفا ولو البشر خانوا انا الكسبان
وانا مبطي انقتل فرحي ولا باقي سوى همي
وضياع احلام وفراق(ن) ترك في داخلي بركان
مخرج ... /
ياطعم الملح ! ياوحشة طعوني جيت لك بردان !
أبي لي " يد " ! تسرقني " صباح " وشمسنا نيمه !
مسامير السهر تركز بعيني وابلع الأحزان !
واجي بـ طعون .. يا والله عليها.. من التعب قيمه
رد مع اقتباس
مواقع النشر (المفضلة)