رجاء لاتدخلونا فالدين خلونا نستانس

[وعد]

البنات لبسهم مرررره روعه ( فساتين وحركات البنات .. ) بس لو اللبس ساتر شوي
رجاء لاتدخلونا فالدين خلونا نستانس
اووه وش ذ الحركات وش ذ الطيحني ( عاد المنظر مايوصف ) بس لو ساتر بعض البعض
رجاء لاتدخلونا فالدين خلونا نلبس على راحتنا
يا خيتي لاتسمعين أغاني هالوقت ( خاصة تالي الليل ووقت نزول الرب ) اذا ولابد تسمعين اصبري لين يخلص المذن عالاقل
انتِ وش تبين خليني كيفي اسمع الى ابي وقت الى ابي مو كل شوي مسويه دينه على راسي ولاعاد تدخليني فالدين
ياوليدي اترك الدخان ماجاب لك الا المضره وبعدين ونا امك حرام الى تسويه بنفسك حرام حتى من عند الله
يمه والى يرحم والديك لاتدخلينا فالدين



لا تدخلونا بالدين .. الاسرة ماتبي شيء بحياتها يربط بالدين .. وبالتالي هالاسرة تكون مجتمع .. والمجتمع دولة .. والدولة ساسها أسرة تقول لاتدخلونا بالدين
وهذا الى حاصل الحين نتج عن( لا تدخلونا بالدين ) فصل الحياة عن الدين بشكل مبطن لو تبي تنصح قالوا لك لاتدخلنا بالدين حتى لو كنت مسافر وسويت لو جزء تقدر عليه
من الى يرضي ربك عليك قالوا لك حتى هناااا ؟ حتى هنا مسوي مطوع علينا ؟ يا أخي ابسط عمرك وخلي الدين على جنب
البنات مايبون شيء يكدر عليهم ويخرب المزاج عندهم والشباب كذلك ..


صار هالدين حمل ارهق كاهل هالامة
طيب تخيل حياتك بلا دين .. بلا موجه .. كيف تكون .. وكيف تعيش .. وكيف تحس ان لك قيمة



السالفه طويلة وماتقصر الا من عندنا وبوعي الفكر والاكثار من التقرب لله
ساعات اسال نفسي اقول حنا صحيح دولة مش علمانية .. بس يوم اشوف تصرفاتنا وسلوكياتنا .. اقول لا حنا علمانين صناعة وطنية


حبيت اكتب هالموضوع بحروف عامية قريبة للنفس وبعيده عنه بحكم
لا تدخلونا بالدين


بقية الحروف لكم ... جودوا بما لدى محابركم من أراء حول ماسبق .

[آخـ أمل ـر]

"قل إن صلاتي ونسكي ومحياي ومماتي لله رب العالمين "
ما دام نشهد بالله رباً وبالإسلام ديناً وبمحمد صلى الله عليه وسلم نبياً ورسولاً...فالدين داخل في حياتنا كلها وعلينا أن نحيا وفق أوامره...

نسأل الله الهدايه لنا وللجميع
تسلمين وعد عالموضوع القيم

[مناير الشـووق]

معااك حق مقووله معظم الناس صاارت ترددها
بشكل غريب . رجاء لاتدخلونا فالدين خلونا نستانس ..

طيب ليه مانستانس والله راضى علينا
يعنى مانستانس الا بمعصيه الله

عجب العجااب على هالفئه

لكن شنقول ونكتب بس
الف شكر لك وعد على قيمة الموضووع :24ar:
:25ar:

[ضيء]

للاســف هذا حآل واقعنا
اي كلمة ممكن تنصحهم بها يبدون بالتذمر
والكلام الي مايرضي ربي
مع انه اذا حطوا خالقنا امام اعينهم
بكل لحظه وقبل لايقبلون على شي معين
وبـ رضآهـ عنهم بتكون حياتهم سعآدهـ
لكن بهـ الزمن كل شخص يبغى يمشي الدنيا
على مزاجه ومايبغى اي شي يعكر مزاجه
وبـ باله العمر قدامه بيستمتع بملذات الدنيا
وينسى الآخرهـ ويأجلها لوقت معين
الله يهديهم بس ويصلح الحال
الف شكر غلاتي وعد
طرحك واقعي ورائع
لكِ :19ar:

[أميـ الورد ـرة]

دائما طرحك ممتع وعد

السالفه طويلة وماتقصر الا من عندنا وبوعي الفكر والاكثار من التقرب لله
ساعات اسال نفسي اقول حنا صحيح دولة مش علمانية .. بس يوم اشوف تصرفاتنا وسلوكياتنا .. اقول لا حنا علمانين صناعة وطنية

انت سالت و جاوبت
تعرفين ليه كل هذا اللي احنا فيه لانه مش قناعه و لا انتماء
مجرد تنفيذ لاننا تعودنا عليه لان عاداتنا تقول كذا
مش لان الدين يقول كذا
طيب عاداتنا من وين جات جات اصلا من الدين بس ببهارات شخصية من الناس لتنفيذ الدين بشكل اصرم و حفاظا عليه
اللي يصير الحين تمرد على العادات بدون انتباه ان في هذا تمرد على الدين
هنا يجي اسلوب النصح و هذه مشكلة ثانية اختيار الاسلوب المناسب
الناس فيها خير بس لازم تعامل بطريقة مناسبة لها
بعطيك مثال ما انكر اني كثير فرحانه فيه
اتعامل يوميا مع طالبات مدرسة من اول ابتدائي الى ثالث ثانوي
و طبعا مع بداية الشتاء كل المدرسة لابسين اد هاردي و هي ماركة عادية بس تحب الجماجم
طبعا كثير مدرسات قالوا لازم نمنعها لانها ايمو
اوكي امنعها بس لسبب الكل ماكان عنده سبب معين بس بوجهة نظرهم منكر لابد ان نغيره وان هذا زي ما يناسب للمدرسة
فكان بالاتفاق مع معلمات واعيات و لهم ستايل كشخة و حلو و محبوبات من الطالبات
كان المدخل على ستايل الايمو وايش يعني و كيف ممكن نستخدم اشياؤهم الحلوة بدون ما نقول احنا نتبعهم
وتم التنويه على هالماركة انها مش حلوة كشكل وانها مش حلوة حتى لمكان تعلم زي المدرسة وشوي شوي البنات من نفسهم بطلوا يلبسوها للمدرسة
المسالة اسلوب وان شاء الله الكل راح يقول قبل اي شي ايش راي الدين وراح يسويه

اسفة عالاطالة بس موضوعك حلو
و ان شاء الله بوجود الطيبين امثالك و الواعيين بنكون احسن
الدنيا تتغير ولازم نكون مستعدين