ماقبلتوني طب ! أنا أصلاً ماقبلت العيشه هِنا ×

**شبيهة المطر** · 26-07-2010, 04:10 AM

سعوديتنا وينها ؟؟؟؟؟

طموحي طب ، من عرفت نفسي وأنا أحلم فيــه
إجتهدت ، كافحت ، تعبت ، سهــرت ، سويــت الي قدرني ربي عليه
جبت نسبه كوويسه .. رغم أنا تراكمي
يعني إذا نقصت درجه في الرياضيات كأني ناقصه سبع درجاااااااااات !!
طيب كذا وسكتنا لكم
خليتو المعدل ع سنتين يعني تجمعون نسبة ثاني وثالث وتقسمونها
طيب مشيناها
إختبار القدرااات السقيـم !
بالله من زين طريقة تدريسكم عشان نستوعب أسئلتكم الي الواحد عليه دقيقه بس !
التحصيــلي !
من جدكم عاد ! مصدقين نفسكم إننا ندرس منَاهج صاحيه ؟

بعـد كل هذا .. إدخلي طب بنسبتك ( الي تمرمطت ونزلت بهالإختبارات )

مانقبـلت طب !!
وجاني إنهيـار

لدرجه تمنيــت إنِّي ما أملت نفسي عليه
عقب ماعاندت أهلي وسويت الي براسسي ( ماااااااانقبلت )
عقب مااااسهرت وأنا أذاكر ( ماانقبلت )

ليش ياسعوديتنا ؟
أوكي تبون تطبقون زي الأجانب ! طبقو فِي الأشياء الثانيه طيب
الشوارع حفريات لها كم سنه ! المستنقعات الي بالطريق ! مشاكل الكهرب !
المسشفيات الي بعضها تسبب الأمراض
كلل ششي فيــك !
الواسطه الي لاعبه فيكم ! سياحتكم البايخه ! الحياة المتأخره .. بالله للحين ماعندا الا برجين ( الفيصليه + المملكه ) لاوفرحانين فيها × هذا والبترول معنا ! أجل لو موب فيه وش تسوون؟

العطاله ! حقوق الإنسان ! البلديه ! الداعية يدخل السجن ! وصاحب الخَمر له تقدير !

البحررررر ... روحو شوفو المزبله الي عنده كيف ! ولايهونون التكارنه !
وينكم عن جزر هاواي

لابووووووووووها من دراسه عندكم
الله بيعوضني إن شاء الله

>> شطحت شوي بالكتابه :)

**!..الدبلوماسي..!** · 26-07-2010, 04:27 AM

زين وش دخل هالموضوع في قسم الشباب.؟؟

مكانه التعليمي هوونا: "| ركن الزين التـعليمي ..~

وبعدين المفرووض تبدأي الموضوع بمقدمة زي الخلق وتقولين السلام عليكم ياأعضاء الزين المزايين < متأثر بمزايين الإبل

،، مو بس مسوية صجة ولجة وقاطة ميانة أوماا الإسلووب حدث ولاحرج الله المستعان

:25ar:
.. ماألومهم يوم قضبوك الباب ، كان زين لو مسطرينك بعد

وسعي صدرك وأنا أخوتس الدنيا ماتسووى

**شبيهة المطر** · 26-07-2010, 04:37 AM

أقول أسكت لأحط حرتي فيك بس

**s3odi** · 26-07-2010, 04:42 AM

كل هذا عشانهم ماقبلوك طب

صارت السعودية كلها مو عاجبتك

طيب تقدرين تدرسين بالاردن مثلاً طب وترجعين السعودية

او بمصر او باالامارات او باي برنامج ابتعاث

بس نفسي افهم وش علاقة عدم قبولك بالطب بالحفريات بالشوارع

**شبيهة المطر** · 26-07-2010, 04:46 AM

سعودي
يعني لو حاصلتلي الدارسه بالأردن بأجلس هنا

وبعدين موب السعوديه هي الي حاطه القدارت واتحصيلي ! ولادخلتني طب
ويقالهم يطبقون زي الأجانب
يطبقونها ويطبقون الأشياء الثانيه بعد
الي هي الي ذكرتها الشوارع والحفريات
هذه العلاقه الي بينهم